Püşkatmada qalib gələn komanda, birinci hissədə hücum edəcəyi qapını, yaxud başlanğıc zərbəsini yerinə yetirəcəyini seçir;
Yuxarıda qeyd edilən seçimdən asılı olaraq, rəqib komanda başlanğıc zərbəsini yerinə yetirir və ya birinci hissə ərzində hücum edəcəyi qapını seçir;
Birinci hissə ərzində hücum edəcəyi qapını seçən komanda ikinci hissədə başlanğıc zərbəsini yerinə yetirir;
İkinci hissədə komandalar qapıları dəyişir və əks qapılara hücum edirlər;
Texniki zona/Oturacaqlar hissələr arası fasilə zamanı komandalar tərəfindən dəyişilir - oturacaqlar özünə aid meydanın müdafiə edilən hissəsində olmalıdır;
Komandalardan birinin qol vurmasından sonra başlanğıc zərbəsi digər komanda tərəfindən yerinə yetirilir;
Başlanğıc zərbəsini yerinə yetirən oyunçu istisna olmaqla, bütün oyunçular meydanın özlərinə aid hissəsində olmalıdırlar;
Rəqib oyunçular topun oyuna daxil edilməsinə qədər topdan ən azı 3 m məsafədə olmalıdırlar;
Top meydanın mərkəz nöqtəsində hərəkətsiz vəziyyətdə olmalıdır;
Hakim işarə verir;
Topa zərbə endirildikdə və top aşkar şəkildə hərəkət etdikdə, oyunda sayılır;
Başlanğıc zərbəsindən birbaşa rəqib komandanın qapısına vurulan qol qeydə alınır; əgər top birbaşa başlanğıc zərbəni yerinə yetirən oyunçunun qapısına daxil olarsa, küncdən zərbə təyin olunur.
