“Bir do’stim yo’q”

“Bir do’stim yo’q”

Barchasiga qodir Xudo,

Bandalari chorasizda.

Bandalikda. Taqdir ekan,

Astonboy yo’q oramizda.

Ko’ngli toza yigit edi,

Mahalla ko’y orasida.

Uch kun betob bo’ldi. O’ldi …

Astonboy yo’q oramizda.

Xudo bilar, ertami-kech,

Biz ham bir kun boramizda.

Orzulari armon bo‘lgan,

Astonboy yo’q oramizda.

Ajal yetsa boshimizga,

Yurak bag’ri poramizda.

Peshonada, iloj qancha,

Astonboy yo’q oramizda.

Do’st-yoronlar to’planishib,

Ko’nglimizni yoramizda.

Payrov qilib gap yedirgan,

Astonboy yo’q oramizda.

Kulgusevar inson edi,

Deya eslab yuramizda.

Davralarimizni xushnud etgan,

Astonboy yo’q oramizda.

Farzandlari unib-o’sar,

Tengdoshlari orasida.

Lek ularning ko’ngli o’ksik,

Astonboy yo’q oramizda.

Yotgan joyi jannat bo’lsin,

Boqiy dunyo borasinda.

Qabri ziyo - nurga to’lsin,

Bir do’stim yo’q oramizda …

Imomov Abdumutolib

Farg'ona viloyati

Bag‘dod tumani

I-Xitoy qishlog'i

Giloszor ko'chasi 171

Tel: [phone]