Bolalar kiymini konstruksiyalash va modellashtirish

Klassik shimlarga 
- shaklning to‘g‘riligi, shimning beldan bo‘ksagacha 
yopishib turishi va boldir mushagiga tegib turishi xosdir. Shim yon ko‘rinishida 
uning oldingi va orqa buklov chiziqlari aniq ko‘rinib turadi.
Yarim klassik shimlarga 
– shakli nisbatan bemalol, ya’ni bo‘ksadan shim 
pochasigacha to‘g‘ri shakl hosil qiluvchi shim kiradi. Bel chizig‘i bo‘yicha bitta, 
ikkita yoki uchta taxlama loyihalanishi mumkin.
«Sport uslubida» ye
chilgan shimlarga tor va to‘g‘ri shakl hosil qilish uchun 
cho‘ntak bo‘laklarining, piston, koketka konstruktiv bo‘linishlarning ko‘pligi, yon 
cho‘ntak qirqim ustidan bir yoki ikki qator bezak baxyaqator tikilganligiga xosdir. 
Sport uslubidagi shimlar cho‘ziluvchan, jinsi gazlamadan tikiladi.
O‘g‘il bolalar shimiga qo‘yiladigan talablar asosiy ikki guruhga bo‘linadi: 
iste’molchi va texnik iqtisodiy;
O‘g‘il bolalar shimi bir tomondan qulay, ixcham, gavda tuzilishiga, moda 
yo‘nalishiga mos, ikkinchi tomondan odam yoshi va shimning vazifasiga va 

---

ishlatilish vaziyatiga javob beradigan qilib loyihalanadi. Shim uchun tanlangan 
gazlama vazifasiga qarab kirchimol, yuvishga qulay, g‘ijimlanmaydigan bo‘lishi 
kerak.
Klassik shimlarda old buklov chizig‘i ishining butun uzunligi bo‘yicha 
dazmollanadi. Shim old buklov chizig‘i tufli uchiga, ort buklov chizig‘i dumba 
markazidan o‘tib, tovon o‘rtasiga yo‘nalgan bo‘lishi kerak.
Shim proportsiyasi, shakli va uning belbog‘i hamda pochasining qomatda 
joylanishini ham belgilaydi. Belbog‘ bel chizig‘ida yoki undan 2 . . . 5 sm 
pastroqda joylanishi mumkin. Shim pochasi va pol orasidagi masofa pocha 
kengligiga bog‘liq. Namunaviy konstruktsiya bo‘yicha bichilgan shimlar o‘rta, yon 
va odim chokli bo‘ladi va ikkita old, ikkita ort yarim bo‘laklardan iboratdir. (1-
rasm).