QAYDA 5 – HAKİMLƏR
Hakimin səlahiyyəti
Hər bir oyuna təyin olunan iki hakim – baş hakim və ikinci hakim, onlara verilmiş tam səlahiyyət çərçivəsində Futzal Oyun Qaydalarını tətbiq edirlər.
Hakimin qərarları
Qolun qeydə alınıb-alınmaması da daxil olmaqla hakimlərin matç, yaxud onun nəticəsi ilə bağlı qərarları qətidir.
Hakimlər yalnız verdikləri qərarın yanlış olduğunu başa düşərlərsə və ya özlərinin seçimindən asılı olaraq digər hakimin(-lərin) tövsiyəsinə əsasən qərarlarını dəyişə bilərlər, bir şərtlə ki, oyun yenidən başlanmamış və ya başa çatdırılmamış olsun.
Bəzi hallarda oyun zamanı digər hakimlərdən biri işarə edir göstərir/bildirir ki, xəbərdarlıq və ya qovulma ilə nəticələnən qayda pozuntusu baş verib, ancaq hakimlər bu işarəni görmürlər/eşitmirlər, oyunun bərpa edilməsindən sonra matçın hakimləri yalnız intizam sanksiyası tətbiq edə bilər; sanksiyaya uyğun bərpa üsulu tətbiq edilmir.
Baş hakimin qərarları ikinci hakimin qərarlarından üstün hesab olunur, əgər onlar arasında epizod barədə fikir ayrılığı yaranırsa.
Hakim əsaslandırılmamış müdaxilə zamanı və ya nəzakətsiz davranışa görə ikinci hakimi, yaxud digər hakimləri vəzifələrini yerinə yetirməkdən azad edir, onların əvəzlənməsini təmin edir və müvafiq təşkilatları bu barədə məlumatlandırır.
Dostları ilə paylaş: |
