BiRİNCİ FƏSİL

Məhəmməd peyğəmbər (s) buyurmuşdur:

284. 
     Bəndə məscidə tüpürdükdə‚ məscidin sütunları‚ dərinin od üzərində gərildiyi kimi gərilib‚ lərzəyə gələr. Amma onu udsa (və yaxud gizlətsə)‚ Allah-Təala yetmiş iki xəstəliyi ondan uzaqlaşdırar və ona iki milyon savab yazar.³⁰⁵
     
285. 
     Məscidə tüpürüldükdə, oranın sütunları‚ dərinin od üzərində gərildiyi kimi, gərilib‚ lərzəyə gələr.³⁰⁶
     
286. 
     Kim məscidə hörmət etmək məqsədilə (oraya tüpürməyib) ağzının suyunu udsa (gizlətsə)‚ bu onun saglamlığına və xəstəliklərdən amanda qalmasına səbəb olar.³⁰⁷
     
287. 
     İmam Əli (ə): «Kim məscidə ehtiram qoymaq və hörmət göstərmək məqsədilə oraya tüpürməsə‚ Qiyamət günü Allahın hüzuruna əməl dəftəri sağ əlinə verildiyi halda‚ sevinc içərisində gedər. Şallaq altında hansı hissləri keçirirsinizsə‚ məscid də‚ oraya tüpürüldükdə sanki belə hisslər kecirir.»³⁰⁸
     
288. 
     İmam Sadiq (ə): «Kim məsciddə burun və ağız suyunu boşaltmaq əvəzinə onu udsa (və yaxud gizlətsə)‚ xəstəliyə düçar olmaz. Allah (məscidə hörmət edib‚ oraya tüpürmədiyi üçün) ona şəfa verər.»³⁰⁹