Ciddi qayda pozuntusunda təqsirkar olan oyunçu meydandan qovulmalı və oyun qayda pozuntusunun edildiyi yerdən cərimə zərbəsi ilə və ya 6 metrlik zərbə ilə (qayda pozuntusu qaydanı pozan komandanın cərimə meydanında baş veribsə) bərpa edilir.
Aşkar qol vurmaq imkanının yarandığı hallar istisna olmaqla, ciddi qayda pozuntusu zamanı üstünlük prinsipi tətbiq edilməməlidir. Top növbəti dəfə oyundan çıxdıqda hakimlər ciddi qayda pozuntusunda təqsirkar olan oyunçunu meydandan qovmalıdırlar.
Əgər oyunçu cərimə və ya sərbəst zərbəni cəld yerinə yetirməyi qərara alırsa və 5 metr məsafədən yaxın olan rəqib oyunçu topu ələ keçirirsə, hakimlər oyunun davam etdirilməsinə imkan verməlidir.
Əgər oyunçu cərimə və ya sərbəst zərbəni cəld yerinə yetirməyi qərara alırsa və yaxın olan rəqib oyunçu bilərəkdən ona zərbəni yerinə yetirməyinə mane olursa, hakimlər oyunun bərpasını gecikdirdiyinə görə oyunçuya xəbərdarlıq etməlidirlər.
Müdafiə olunan komandanın öz cərimə meydanından yerinə yetirdiyi cərimə və ya sərbəst zərbə zamanı, müdafiə olunan komandanın zərbəni cəld yerinə yetirməyi qərara aldığına görə cərimə meydanını tərk etməyə vaxtı olmayan bir və ya daha çox rəqib oyunçu cərimə meydanında qalarsa, hakimlər oyunun davam etdirilməsinə imkan verirlər, bir şərtlə ki, top digər oyunçuya toxunmadan birbaşa cərimə meydanını tərk etsin.
