Blackcurse

Milliy tarbiya - ijtimoiy-tarixiy, qonuniy va ob’ektiv jaryon sifatida
Antropologlarning shahodat berishlaricha, odamzodning tashqi ko‘rinishi kechki paleolit - kromanonlar davri- bundan 40000 yildan buyon o‘zgarmasdan kelmoqda¹. Bu fikrning zamonaviy fanlar tomonidan tasdiqlanganligi odamning biologik evolyusiyasi tugallangan, degan xulosani berdi. Odamdagi evolyusion rivojlanishning yakunlanishi undagi madaniy rivojlanishni boshlab beradi. Oliy taraqqiy etgan turlarga xos bo‘lgan emotsional-instinktiv xususiyatlar genetik meros sifatida mavjud bo‘lib, bu xususiyatlarni chaqaloq dunyoga kelganida, uning rivojlanishining ilk oylarida kuzatish mumkin. Ijtimoiylashuv(sotsializatsiya) esa odam mohiyatini go‘daklikdan boshlab insoniylashuv, madaniylashuv tomonga o‘zgartira boradi.

Har bir inson o‘zining ijtimoiy-madaniy rivojlanishi jarayonida o‘z ajdodlarining milliy qadriyatlarini ijodiy o‘zlashtiruvchi, zamoniylashtiruvchi, boyituvchi va o‘zgartiruvchidir. O‘zining ana shunday insoniy burchlarining har bir shaxs tomonidan mukammal bajarilishi ijtimoiy taraqqiyotning boy, rang-barang madaniy oqimlarini hosil qiladi, saqlab turadi. Demak, Pedagogik nuqtai-nazardan har bir inson tarixiy, ijtimoiy, madaniy-milliy ko‘rsatkichlarni mujassamlashtiruvchi tarbiyaning mahsulidir.

Turli xalqlarning bir-birlarini tanishida, bilishida, bilvosita va bevosita millatlararo muloqotlarda insonning milliy jihatlariga e’tibor berilgan. Qadim zamonlarda ham tarixchilar, sayyoxlar, qomusiy bilimga ega mutafakkirlar (Ibn Batuta, Strabon, Abu Rayxon Beruniy, Mikluxo Maklay, Lui Gonsales de Klavixo, H. Vamberi va boshqalar) qoldirgan asarlar, ijtimoiy-falsafiy, axloqiy ta’limotlarda ham boshqa xalqlar hayotini qiyosiy o‘rganish yo‘nalishi mavjud edi.

XIX asrga kelib chet el ijtimoiy fanlarida boshqa xalqlar milliy-madaniy xususiyatlarini tadqiq qiluvchi kulturantropologiya va sotsiologiya maxsus fanlarga aylanib, “Boshqa dunyo kishisi” muammosini o‘rgana boshladi. Bu aslida, boshqacha tarbiya - milliy tarbiyaning tizim, uslublari, maqsadlaridagi xususiyatlarni ilmiy nuqtai-nazardan o‘rganish davri boshlanganligini anglatar edi.

“Boshqa dunyo kishisi”ni o‘rganish taraqqiyparvar yangilik edi. U “Boshqa mamlakat, millat kishisi qanaqa?”, “U o‘zini o‘rab olgan dunyoni, borliqni qanday idrok qiladi?”, “U yaxshilik va yomonlikni qanday tushunadi?”, “U o‘z hatti harakatlarida qanday mezonlarga asoslanib yo‘l tutadi?" kabi savollarga javob berish kerak edi. Odamlarning dunyo haqidagi bilimlari ortib, yangi erlar ochilib, savdo-sotiq, munosabatlari kengaya borgani sari bu muammoga qiziqish orta bordi. Ayniqsa, Evropada bozor iќtisodiyoti munosabatlari shakllana borishi va u bilan bog‘liq ijtimoiy-iqtisodiy o‘zgarishlar, ayniqsa mustamlakachilik davri milliy xususiyatlarni o‘rganishga kuchli turtki bo‘ldi. CHunki mustamlakachi, missioner, plantatorlar uchun o‘z mustamlakalari - mahalliy xalqlar haqida hech bo‘lmasa ibtidoiy tasavvurga ega bo‘lish foydali edi. Ќolaversa, bu masala mustamlakachilikning kelajagi - mahalliy xalqlarni “madaniy-oqartuv” orqali inglizlashtirish, fransuzlashtirish, ruslashtirish, ya’ni madaniy-ma’naviy mustamlakalarga aylantirishning samaradorlagini oshirishlari uchun kerak edi.

O‘zga xalqlarning milliy xarakterini o‘rganish faqat mo‘may foyda orttirish maqsadi bilan cheklanib qolmadi. CHunki mustamlakachilar va mahalliy xalqlar milliy qadriyatlari orasidagi tafovutni echish ilmiy muammoga ham aylanib ulgurgan edi. Zero, ovrupolikning boshqa millatlar haqidagi tasavvurida noovrupoliklar shaxs emas, balki qandaydir aqlga zid afsonalar, mistika ta’sirida yashovchi individlar, deb idrok qilinar edi(N.S.Trubetskoy, N.A.Berdyaev). CHunki Osiyoliklar va Afrikaliklar o‘zlari uchun milliy, ovrupoliklar uchun g‘alati, axloq-odob, urf-odat, an’analarga rioya qilar edilar. Ikkinchi tomondan mahalliy xalqlar uchun ovrupoliklarning hatti-harakatlari, odob-axloqi, urf- odatlari g‘alati ko‘rinar edi. SHu tariqa XIX asrda madaniy antropologiya asosida “noevrupa jamiyatida madaniyat va shaxs”, “etnopsixologiya” ilmiy yo‘nalishlarini yuqoridagi o‘zaro milliy-madaniy tushunmovchiliklar, ziddiyatlarni echish, bir-birini tushunish ehtiyojlarini yuzaga keltirdi. Natijada “fe’l-atvorning milliyligi” ilk bor ijtimoiy-siyosiy, keyinchalak esa pedagogik ilmiy tushunchalarga aylana bordi.

Milliy tarbiyaning etnopedagogik qirralarini ilk bor kashf etgan olimlardan biri amerikalik kulturantropolog Margaret Mid bo‘ldi. Uning tadqiqotlari nafaqat geterostereotip(odamning boshqa xalqlar haqidagi bilimlar yig‘indisi)ning, balki osiyolik va afrikaliklarda avtostereotip(o‘z xalqi haqidagi bilimlar yig‘indisi)ning shakllanishiga ham turtki bo‘ldi. Zero M.Mid tomonidan 1927 yili nashr ettirilgan “Coming on’ age Samoa” (Samoada ulg‘ayish) kitobi tarbiyaning milliyligi isbotlangan ilk ilmiy-tadqiqot natijasi edi. Biz uchun ushbu tadqiqotning pedagogik jihati muhim.

M.Mid har bir kishining ma’lum milliy muhitdagi xulq-atvorini tushunishda uning bolalikdagi milliy tarbiyaviy ta’sirining nihoyatda katta ahamiyatga egaligini qayd qiladi. CHunki, bolalarning milliy tarbiyaviy ta’sirni qabul qilish jarayoni va kattalarning milliy fe’l-atvorlari orasida izchil aloqa mavjud. Tarbiyaning milliy xususiyat kasb etishida bir avloddan ikkinchi avlodga o‘tib keluvchi an’analar, marosim, udum, ishlab-chikarish va hayotiy malakalar, afsonalar, xulq-atvor shakllari, bolalarga, o‘smirlarga, qariyalarga munosabatlarning o‘ziga xosligi katta rol o‘ynashini M.Mid alohida qayd etadi¹.

Milliy tarbiyaning ijtimoiy-psixologik omili – inson xarakterining milliyligidir. Milliy xarakter konsepsiyasi amerika etnopsixologiya maktabida yaratilgan bo‘lib, turli etnoslarda ularning o‘zlarigagina xos milliy xarakter mavjud: shaxsning milliy xarakteri ustivor psixologik hodisa bo‘lib, bu uning milliy xulq-atvorida namoyon bo‘ladi; ana shu ko‘rsatkichlarga asoslanib. u yoki bu xalqqa, millatga mansub kishilar xarakterining modelini - o‘rtacha milliy xarakter namunasini yaratish mumkin, degan xulosalarni asoslaydi.

Bir millatga mansub kishilar uchun umumiy bo‘lgan fazilatlarni o‘zida mujassamlashtirgan namunaviy milliy shaxs siymosi mavjudligini birinchi bo‘lib A.Kardiner qayd qiladi. U "milliy shaxs"ning shakllanishida eng avvalo oilaning milliy tarbiyaviy ta’sirini, undan keyin ijtimoiy tarbiya omillarining etakchi rolini alohida qayd qildi².

AKSH etnopsixologlari ikkinchi jahon urushidan keyin YAponiya va /arbiy Germaniya aholisining mentalitetini o‘rganib, millat. uning qadriyatlar tizimi, muloqat shakllari va boshqa ko‘rsatkichlari milliy madaniyat ta’sirida shakllanishini asosladilar. Turli mintaqalarda o‘tkazilgan ilmiy-tadqiqotlar natijalarining umumlashtirilishi: muayyan xalqqa xos dunyoqarash, turmush tarzining mavjudligi–xalqlarning turli "namunalari"ni xosil qiladi: turli “namunalar”ning mavjudligi esa bolalarni tarbiyalashda o‘ziga xoslikning mavjudligiga, qadriyatlar tizimining kattalar xulk-atvorida aks etishiga bog‘liq ekanligini ko‘rsatdi. Biroq, o‘tkazilgan etnografik va etnopsixologik tadqiqotlar bir xalqning milliy xarakterini o‘rganayotgan olimning boshqa madaniyatga mansubligi, o‘rganayotgan millat madaniyatidan yaxshi xabardor emasligi natijasida tadqiqot ma’lumotlarini talqin qilishda xato va kamchiliklarga yo‘l qo‘yilishini ko‘rsatdi. 50-yillarda amerika etnopsixologiyasining milliy xarakter konsepsiyasiga nisbatan bildirilgan tanqidiy fikrlarining bosh sababi ham shunda edi. Bu tanqid milliy xarakter kotsepsiyasiga xos ob’ektiv mohiyatni o‘zgartirmadi, aksincha, tadqiqot uslubiyatini takomillashtirishga turtki bo‘ldi, xolos.

Milliy tarbiya vositasida avloddan-avlodga o‘tuvchi milliy madaniyat va uning sivilizatsiya bilan munosabatini misrlik mashhur pedagog Sote’ al-Xusri(1880-1968) o‘z tadqiqotlarida yaqqol ochib berdi. "Menga madaniy birlikning kafolatini bering, men esa sizga birlikning boshqa barcha turlarining kafolatini beraman" degan mashhur fikr ana shu allomaning qalamiga mansub. Al-Xusri SHarqda milliy-zamonaviylik oqimining tashkil topishiga katta hissa qo‘shdi. U zamonaviy arab milliy madaniyati tiklanishi arafasida pedagogikada "eskilik-yangilik", ya’ni milliy fundamentalizm va milliy zamonaviylik orasida tafovut mavjudligini kun tartibiga qo‘ydi. Al-Xusri bir tomondan milliylikni faqat tarixiy an’ana deb tushunuvchi qadimiychilik tarafdorlarini, ikkinchi tomondan, milliylikdan yuz o‘girib ovrupo madaniyatiga taqlid qilishga undovchi "g‘arbi"larni tanqid kilib, bu tarbiyaviy muammoni faqatgina sintez) qilish orqali” echish mumkin, degan ilg‘or fikrni o‘rtaga tashladi.

1953 yili Misr milliy mustaqillikni qo‘lga kiritgach, Al-Xusri maktab- maorifni "ma’naviy mustamlakalik" ka qarshi kurash maydoni deb atadi. SHuning uchun ham u arab maktablarida milliy g‘urur, vatanparvarlik tarbiyasiga alohida e’tiborni qaratishga chaqirdi. Ma’rifatparvar Al-Xusri Ѓarb ta’lim tizimini Arabistonga ko‘chirib olish xavfli va befoyda deb hisoblar edi. CHunki, "boshqa muhitga ko‘chirilgach, o‘z joyiga xos bo‘lgan, unga ta’sir qiluvchi ijtimoiy omillar ta’siridan ajratilgach,» ko‘chirib keltirilgan maorif tizimi butunlay boshqa natijalar beradi". SHuning uchun, deydi pedagog Al-Xusri, "biz boshqa har qanday millat maorif tizimiga o‘ralashib qolmasdan, taraqqiyotda bizdan o‘zib ketgan barcha millat tajribalaridan kelib chikqan holda o‘zimizning alohida maorif tizimimizni tuzmog‘imiz kerak"¹. SHuningdek, Al-Xusri arab tilining ilmiy atamalarini yaratishga chaqirib, "milliy tarbiya" tushunchasini ilk bor ilmiy-pedagogik muomalaga kiritdi. SHu tariqa milliy tarbiya bir tomondan, mulkdor boylar orasida mavjud "o‘z manfaatlarini millat manfaatlaridan yuqori qo‘yish va ochkuzlikka, ikkinchi tomondan, mutaasib ruhoniylarning "taraqqiyotga eltuvchi ilg‘or g‘oyalarga dushmanligi"ga qarshi ko‘rashda samarali qurol bo‘lib xizmat qiladi.

YUqoridagi ilmiy ta’riflarning nosinfiy, xolis tahlili "madaniyat", "milliylik" tushunchalarining tarixiy, zamonaviy va istiqboliy tushunchalar ekanligi haqidagi xulosani hosil qiladi, ''Sivilizatsiya" tushunchasi esa ko‘proq jug‘rofiy, mintaqaviy xususiyatga ega bo‘lib, fan va texnika yutuqlarini egallaganlik darajasidir. Ushbu talqinlar ilgari berib o‘tilgan ta’riflarni inkor qilmaydi, aksincha to‘ldiradi, muayyanlashtiradi. Demak, madaniyat-milliydir, sivilizatsiya esa umuminsoniy zamonaviylikdir. Milliylik va sivilizatsiyalashganlik uyg‘unlashgandagina insoniyat ma’naviy va moddiy madaniyatlar uyg‘unligiga erishadi. Zero "Milliyliksiz insoniyat mantiqiy mavhumlikka, mazmuni yo‘q so‘zga, ma’nosi yuq tovushga aylanib qoladi"¹.

Har bir millatda, mamlakatda davom etayotgan tarbiyaviy jarayon umuminsoniy tarbiya tizimining tarkibiy qismidir. Demak, har bir davlatda olib borilayotgan siyosat kabi, tarbiya siyosati ham umumbashariy ehiyojlardan kelib chiqib muvofiqlashtirilmog‘i kerak. CHunki insoniyat sivilizatsiyasi taqdiri barcha xalqlarga bir xil qimmatlidir. Sayeramizga rahna solayotgan ozon, SPID, ekologiya, giyohvandlik, terrorizm va antropologik tahdidlarni "umumbashariy pedagogik birlik"ka erishmay turib bartaraf qilish mushkuldir. Biroq bu zaruriy birlik mazmuni turlicha tushunilmoqda. Jumladan, ayrim hollarda "umumbashariylik" tushunchasi “ovrupolashganlik" sifatida talqin va tashviq qilinmokda. Umumbashariy •pedagogik birlik g‘oyasi "umumbashariy pedagogik birxillashuv" emas, balki barcha milliyliklarning insoniyat qarshisidagi xavf, tahdidlarga qarshi millatlararo pedagogik birlik bo‘lmog‘i kerak. Zero shaxs avvalo milliylashib, ijtimoiylasha borgani sari umumnisoniy mansublikka yaqinlashadi. Demak, shaxs umuminsoniy qadriyatlarni to‘g‘ri, ijobiy qabul qila olishi uchun avvalo uning o‘zi shakllangan muayyan shakli-milliylikning barkamol sub’ektiga aylana olmog‘i kerak. SHu o‘rinda mamlakatimiz taraqkqyoti tamoyillaridan biri sifatida milliy va umuminsoniy qadriyatlar ustuvorligini mamnuniyat bilan qayd etish lozim. Milliylikning barkamol sub’ektini tarbiyalashni tadqiqot kilish yulidan borar ekanmiz, milliylikning nafaqat madaniy ijtimoiy, balki fiziologik asoslari ham ochildi, fiziologlarning olib borgan izlanishlari kishi u yoki bu millat tilida so‘zlashgan vaqtida uning tashqi, yuz ko‘rinishi o‘sha millat kishilariga o‘xshab ketishini asoslamoqda. CHunki boshqa tilda so‘zni talaffuz qilish, tushuntirish uchun o‘sha millatda qabul qilingan imo-ishoralar, hatti-harakatlardan foydalaniladi. SHuning uchun ham "kishi boshqa millat axborotini qabul qilmasdan turib, miyaning toza bo‘limlariga avvalo o‘z ona tilida va o‘sha hududga tegishli axborotni joylashtirgandagina milliy o‘ziga xoslikni saqlab qoladi. Mabodo olinayotgan axborot turli-tuman, omuxta bo‘lsa, ustiga-ustak keraksiz axborot qabul qilnnsa, u miyada mustahkam o‘rnasha olmaydi. Natijada bunday kishi fikrlash jihatidan ham arosatda qoladi"¹.

Etnopsixologlarning bergan xulosalariga ko‘ra, milliy psixologiyani aynan o‘sha etnos vakillarining faoliyat, xulq-atvor va muloqatlari jarayonlari orqali o‘rganish mumkin. Bizningcha, milliy tarbiya jarayoning pedagogik-psixologik xususiyatlarini o‘rganish uchun ham aynan shu yo‘ldan bormoq samaralidir. Zero milliy tarbiya (ichki) milliy va millatlararo (tashqi) munosabatlarning muvaffaqiyatini ta’minlashga xizmat qiladi. Milliy tarbiya jarayonida makondagi muqimlik va milliy-madaniy jipslikni, birlikni ta’minlovchi etnik, milliy ma’lumotlar sinxron va diaxron shaklda avloddan avlodga uzatiladi. SHunday qilib, faqat shu millatgagina xos bo‘lgan o‘ziga xos tarbiyaviy tizim ushbu millatning boshqa millatlardan farq qilishini, ichki yaxlitligini, benazirligini ta’minlaydi. Agarda milliy tarbiya e’tiborsiz qoldirilsa, stixiyali tarzda kechsa, xalqning milliy o‘zligini anglash darajasi, milliy g‘ururi, madaniyati, vatanparvarlik darajasi susaya boradi. CHunki har bir individ o‘ziga xos milliy-madaniy an’analar, me’yorlari bo‘lgan jamiyatda shakllanadi. Ana shu urf-odat, me’yorlar, an’analar ruhida ijtimoiylashuvi uni ana shu madaniy-tarixiy birlikning a’zosiga aylantiradi. Bu jarayonni boshqacha tarzda chakaloqning yo fransuz, yo hind, yo o‘zbek bolasiga, o‘smirga aylanish jarayoni deb ham ifodalash mumkin. CHaqaloqning (milliy tarbiya ob’ekti sifatida) o‘zbek sifatida shakllanishi o‘zbeklar uchun an’anaviy bo‘lganligi tufayli ko‘zga tashlanmaydi, tadqiqotlar shuni qayd qilmoqdaki, shaxs madaniylasha (ukrainlasha, arablasha, o‘zbeklasha...) borar ekan, bu milliylashuv jarayoni milliy-ijtimoiy rollar talablaridan kelib chiqib, jamiyatning uzluksiz nazorati ostida amalga oshadi. “Milliy-ijtimoiy rol” tushunchasi, zamonaviy ijtimoiy rollar sotsiologik konsepsiyasi va I.S.Konning²(132) ijtimoiy rolga bergan ta’rifidan foydalangan holda milliy rolni muayyan milliy birlik ichida an’anaviy ma’qullngan, shu millatga mansub a’zolaridan ularning yoshi, jinsi va muayyan vaziyatdan kelib chiqib kutiladigan xulq-atvor namunasi" deb ta’riflash mumkin.

“O‘quvchining milliy roli” tushunchasi milliy tarbiyani tahlil qilish uchun sotsiologik kalit vazifasini o‘taydi. CHunki bu tushunchaning ko‘pqirraligi milliy-zamonaviy hayot jabhalarini, milliy tarbiya yo‘nalishlarini ilg‘ab olish imkonini beradi. Milliy tarbiya tizimini "milliy rol" tushunchasi orqali o‘rganish har bir o‘zbek o‘g‘il-qizining ilk yoshlaridan "yaxshi bola", "yaxshi aka, uka, singil, opa" yaxshi jiyan, tog‘a, bo‘la..."; "yaxshi mehmon, mezbon"; "yaxshi do‘st", "odobli bola" kabi "unvonli" munosabatga tayyorlash mexanizmini ochib beradi. Keng ma’noda esa o‘quvchining milliy rolini o‘zlashtirishga o‘z ichiga milliy fazilatlarni, milliy axloq me’yorlarini singdirish, milliy-ijtimoiy hayotga tayyorgarlik jarayonlarini ham anglatadi.

Milliy ijtimoiy rollarni tasniflash, ularning kundalik hayotda, munosabatlarda bajarilishini ilmiy-pedagogik kuzatish - eng zamonaviy va istiqbolli usuldir. U bolaning "qarshisida" turib emas, balki milliy-ilmiy kuzatish imkonini beradi. Bu esa tadqiqotning ob’ektiv natijalariga ega bo‘lishining asosiy shartlaridan biridir. Zamonaviy fanlar ijtimoiy rollarning quyidagi tasnifiga ega: tug‘ma, mavqeli ijtimioy rollar - sotsiologiya va ijtimoiy psixologiya fanlari odam tug‘ilgandanoq yoki hayotning u yoki bu bosqichida kirishadigan "meros qilib olinuvchi" rolli(jinsiy, diniy, milliy, davlat fuqarosi, go‘daklik, o‘smirlik, yigitlik, muysafidlik); o‘zgaruvchan, ijtimoiy rollar - doimiy bo‘lmagan, o‘zgarishi mumkin bo‘lgan rollardir. Masalan, u yoki bu kasbni egallash biror uyushmaga. jamiyatga a’zo bo‘lish va undan chiqish, o‘zgartirish, xatto fuqaroliknn o‘zgartirish mumkin. Biroq tug‘ma milliy rollar (o‘zbeklik, fransuzlik va h.k.)dan chiqib bo‘lmaydi. Muayyan vaziyatdagi ijtimoiy rollar-yo‘lovchilik, xaridorlik, mehmonlik, mezbonlik va h.k. Bu guruh rollari o‘egaruvchan rollar bilan kamroq, tug‘ma rollar bilan ko‘proq aloqada bo‘ladi. Muayyan vaziyatdagi rollar maxsus va shaxsiy ahamiyatga egaligi tufayli kishini yo‘llovchi, xaridor, mexmon, mezbonga "aylantirsa", shaxsiy fazilatlari mohiyatidan kelib chiqib shaxsni "do‘st", "dushman". "mehribon kishi", taqvodor kishi", "fidoyi odam" va boshqalarga aylantiradi. Demak. shaxs tashqi muhit (tabiat, jamiyat, shaxslar) bilan munosabatga kirishganida milliy xususiyat (o‘ziga xos bo‘lgan "ukraincha", "xakascha", "gruzincha" yondashuv) kasb etadi. Bu fikr ilk bor nemis sotsiologi U.Gerxard tomonidan tug‘ma ijtimoiy rol sifatida taklif qilingan, keyinchalik YU.A.Sorokin, E.A.Tarasov, N.V.Ufimsevalar tomonidan ijtimoiy fanlar istifodasiga kiritishga harakat qilingan edi¹. Lekin nazariy jihatdan asoslanganligiga qaramasdan milliy rolning tug‘ma meros, vorislik xususiyatini o‘rganish, rivojlantirish sotsialistik internatsionalizm tamoyillariga mos kelmasligi tufayli rivojlantirilmadi.

SHarq, xususan o‘zbeklarning milliy tarbiyasi falsafiy, metodologik asoslarini sharq falsafasi fikri - dunyoni idrok qilishning sharqona "ruhi", uslubi mavjudligini tushunmasdan aniqlab bo‘lmaydi. Dunyoni idrok qilishning sharqona tarzi mavjudligidan kelib chiqish yaqin yillargacha ijtimoiy fanlarda etakchilik qilib kelgan biryoqlamalik - evrotsentrizm oqimiga barham beradi. Ѓar6 kishisining ongidagi personalistik qarash xristianlikning, SHarq kishisi ongidagi antipersonalistik qarash esa Islomning bevosita ta’sirida yuzaga keldi. Ana shuning uchun ham ovrupolik shaxs mohiyatini xristianliksiz (Xristian dini – Evropaning o‘qituvchisidir. N.S.Trubetskoy), SHarq kishisining mohiyatini Islom dinining axloqiy qarashlarisiz tadqiqot qilish yanglish xulosalarga olib keladi. SHu jumladan, to shu paytgacha SHarq axloqining qomusi - Qur’oni Ma’jid, Hadisi shariflar, shariat pedagogik ettibordan chetda qoldirilib kelinayotgan edi. Biz imkon darajasida ana shu nazariy-pedagogik kamchilikni to‘ldirishga harakat qilamiz.

Dinning insoniyat ma’naviyatida tutgan roli beqiyosdir. SHu bois pedagogika barcha millatlarda sodir bo‘lgan dinga qiziqishning, diniylikning tiklanayotganligiga e’tibor qilmog‘i kerak. CHunki din – dunyoqarashni tashkil qiluvchi ongning tarkibiy qismidir. Dinda inson, uning mohiyati. milliyligi haqida mulohazalarning ulkan, yaxlit tajribasi mavjud. Uning vazifasi e’tiqod orqali inson, jamiyatning ruhiyatini uygunlashtirish. tarbiyalashdir. Ana shu nuqtai-nazardan har bir din – o‘zi asoslagan ma’naviy ta’lim va axloqiy tarbiya tizimidir. Bu odatda muayyan dinga mansub xalqlar, millatlar (masalan, Islom diniga mansub arab, tatar, tojik, turk, qozoq, o‘zbek va boshqalar)ning umumdiniy yoki baynalmilal ma’naviyati va axloqini hosil qilib kelgan.

Millatning paydo bo‘lishi, rivojlanishini ijtimoiy-iqtisodiy formatsiyalar bilan belgilash, o‘lchash nisbiydir. CHunki "millat" tushunchasi millatning mavjudligi haqidagi hujjatdir. Bu tushuncha esa qadimiy bo‘lib, bizning keyingi talqinlarimiz uning asl mohiyati qandayligidan emas, balki bizga qanday tushuntirilganidan kelib chiqqanligi tufayli sub’ektivdir. Zero millat, o‘ziga xos barcha xususiyatlari bilan – birlamchi, bizning talqinlarimiz esa – ikkilamchidir. Ana shu nuqtai-nazardan millatlarning paydo bo‘lishi haqidagi diniy qarash pedagogik diqqatga sazovordir.

Qur’oni Karimning Baqara, YUnus, Hud, Nahl suralarida odamlarning dastlab bir millatga mansub bo‘lganliklari, so‘ngra esa bo‘linib ketganliklari haqidagi fikr bir necha bor qayd qilinadi. Qur’oni Karim har bir mo‘‘min kishini o‘z milliy qadriyatlarini boyitishga, o‘z millatidan kechib, boshqa millat qo‘shimchasiga aylanib ketmaslikka chakiradi; "Va sizlar bir millat boshqa millatdan(son yo boylik jihatidan) ortiqroq bo‘lgani uchun qasamlaringizni (buzib) aldov vositasi qilishingiz bilan(ya’ni, boshqa boyroq va kuchliroq qavmni topsangiz, avvalgi qasamlaringizdan kechib ketaverishingiz bilan) xuddi o‘zi to‘qigan narsasini pishiq-puxta bo‘lganidan so‘ng parcha-parcha buzib-chuvatib tashlagan xotinga o‘xshab qolmangiz! Albatta, Olloh bu (ahdga vafo qilishga buyurish) bilan sizlarni imtihon kilur va albatta qiyomat kunida sizlarga ixtilof kilib o‘tgan narsalaringizni bayon qilib berur"¹. Qur’oni Karimdagi ushbu ishoradan kelib chiqib milliy tarbiya yosh avlodlarda o‘z va o‘zga xalqlarga hurmat, milliy g‘urur, vatanparvarlik, milliy va millatlararo muloqat odobi kabi fazilatlarni shakllantiradi va o‘zbek xalqini ma’naviy va moddiy jihatlardan boy millatga aylantirishga xizmat qiladi.

Milliy tarbiyaning manbai - milliylikdir!. "Millat", "milliylik", "milliy g‘urur", "milliy odob", "millatlararo muloqat madaniyati" tushunchalarining o‘zagini arabcha "mil" so‘zi tashkil qiladi. Bu so‘z arabchada "o‘zak", "'tub mohiyat", "negiz" ma’nolarini anglatadi. "Millat" so‘zi esa bir necha ma’noni; 1) din: mazhab; 2) ummat: bir mazhabga mansub aholi: 3) xalq ma’nolarini anglatadi². "Millat", "milliylik" tushunchalarining talqini bilan tanishar ekanmiz, ularning g‘arbona va sharqona tarzlari bor ekanligini ko‘ramiz. Aniqrog‘i, g‘arbiy talqin xristian, sharqiy talqin esa islomiy o‘zbeklarga borib tutashadi. YA’ni Ovrupo xalqlari tillariga "millat" tushunchasi lotincha "natio" - qabila, xalq sifatida xristian dini bilan birga kirib kelgan bo‘lsa, Osiyoga esa Islom ta’limoti orqali yuqoridagi uch xil ma’noda kirib kelib singdi.

"Tarbiya" so‘zi "milliy tarbiya" tushunchasining tarkibiy qismi bo‘lganligi tufayli bu tushunchaga ham yangicha yondoshgan holda, xolis ilmiy-pedagogik ta’rif bermoq kerak. Arabcha "tarbiya", "tarbiyat" so‘zlari 1) parvarish qilmoq; ta’lim bermoq; o‘rgatish; odob o‘rgatish; 2) navozish, mehribonlik ko‘rsatish: ko‘z-quloq bo‘lish; himoya qilish kabi ko‘pqirrali mazmunga ega¹. "Tarbiyachi" so‘zi esa shu ko‘pqirrali tarbiyaviy faoliyatni amalga oshiruvchidir. Demak, milliy tarbiyaning lug‘aviy ma’nosini "yosh avlodlarni o‘z xalqiga xos milliy fazilatlar namunasida shakllantirish, ta’lim bermoq" sifatida aniqlash mumkin.

Iudaizm, Xristianlik, Budda va Islom dinlari - o‘ziga xos tarbiya manbaidirlar. SHu nuqtai nazardan milliy tarbiyaning mohiyatini diniy unsursiz mukammal deb bo‘lmaydi, CHunki har bir din, payg‘ambarning vazifasi - odamlarni tarbiyalash, ba’zida esa, qayta tarbiyalashdan iborat bo‘lib kelgan. Masalan, xristian pedagogik falsafasi "dindan ajratilgan ta’lim-tarbiya ma’naviyatdan ayrilishga, ta’lim-tarbiyadan ajratilgan din esa xurofotga aylanishga maxkumdir" deb hisoblaydi. SHu bilan birgalikda xristian ruhoniylari axloqiy qadriyatlarning e’tiborsizlana borishi tufayli "hamma narsani sotish va sotib olish mumkin" bo‘lib qolganligi, "mening vatanim boshqa erda" deguvchi vatan taqdiriga befarqlik namunalarini, pornografiya tashkilotchilarini tanqid qilib, Amerika hukumatiga ma’rifiy yordam bermoqdalar"².

Budda diniy ta’limotida ham odamlar orasida o‘zaro hamkorlikka, milliyliklarga demokratik, tolerant yondashuvga amal qil, boshqalarning e’tiqodlarini qoralama" deyiladi. Budda dini o‘ziga mansub kishidan o‘z qobiliyatlarini mutanosiblashtirishni, intizomlilikni, xotirjamlikni, chiroyli so‘zlab, chiroyli xulqqa ega bo‘lishni, uyg‘unlikni, o‘zidagi Mara(salbiy kuch)ni chidam va hamdardlik orqali bartaraf qilishni, o‘z-o‘zini tarbiyalashni talab qiladi. CHunki "Inson yaxshilikning mohiyatini chuqur tushunib, his qilsagina, u yaxshilikka qodir bo‘la oladi",-deb uqdiradi buddizm falsafasi³.

Milliy tarbiyannng metodologik asoslarini aniqlashda, uni har tomonlama talqin qilishda yosh fan - sotsiobiologiya erishgan natijalar, katta ahamiyatga ega. Biologiya fanining bu yo‘nalishi 1975-yili amerikalik entomolog E.Uilsonning "Sotsiobiologiya: yangi sintez"⁴ nomli kitobidan boshlanib, AQSH va Buyuk Britaniya ilmiy davralarida katta qiziqish uyg‘otdi. Sotsiobiologiyaning bosh maqsadi - inson hayotining turli jabhalarida tadqiqot qilishga qodir bo‘lgan yangi - baynalilmiy fan yaratishdir. "Koinotda ongli jonzotlar ichida ikki intellektual irq - iydilonlar va ksenedrinlar mavjud, deb tasavvur qilaylik",- deb yozadilar CH.Lamzden va E.Uilson. "Eydilonlar -organik mashinalar bo‘lib, ulardagi tafakkur va xulq-atvor dasturlashtirilgan. Ksenedrinlar ongi esa, toza yozuv taxtasiga monand. Ularning tafakkurida irsiy determinatsiyaning izlari yo‘q, ya’ni ksinedrinlar tafakkuri, xulq-atvori tashqi muhit tomonidan dasturlashtiriladi. Eydilonlar yo‘li - madaniyat ta’sirida kechadi. Er kurrasidagi odamlar alohida - uchinchi yo‘lga egadir. Bu yo‘lning mohiyati, sotsiobiologlarning fikricha, irsiy omillardan madaniy omillarga va aksincha bo‘lib o‘tadigan doimiy o‘zgarishlardadir"¹. Sotsiobiologiya inson ustidan hukmronlik qiluvchi barcha kuchlardan eng qudratlisi va murakkabi - ishonch, e’tiqod deb biladi. "E’tiqod ijtimoiy xatti-xarakatlarning universal tartibotlaridan bo‘lib, har bir jamiyatda uning namoyon bo‘lish shakliga qarab tezda qayd qilish mumkin... Lekin inson tabiatigagina xos bu unsurdan - e’tiqoddan din va marksizm orasidagi qarama-qarshilik tufayli voz kechishga majbur bo‘ladi. E’tiqodsizlik esa odamlarda milliy qadriyatlarning yo‘qolishiga, arzimas narsalarni qimmatli narsa deb, xaqikiy qimmatga ega bo‘lgan narsalarni esa erga urishga olib keldi",- deb hisoblaydi² " inson haqidagi yangi fan" -sotsiobiologiya. Ko‘rinib turganidek, ushbu yangi fanning e’tiqod va uni shakllantirish haqidagi qarashlari o‘quvchilarda milliy istiqloliy e’tiqodni shakllantirish uchun ibratlidir.

Milliy tarbiyani tadqiqot qilishning metodologik talablaridan biri–aniq fanlarda erishilgan yutuqlarni o‘rganish, ularning tadqiqot predmetiga munosabatini umumlashtirishdir. Ana shunday fanlardan biri - oliy nerv faoliyati fiziologiyasi va pedagogika orasida uzviy bog‘liqlik mavjud. Zero, “har qanday ta’lim va tarbiya o‘zining fiziologik mexanizmiga ko‘ra, shartli reaksiya organizmning tashqi ta’siriga javobi), ko‘nikma va taasurotlarni hosil qilish jarayonidir"³. Ma’lumki, birinchi signallar sistemasi inson hayotida katta ahamiyatga ega bo‘lib, insonning ikkinchi signallar sistemasi uchun tabiiy manba bo‘lib xizmat qiladi. Ikkinchi signallar sistemasi esa - bu biz eshitayotgan, so‘zlayotgan, o‘qiyotgan so‘zlarimizdir. YA’ni so‘z bizga birinchi signallar sistemasining siymolari, xususiyatlari haqida mujassamlashgan xabar beradi. Masalan, o‘quvchilar Sohibqiron Amir Temurning ismi shariflarini eshitganlarida u kishiga hurmat xissini tuyadilar; "Orol" so‘zi esa “Orol muammosi”ni eslatib ularda achinish, uni saqlab qolishda ishtirok etish istagini paydo qiladi, 1999 yil 16 fevral, 2001 yil 11 sentyabr degan raќamlarni eshitganda terroristik xurujlar eslanib, ularga ќarshi nafrat hislari aktuallashadi va h.k. Xullas, o‘quvchilar so‘z yoki razm, timsol orqali birinchi signallar haqida ma’lumot olgach, ularda hurmat, achinish, rahm-shafqat yoki aksincha nafrat kabi kechinmalar hosil bo‘ladi. Demak, birinchi signallar sistemasi orqali hosil qilish mumkin bo‘lgan xatti-harakat, his-tuygularni ikkinchi signallar sistemasi - so‘zlar orqali ham hosil qilish mumkin.

So‘z esa milliy xususiyatga ega. Eshitilgan, o‘qilgan so‘z ma’nosi tinglovchi, o‘quvchi tushunadigan tilda bo‘lsagina u hatti-harakatga, tuyg‘ulariga ta’sirr qilib, milliy madaniy muhitni tushunishga, unga moslashishga xizmat qiladi. Agar so‘z va uning milliy ma’nosi, mohiyati tushunarsiz bo‘lsa, u o‘quvchiga birnecha signal sifatida ham, ikkinchi signal sifatida ham ta’sir ko‘rsata olmaydi va tinglovchi, o‘quvchi uchun ma’nosiz tovush bo‘lib qolaveradi. Demak, ikkinchi signallar sistemasining so‘zlar orqali namoyon bo‘lishini; insonning milliyligining bosh belgisi tilda, til esa so‘zlardan iboratligini: yuqorida keltirilgan etnopsixologik yutuqlarni umumlashtirish ikkinchi signallar sistemasi milliy xususiyatga ega degan ilmiy xulosani hosil qiladi. Bu esa milliy tarbiyaning aniq fan - oliy nerv faoliyati fiziologiyasiga tayanuvchi nazariy asosini belgilydi.

Xalqlar, millatlar o‘zlari istiqomat qilayotgan jo‘g‘rofiy hudud, tabiat, jonzot va insoniy fazilatlarga xos va mos nomlar berganlar. Ular so‘zda ifodalanib, ta’lim va tarbiya jarayonida o‘quvchilarning ikkinchi signallar sistemasining milliy, xususiy jihatini belgilab kelgan. Ana shuning uchun ham tilda talaffuz qilingan so‘z faqatgina shu tilni tushunuvchi kishi uchun ikkinchi signallar sistemasi sifatida ta’sir qiladi. Bola, odam o‘zi tushunmaydigan so‘zdan ta’sirlanmaydi, o‘z hatti-harakatini o‘zgartirmaydi. O‘zbek tarbiyasi mazmunidan joy olib, o‘zaro munosabatlarda namoyon qilinishi lozim bo‘lgan insoniy fazilatlarni ifodalovchi so‘z - signallar mavjud. Masalan, bir vaqtlar "tavoze’", "hayo", "vijdon", "iymon" va boshqa so‘zlarning faol qo‘llanilganligi milliy ma’naviyatimizning yuksak cho‘qqiga ko‘tarilganligidan dalolat beradi. Lekin xalqimiz tarixining keyingi asrlarida sodir bo‘lgan mustamlakachilik, milliy fazilatlarni "qoloqlik", madaniyatsizlik ko‘rsatkichi", "eskilik sarqiti" deya qadrsizlanishi yuqoridagi tushunchalarni o‘zbek maktabi darsliklari matnidan siqib chiqardi. Natijada milliy fazilatlar o‘quvchilarning ikkinchi signallar sistemasiga kiritilmaganligi tufayli boshqa tildagi so‘zdek, tushunarsiz qolaverdi. (o‘quvchilar bilan o‘tkazilgan suhbatlar, savol-javoblar buni tasdiqladi. Qo‘shimcha misol tariqasida muhtaram yozuvchimiz Ibrohim Rahimning kuzatuvlaridan bir parcha keltiramiz: "... Ko‘pgina yoshlarimiz "Insof" nimaligini bilish u yoqda tursin, bu so‘zning o‘zini ham eshitmagandek, tushunmaydilar.

Eski hovlimizning ro‘parasidagi o‘rta maktabning to‘polonchi o‘quvchisi o‘zidan kichik bolani do‘pposlaganida qo‘lidan ushlab, “insofing bormi, o‘zingdan kichik bolani urasanmi?” desam, "Insof" deganingiz nima?” deb anqayib qoldi. SHundan keyin boshqa bir necha boladan ham so‘radim. «Bunaќa temani o‘tganimiz yo‘q, deb javob qildilar. SHu voqeadan keyin maktablarda Insof darsini o‘tish kerak shekilli, degan xulosaga kedim.

Insofni bo‘lish haqida na uyda, na maktabda va na atrofdagilardan ta’lim olmagan ayrim yoshlar insofsizlik qilib qo‘yganini o‘zlari anglamayaptilar, anglasalar ham uning xunuk oqibati - gunohi to‘g‘risida mutlaqo o‘ylmayaptilar... “¹

Bu holat o‘zbek umumta’lim maktabi o‘quvchilarini "O‘zbek tilining izohli lug‘ati"dan joy olgan, insoniy fazilatlarni ifodalovchi 1,5 mingdan ortiq so‘zlar(masalan, "odamgarchilik", "insof", "vijdonlilik", "mehribonlik" va h.k.) bilan maxsus tanishtira borishni taqozo qiladi. Biroq bu so‘zlar ma’nosini tushuntirish bilan yuqoridagi fazilatlarni o‘quvchilarning odatiga aylantirish mushkul. Buning uchun milliy-insoniy fazilatlarni maxsus tashkil qilinuvchi tarbiyaviy vaziyatlarda, tarbiyaviy soatlarda o‘quvchilarga namoyish qilish (masalan, "milliy odob"ning qanday namoyon bo‘lishini nafaqat tushuntirish, balki ko‘rsatish) va o‘quvchilar bilan milliy odob mashqlarini tashkil qilish talab etiladi. Tarbiyaviy ta’lim – muomala, odob qoidalarini maxsus o‘rgatish jahon miqyosida yangilik emas va o‘rnak olsa arzigulik misollar bor. Masalan, YAponiya maktablarida "yapon xulq-atvori" darsi maxsus, majburiy o‘tiladi. Bu darsda muomala, odob-axloqning eng nozik qirralarigacha maxsus o‘rgatiladi, mashq qildiriladi. Jumladan, mexmon kelganda mezbon eshikni qanday ochishi kerakligigacha va h.k.¹. Xullas, milliy tarbiyaviy ta’lim milliy fazilatlarni o‘quvchilarning dastlab birinchi, keyin esa ikkinchi signallar sistemasiga aylantirishga, pirovard natijada esa, o‘quvchilarning shaxsiy illatlariga, odatlariga aylanishida pedagogik texnologiya vazifasini o‘taydi.

O‘zbekiston sotsiolog olimlari olib borgan ilmiy-tadqiqotlar milliy tarbiyaning sotsiologik jihatlarini oydinlashtiradi. Toshkent Davlat universiteti sotsiologik Markazi "Ѓarb – SHarq: shaxs xulq atvori va moslashuvining madaniy-etnik xususiyatlari" mavzusi bo‘yicha tadqiqotlar olib bordilar. Qiyosiy natijalar shuni ko‘rsatadi-ki, amerika-evropa madaniyati, musulmon sharqi madaniyatlari tamomila turlicha qadriyatlarga tayanadi. YA’ni sharqona xulq-atvor qadriyatlari an’anaviylik, patriarxallikka tayanadi. Ѓarbiy xulq-atvor esa individualistik tip sifatida ijtimoiy muhit, hatto makro sotsiumlarni inkor qilish orqali o‘zligini namoyon qiladi. SHarqona xulq-atvor muhitida taraqqiyot va islohotlar tadrijiy tarzda kechib, bunday jamiyatda qadriyatlarning keskin inqirozi xavfi yo‘q. Masalan, ajdodlarga hurmat-ijtimoiy mo‘‘tadillikning o‘ziga xos kafolati bo‘lib xizmat qiladi. Pedagogika uchun muhim tomoni shundaki, tarbiyaning milliyligi va ijtimoiylikning silliq kechishi tufayli o‘smirlik - o‘tish davri engil kechadi. Ѓarb o‘smirlarida esa bu jarayon ijtimoiy muhit, xalq, millatni inkor qilish, jamiyatda qabul qilingan axloqiy, ma’naviy me’yorlarga qarshi turishda o‘zligini namoyon qilish orqali o‘tadi. SHarqlik kishi uchun el, urug‘, mahalla manfaatlari, fikrlari kuchli ta’sirga ega. Ѓarb kishisi uchun tevarak-atrofdagilarning fikrlaridan ko‘ra o‘zining "Men" ini namoyon qilish birinchi darajada turadi. O‘zbek sotsiologi A.A.Ilhomovning ta’kidlashicha, Markaziy Osiyoda diniy, milliy o‘zligini anglashning o‘sishi yoshlarning o‘zlarini musulmon SHarqi kishisi sifatida anglash tarzida: Ovro‘po yoshlarida esa jinoyatchilikning bundan buyon ko‘payishiga olib keluvchi "xulq-atvorning effektiv tipi"da namoyon bo‘lmoqda². Ana shu ob’ektiv xususiyatlar O‘zbekiston pedagogikasida, uning nazariy asoslarida ham tub o‘zgarishlarni amalga oshirishni taqozo qiladi.

Fan taraqqiyotining yangi boskichi boshlanganida u yoki bu atama, tushuncha mazmuniga aniqliklar kiritilib, boyita boriladi. Pedagogikaning tub atamalari bo‘lmish "ta’lim", "shaxs rivojlanishi”, “ijtimoiylashuv", "tarbiya" kabilar ham ana shu qonuniyatga bo‘ysunadidar. "Kommunistik tarbiya" iborasi ijtimoiy qo‘llanuvdan chiqarilgach, "milliy tarbiya" tushunchasi qo‘llanila boshlandi. Ilmiylik tamoyili yuqoridagi iboralardagi "kommunistik" va "milliy" sifatlovchilarini ta’riflash bilan bir vaqtda "tarbiya" tushunchasining ham yangi, zamonaviy, ilmiy ta’rifini talab qiladi.

Bu mavzuda 1991 yildan buyon qizg‘in baxslar davom etmoqda. E’tiborli ilmiy maqolalardan biri Kozog‘iston pedagogika instituti dotsenti X.T.Xayrullin qalamiga mansubdir. Olim o‘zining "Pedagogikaning tushunchalar apparati" maqolasida¹ "tarbiya" tushunchasining "jamiyatda yashash va mehnat qilish uchun lozim bo‘lgan ijtimoiy tajribaning kattalar tomonidan uzatilishi va yangi avlodlar tomonidan faol o‘zlashtirilishi" shaklidagi ta’rifini tanqid qiladi. G.T.Xayrullinning fikricha, "bu ta’rif faqatgina maktab sharoitiga moslab, tarbiyachining tarbiyalanuvchidan albatta yoshi ulug‘ ekanligi kabi tor asosga ega. SHuning uchun ham, "tarbiya" tushunchasini "ajdodlar ijtimoiy tajribasini uzatish va qabul qilishda shaxsga ijtimoiy va tabiiy omillarning ta’sir etishi" deb tushunish lozimdir. Ana shunda, deb ta’kidlaydi olim, "tarbiyaning pedagogik mohiyati "tarbiyalanuvchilarning ijtimoiy tajribasini o‘zlashtirishlariga maqsadli ta’sir qilish"da namoyon bo‘ladi. Ushbu tajribani o‘zlashtirish shaxsni ma’lum yo‘nalishga qarata rivojlantiradi, shakllantiradi"².

Milliy tarbiyaning nazariy asoslarini belgilashda sobiq sovet pedagogikasi nazariyotchilarining SSJI ning parchalanib ketish arafasida qilgan xulosalari ahamiyatga ega. Akademiklar A..A..Bodalev, V.A.Karakovskiy va L.I.Novikovalar o‘sha davrdagi tarbiyaviy illatlar (nigilizm, ma’naviyatsizlik, axloqsizlik, xudbinlik va boshqalar)ni keltirib chiqargan sabablarni qidirishdi. Aniqlangan sabablar O‘zbekiston pedagogika fani va amaliyotida qayta takrorlanmasligi uchun quyida sanab o‘tamiz. Akademiklarning xulosalariga ko‘ra, 90-yillarda sovet tarbiyasidagi og‘ir ahvolning bosh sabablaridan biri - tarbiyaning ilmiy asoslarining ishlab chikilmaganligi edi. Bu asoslar quyidagi mazmunda yaratilmog‘i kerak: 1) shaxsning pedagogik modelini tuzish va shu orqali uni tarbiyalash yo‘nalishlarini belgilab olish; 2) "tarbiya" tushunchasining mohiyatini zamonaviy pedagogika va psixologiya fanlari nuqtai-nazaridan qayta ko‘rib chiqish; tarbiyaning mavqeini ko‘tarish: 3) jamiyatni tarbiyalovchi jamiyatga aylantirish uchun uning tarbiyalovchi imkoniyatlarini amalga oshirishning asosiy shart-sharoitlarini tadqiqot qilish kerak"³. Milliy tarbiya ega ushbu sabablarning takrorlanmasligining ilmiy asoslangan kafolatlariga ega bo‘ladi. YA’ni. 1) mavhum namunaviy shaxsni emas, balki muayyan - milliy tarbiyaviy fazilatlarning asosli etalon, mezonlari va aniq yo‘nalishlariga ega: 2) milliy tarbiya "tarbiya" tushunchasining mohiyatini zamonaviy pedagogika, psixologiya. etnopedagogika, etnopsixologiya, sotsiobiologiya, oliy nerv faoliyati fiziologiyasi va antropologik bilimlar tizimi qo‘lga kiritgan ilmiy natijalar asosida oydinlashtiradi; 3) milliy tarbiya jamiyatni "tarbiyalanuvchi jamiyat"ga aylantirish uchun uning tarbiyalovchi imkoniyatlarini amalga oshirishning asosiy shart-sharoitlarini qayd qiladi va ijtimoiy - milliy tarbiya omillari sifatida ularga tayanadi. CHunki til, urf-odat, psixologiya, dunyoqarash bolaga uning xoxishidan tashqari holatda o‘z milliy tarbiyaviy ta’sirini o‘tkaza boradi. SHu o‘rinda "tarbiya" tushunchasiga yaqin bo‘lgan "ijtimoiylashuv" tushunchasi haqida alohida to‘xtalib, milliy tarbiya va milliy ijtimoiylashuv orasidagi umumiylik va o‘ziga xoslik ustida to‘xtalish lozim. Ijtimoiylashuvning tuzilishini yuqoridagicha tasvirlash mumkin. (1-tasvir). SHaxsni shakllantiruvchi ijtimoiy omillar. Milliy tarbiya va ijtimoiylashuv orasidagi umumiylik "hayot tarbiyasi" tushunchasi orqali namoyon bo‘ladi. Lekin ijtimoiylashuv - bu inson tomonidan ko‘rsatilayotgan maqsadli va maqsadsiz tarbiyaviy ta’sirlarni qabul kilish jarayonidir. Ushbu ta’sirot yig‘indisi shaxsning ijtimoiylashuvining xususiyatlarini, sifat o‘zgarishlarini belgilaydi. Ko‘rinib turganidek, shaxsning ijtimoiylashuv jarayonini bevosita pedagogik nazorat ostiga olish, boshqarish mumkin emas. SHuning bilan birga, rivojlanayotgan bola shaxsini bir vaqtning o‘zida ham ijtimoiylashtiruvchi omillar ham milliy tarbiya omillarining muttasil ta’sirida bo‘lishini ta’kidlash zarur. Har bir shaxsning bolaligi – uning milliy tarbiya qaramog‘ida o‘tkazgan tarixidir. Bola balog‘atga etgan sari ijtimoiylashtiruvchi omillarning ta’siri kuchaya boradi. Buni quyidagicha tasvirlash mumkin.

Ijtimoiylashuv va milliy tarbiya ta’sirlari orasidagi uygunlik yoki ziddiyat milliy-ma’naviy taraqqiyotga davlat tomonidan ko‘rsatilayotgan e’tiborga bog‘liqdir. Mustaqil O‘zbekistonda olib borilayotgan siyosat o‘zbek davlatchiligi, an’analari va milliy, umuminsoniy qadriyatlarni chuqur hurmat

qilishga asoslanadi; iqtisodiyot milliy xususiyatga ega; O‘zbekiston xalqining umumiy davlat manfaatlarini ifodalovchi milliy istiqlol g‘oyasi mavjud: xizmat ko‘rsatuvchi muassasalar tili - Davlat tilidir va h.k.

“Milliy tarbiya, milliylashuv esa (3-tasvir) rivojlanayotgan bola shaxsiga ilk yoshlardanoq bevosita ta’sir qilish orqali samaradorlik, tabiiylik, ustivorlik kasb etadi. Dastlab birinchi, keyinchalik ikkinchi signallar sistemasi mazmunini belgilovchi milliy muhit, milliy ruh, oila, maxalla, qishloq muhiti shaxsga tarbiyaviy ta’sir ko‘rsatadi.

YUqoridagi fikrlardan kelib chiqib, quyidagi xulosalarni bayon etish mumkin:

• 
  milliylik - ijtimoiy taraqqiyotning tadrijiy tamoyili natijasida yig‘ilgan madaniy qadriyatlar sintezidir. Milliy tarbiya - ana shu madaniy-tadrijiy sintezga asoslangan holda yosh avlodni zamonaviy sharoitga va kelajakka mos ravishda shakllantirish jarayonidir: shaxsning milliyligi va zamonaviyligi - uning ijtimoiylashuvining madaniy darajasidir;
  
• 
  har bir milliy madaniyat - umuminsoniy qadriyatning muayyan ko‘rinishidir. CHunki insoniyat - bu xalqlar, millatlardir. Ana shu nuqtai-nazardan milliy tarbiya - har bir insonni o‘z milliy madaniyati manbaida, ya’ni muayyan umuminsoniy qadriyat asosida shakllantirishdir;
  
• 
  har bir inson o‘z hayoti davomida turli ijtimoiy rollarni o‘taydi. Bu rollar mazmuni, ko‘lami, namoyon bo‘lish jabhalari ilk yoshlardan boshlab ko‘payib, kengayib, murakkablashib, milliylashib boradi. Ana shunday tug‘ma va ilk o‘zlashtiriluvchi ijtimoiy rollardan biri – shaxsning milliy rolidir(U.Gerxard);
  
• 
  Aslida dinlar, millatlar orasida ziddiyat uchun hech qanday asos yo‘q. Jahonda dinlar va millatlar orasida bo‘lib o‘tgan eiddiyatlar ayrim ulamolar, siyosatchilarning o‘z maqsadlariga erishmoq uchun din, millat nomidan ish ko‘rishga chaqiriqlari - insoniyat yul qo‘ygan xatolardir:
  
• 
  xalqlar, millatlar mavjud ekan, milliy tarbiya jarayoni bizning xoxishimizdan tashqari ravishda, madaniy determinizm asosida davom etaveradi. SHuning uchun bu jarayonni davlatning manfaatlariga mos ravishda maqsadga yo‘naltirilsa, milliy tarbiya ulkan yaratuvchan taraqqiyparvar ma’naviy kuchga aylanadi.
  

Savol va topshiriqlar:

1. 
   Tarbiya fanini o’qitishning ilmiy, diniy, badiiy va falsafiy asoslari;
   
2. 
   Ma’naviy-ma’rifiy ishlarining takomillashuvi tarbiyaning asosi;
   
3. 
   Zamonaviy tarbiyashunoslik muammolari.