Bolalar psixologiyasi va psixodiagnostikasi

Psixik taraqqiyotni harakatlantiruvchi kuchlar.
Shaxs taraqqiyotidagi ichki ziddiyatlar psixik taraqqiyotning harakatlantiruvchi kuchidir.
Asosiy ziddiyatlardan biri shaxsda paydo bo’ladigan yangi ehtiyojlar va ularni qondirish uchun zarur vositalarning yetishmasligidir. Shaxs taraqqiyotining erishgan darajasi, hayot tarzi va uning ijtimoiy munosabatlar sistemasida tutgan o’rni o’rtasidagi ziddiyat ham muhim ziddiyatlardan biridir. Shaxs yangi sharoitga moslashishga intiladi (bog’chada, maktabda). Ta’lim va tarbiya jarayoni ham shaxs oldiga yangi vazifalarni qo’yadi, faoliyatning yangi motivlarini hosil qiladi.
Shaxs ma`lum ijtimoiy munosabatlar sistemasida shakllangan ijtimoiy mavjudotdir. Har bir tarixiy davrda shaxsning o`ziga xos xususiyatlari shu davrning ijtimoiy- iqtisodiy tipi va tarbiya tizimiga bog`liq holda tashkil topadi, shakllanadi.

Yosh davrlari Yetakchi faoliyat 1) Go’daklik davri – tug’ilgandan 1 yoshgacha	asosiy faoliyat – bevosita emosional muloqot.
2) Ilk bolalik davri – 1 yoshdan 3 yoshgacha	asosiy faoliyat – predmetli faoliyat.
3) Maktabgacha davr – 3 yoshdan 7 yoshgacha	asosiy faoliyat – rolli o’yinlar.
4) Kichik maktab yoshi davri – 7 yoshdan 10 yoshgacha	asosiy faoliyat – o’qish.
5) O’smirlik davri – 10 yoshdan 15 yoshgacha	asosiy faoliyat – muloqot.
6) Ilk o’spirinlik davri – 15 yoshdan 18 yoshgacha	asosiy faoliyat – o’qish, kasb tanlash.

Mustahkamlash uchun savollar
1. Psixik taraqqiyotning biologik sharoitlari nimalardan iborat?
2. Bola psixik taraqqiyotni qonuniyatlari nimalardan iborat?
3. Ta`lim va taraqqiyot tug’risidagi L.S.Vigotskiyning ta`limotini tavsiflab o’ting?
4. Taraqqiyot yosh bosqichi nima?