Kütləvi qarşıdurma
Kütləvi qarşıdurma zamanı:
Hakimlər qarşıdurmanın səbəbkarını (səbəbkarlarını) tez və effektiv şəkildə müəyyənləşdirməlidirlər;
Bütün hadisələrin görünə bilməsi və səbəbkarın (səbəbkarların) müəyyənləşdirilməsi üçün hakimlər qarşıdurma ətrafında yaxşı mövqe tutmalıdırlar;
Üçüncü hakim və ehtiyat köməkçi hakim (təyin olunarsa) lazım olduqda hakimə kömək etmək üçün iştirak etməlidirlər;
Qarşıdurmanın sonunda intizam sanksiyaları tətbiq olunmalıdır.
Qaydaların sistematik şəkildə pozulması
Hakimlər Futzal Oyun Qaydalarını sistematik olaraq pozan oyunçulara qarşı hər zaman diqqətli olmalıdırlar. Xüsusi ilə, onlar bilməlidirlər ki, əgər oyunçu bir neçə müxtəlif qayda pozuntusu edirsə, Futzal Oyun Qaydalarını sistematik şəkildə pozduğuna görə ona xəbərdarlıq edilməlidir.
Qayda pozuntularının sistematik hesab edilməsi üçün xüsusi say və ya mövcud nümunə yoxdur – bu tamamilə idarəetməyə aid olan məsələdir və oyunun effektiv şəkildə idarə edilməsi kontekstində müəyyən edilməlidir.
Dostları ilə paylaş: |
