Təcavüzkar düşmənə qarşı mübarizə və müdafiə illərinin silinməz xatirələri o qədər dəyərli və əvəzsizdir ki, gərək hər guşəsinin qəhrəmanını tapıb, bircə-bircə söhbətlərini dinləyək. O dövrün kişi və qadınlarından hər birinin maraqlı və öyüd dolu söz-söhbətləri var. Hansı ki, hər biri o böyük hadisənin bir və ya neçə epizodunu nəql edir. Doğrusu, həcmi mühüm deyil. Əsas məsələ bu xatirələrdəki səmimilik və sədaqətdir ki, onlara könül verməmək olmur.
İran Turabi xanım 1956-cı ilin mart ayında Həmədan vilayətinin Tuyserkan rayonunda dünyaya göz açıb. Elə uşaqlıq dövründən həyatını bürüyən problemlər heç vaxt onun təhsilə olan hədsiz marağının qarşısını ala bilməyib. Neçə il təhsildən yayınmağına baxmayaraq həmişə arzuladığı xalqa xidmət məqsədinə nail olaraq ömrünü bu sahəyə həsr edib.
