Hər bir çətinliklə yanaşı bir asanlıq da var. Və ya hər bir çətinlikdən sonra bir asanlıq var. 1
Salamlaşıb hallarını soruşduqdan sonra, öz haqqımda yazmağa başladım. Sağ olduğumu və heç bir narahatçılığımın olmadığını bildirdim. Yerimin yaxşı olduğunu da qeyd etdim. Sonra da Zəhra, Fatimə, Mürtəza, babam, Suğra nənəm və kiçik qardaşımın halını soruşdum. Çox kiçik xətlə yazsam da, məktub düşündüyümdən daha tez doldu. Axırıncı bir-iki sətirdə yazdım ki, mənim uzaqlığım sizi inqilab və müharibədən məyus etməsin. Onları Allaha əmanət edib, məktubun cavabını gözləyəcəyimi yazdım2.
Üç həftə sonra, Qırmızı Xaç Komitəsinin nümayəndələri yenə gəldi. Bu dəfə yeni gələn əsirlərin adlarını qeyd etməklə yanaşı, bizə də 10×15 santimetrlik kiçik ağ rəngli vəsiqə verdilər. Onun üzərində ingiliscə ad-soyadımız və qırmızı xaç şəkli var idi. Biz bu vəsiqə ilə artıq qeydiyyatdan keçmişdik, buna görə də İran dövləti əsir düşdüyümüzü bilirdi. Mehdi Yədulla Əzizullah vəsiqəsinin nömrəsi 3790 idi. Mən 3790-cı iranlı əsir idim.
Dostları ilə paylaş: |
