Sual: 300. Həzrət Mehdi (ə) qeyb dövründə hansı işləri görür?
Cavab: Böyük qeyb dövründə həzrətin çox mühüm işləri var. O zahiri hakimiyyətə malik olmasa da, bütün işlərə nəzarət edir və müəyyən işlərə qatılır.
İmamət və rəhbərlik şəni onu öz vəzifəsini ən üstün şəkildə yerinə yetirməyə sövq edir. Həzrətin ömrü Allaha itaət yolunda keçir. İmam öz ictimai vəzifələrini insanların ümumi faydası istiqamətində yerinə yetirir. İnsanların hidayəti, müxaliflərə qarşı möminlərə yardım, müşkül məsələlərin həlli, fərdlərin moizə-nəsihəti, xəstələrə şəfa, yolda qalmışlara bələdçilik, elm və maarif təlimi, ehtiyaclılara iqtisadi yardım, çətinliyə düşənlərin fəryadına çatmaq həzrətin işlərindəndir.
Həzrətin mühüm işlərindən biri də şiə cəmiyyətini nizama salmaq, elmi hövzələri tarix boyu nəzarətdə saxlamaqdır.
Dostları ilə paylaş: |
