Sual: 425. Zühur vaxtını təyin etmək düzgündürmü?
Cavab: Zühur vaxtı bir neçə şəkildə təyin oluna bilər:
1. Məsələn, bəyan oluna bilər ki, zühur filan ildə, filan ayda, filan gündə baş verəcək. Belə bir ehtimal batildir.
2. Zühur vaxtının ümumi şəkildə müəyyənləşdirilməsi. Məsələn, deyirik ki, zühur Allah istəyən vaxt baş verəcək. Belə bir ehtimalda eyb yoxdur.
3. Riyazi yollarla zühur vaxtını müəyyənləşdirmək. Bəzi rəvayətlərdə bu ehtimala yer verilsə də, həmin rəvayətlərin sənədi mötəbər deyil.
4. Rəvayətlərə əsaslanaraq zühur vaxtına işarə etmək:
Təbəri nəql edir ki, imam Sadiq (ə) buyurmuşdur: “Qaim tək ildə zühur edəcək. Ya bir, ya üç, ya beş, ya yeddi, ya da doqquz.”1
Başqa bir məqamda imam Sadiq (ə) buyurur: “Ramazan ayının 23-cü gecəsi imamın adı ilə nida çəkiləcək. İmam aşura günü qiyam edəcək. Həmin gün ki, Hüseyn ibn Əli şəhadətə çatmışdır!”2
Sual: 426. Zühurdan öncə yer üzündə zülmün rəvac tapması xalqın saleh olması ilə zidd deyilmi?
Cavab: Rəvayətdə zülm-sitəm zühur səbəbi kimi yox, zühurun yaxınlaşma şərti kimi təqdim olunur. Məqsəd bu deyil ki, xalq zühurun tezləşməsi üçün zülmə rəvac versin. Vəzifəmiz ədalətin bərpasıdır. Həmin ədalət ki, həzrət ondan ötrü zühur edəsidir.
Dostları ilə paylaş: |
