ذُو مِرَّةٍ فَاسْتَوَىٰ
Gözəl görünüşlü (Cəbrayıl). O, yüksəlib (öz surətində göründü) (Ən-Nəcm, 6).
وَلَقَدْ رَآهُ نَزْلَةً أُخْرَىٰ
Onu bir daha (özsürətində) enərkən gördü (Ən-Nəcm, 13).
Hədislərin birində söylənilənlərə görə, Həzrət Mühəmməd (s) onu ilk dəfə həqiqi simasında görəndə özündən gedibmiş. Cəbrailin vücudu bütün üfüqü əhatə etmiş və o, 600 qanada sahib olmuşdur (Səhih-Buxari, hədis 3232; 3234).
فَاتَّخَذَتْ مِنْ دُونِهِمْ حِجَابًا فَأَرْسَلْنَا إِلَيْهَا رُوحَنَا فَتَمَثَّلَ لَهَا
بَشَرًا سَوِيًّا
Cəbrayıl Həzrət Məryəmə isə kamil bir insan surətində peyda oldu (Məryəm, 17).
Cəbrayıl (ə) Peyğəmbərə (s) bütün mələklərin səmada ibadət etmək üçün öz yerləri olduğunu və onların eynən müsəlmanların cümə və camaat namazlarında durduqları kimi səf-səf durduqlarını bildirmişdir:
وَمَا مِنَّا إِلَّا لَهُ مَقَامٌ مَعْلُومٌ
وَإِنَّا لَنَحْنُ الصَّافُّونَ
(Cəbrayıll Peyğəmbər əleyhissəlama belə dedi: “Bizdən (mələklərdən) elə birisi yoxdur ki, onun (səmada Allaha ibadət üçün) müəyyən bir yeri olmasın!”, “Həqiqətən, biz səf-səf dururuq” (Əs-Səffat, 164-165).
Müsəlmanlardan fərqli olaraq yəhudilər və xristianlar ikinci böyük mələk Mikayıla (ə) daha çox rəğbət bəsləyirlər. Onlar Mikayılı (ə) mərhəmət və xeyirxahlıq mücəssəməsi hesab edirlər.
İsrafil (ə) də Allahın dörd böyük mələyindən biridir. O, “sur” adlı şeypura üfürməklə qiyamətin qopmasını bildirməyə mükəlləfdir. Qurani-Kərimdə adı çəkilməsə də, onun barədə də bir ayə vardır:
Dostları ilə paylaş: |
