Sual: 444. Həzrətin qiyamı dövründə baş verəcək qırğınlarla bağlı hansı rəqəmləri göstərmək olar?
Cavab: İddia etmirik ki, həzrətin qiyamı dövründə qətl baş verməyəcək. Şübhəsiz ki, belə bir böyük hadisə düşməni aradan götürmədən baş verə bilməz.
Bəşir ibn Əbu-Ərakə Nəbbal deyir: Mədinədə olduğum vaxt imam Baqirin (ə) yanına gedib ərz etdim: “Deyirlər ki, Qaimin qiyamı vaxtı işlər yoluna düşəcək və qan tökülməyəcək.” Həzrət buyurdu: “Heç vaxt belə ola bilməz. And olsun canım əlində olana, iş bir yerə çatar ki, biz və siz donmuş tər və qanı pak edərik.”1
Bu məzmunda başqa rəvayətlər də nəql olunub. Amma tarix şahiddir ki, İslam peyğəmbəri (s) və Əhli-beytdən olan məsum imamlar imkan daxilində qılınca əl aparmamağa çalışmışlar. Çünki onların məqsədi insanların doğru yola hidayətidir. Demək, kütləvi qırğınlar baş verəcəyini təsdiqləyən əqli və nəqli dəlillər yoxdur.
Dostları ilə paylaş: |
