Sual: Həzrət Mehdinin (ə) hökumət müddəti haqqında rəvayətlər nə deyir?
Cavab: Bu məsələ ilə bağlı iki qrup rəvayət var:
a) Rəvayətlərin bir qismində həzrətin hökumətinin on il və ya daha az ömür sürəcəyi bildirilir. Belə bir məlumata daha çox sünni mənbələrində rast gəlmək olur.
b) Digər bir qrup rəvayətdə həzrətin hökumətinin on ildən çox ömür sürəcəyi xəbər verilir.
Birinci qrup rəvayətlər “Sünəne Əbu-Davud”, “Səhihi-Termizi” mənbələrində nəql olunmuşdur. İkinci qrup rəvayətlərə “Yәnabiul-mәvəddə”, “Əl-haviyul lil-fətavi”, “Əl-ğeybət” mənbələrində təsadüf etmək olar.
Sual: Həzrət Mehdinin (ə) hökumət müddəti ilə bağlı fərqli rəvayətlər necə izah olunur?
Cavab: Bu mövzu ilə bağlı üç mövqe var:
1. Bu hökumətin yeddi il davam edəcəyini bildirən rəvayətlər: Bu məlumatın mötəbər sənədləri var, hətta mütəvatir həddə olduğu bildirilir.
2. Həzrətin həyatı və hökuməti haqqında məlumat verən rəvayətlər: İmam Mehdinin (ə) zühurundan sonrakı həyatı on ildən azdır. Ümumdünya ədalət hökumətinin ömrü on ildən az çəkəcək.
3. Şiddətli və zəif mərhələlər: Səfarini deyir: Bütün rəvayətləri düzgün saysaq, onları belə izah etmək olar ki, həzrətin hökuməti üç mərhələyə bölünür: Zühur mərhələsi, sabitlik mərhələsi, son mərhələ.
Dostları ilə paylaş: | 
