BiRİNCİ FƏSİL

Rüku və səcdə ilə gecə məsciddə qalan‚ İlahi ibadətiylə gecəni başa vuran şəxs‚ Şeytani inadla məsciddən qayıdan Özünü məscidin toz-torpağından uzaq tutan Kəslə bərabər mükafatlandırılmayacaq.^101

İmam Həsən (ə): «Məscid əhli Allahın qonaqları sayılır və (şübhəsiz ki‚) ev Sahibi öz qonaqlarını mükafatlandırmalıdır.»¹⁰²

İmam Həsən (ə): «Üç şəxs Allah-Təalanın qonşusu sayılır: Yalnız Allaha xatir məscidə gedən şəxs. Bu şəxs məsciddən qayıdana qədər Allahın qonağı sayılır.

Yalnız Allaha xatir müsəlman qardaşının görüşünə gedən şəxs. Bu şəxs müsəlman qardaşının görüşündən qayıdanadək Allahın görüşünə getmiş sayılır.

Yalnız Allaha xatir Həcc və ya Ümrə ziyarətinə gedən şəxs. Bu şəxs ailəsinin yanına qayıdanadək Allah dərgahında müsafir sayılır.»¹⁰³

87. 
    İmam Sadiq (ə): «Əli ibn Hüseynin (ə) xidmətçisi onu soyuq bir (qış) gecəsində xəz əba-əmmamədə və ətirlənmiş halda gördü. O‚ soruşdu: Sənə qurban olum! Bu saatda və belə (gözəl-bəzənmiş) şəkildə hara gedirsən?» İmam (ə) buyurdu: «Babam Peyğəmbərin (s) məscidinə, Allah-Təaladan huri istəməyə gedirəm.»¹⁰⁴
    
88. 
    İmam Baqir (ə): «Namaz qılmağa gedərkən belə dua et: «İlahi! Məni Allah evlərini (məscidlər) abadlaşdıran şəxslərdən et!»¹⁰⁵
    
89. 
    İmam Sadiq (ə): «Öz yaxınlarınızla birlikdə məscidə gedin.»¹⁰⁶