| «Allah tövbə edənləri sevir».1
Həzrət Peyğəmbər (s) buyurmuşdur: «Allah yanında tövbəkar mömin qadın və kişidən sevimli bir kəs yoxdur»;2 «And olsun Allaha, O, bəndəsi tövbə etdikdə əli azuqəsinə çatmış insandan daha çox sevinir»;3 «Allah, bəndəsi tövbə etdikdə, ata olan sonsuzdan, itirdiyini tapan insandan və su tapan susuzdan daha çox sevinir»;4 «Tövbə edərək günahdan qayıdan şəxs günahsız insan kimidir».5
Həzrət Əli (ə) buyurur: «Tövbə qəlbləri paklayan və günahları yuyan bir amildir».6
Tövbənin bəzi təsirləri var ki, onlar özünü göstərdikdə tövbənin qəbul olunmasına arxayın olmaq olar. Əks təqdirdə, yenidən tövbə nuruna doğru addımlamaq lazımdır. Rəsulullah bu mövzuda buyurur: «Tövbə edən şəxsdə tövbənin təsirləri özünü göstərməzsə, o tövbə həqiqi tövbə sayılmaz. Tövbənin təsirləri borc sahiblərinin rizayətini cəlb etmək, tərk olunmuş namazları qılmaq, xalq arasında təvazökar olmaq, özünü şəhvətdən qorumaq və oruc tutmaq ilə bədənini arıqlatmaqdan ibarətdir».2
Həzrət Əli (ə) buyurur: «Tövbə behişt əhlinin məqamıdır. O, altı məsələdən ibarətdir:
1. Keçmişdən peşman olmaq;
2. Gələcəkdə günah etməməyi qərara almaq;
3. Camaatın haqqlarını özlərinə qaytarmaq;
4. Zay olmuş vacibləri yerinə yetirmək;
5. Günah zamanı bədəndə artanları əritmək;
6. İbadət və itaətin çətinliyini cismə dadızdırmaq və sonra «Əstəğfirullah» demək.3
Dostları ilə paylaş: | 
