Boqonna tokkoffaa seensawaliigalaa

Yaada Furmaataa

A. Maalummaa Ol’iyyannoo Ilaachisee Hubannoo Uumuu: Ol’iyyannoon seera biyya keenyaa keessatti mirga ta’us baasii fi xaarii mataa isaa waan qabuuf, ol’iyyannoo baay’achuun isaa miidhaa adda addaa hawaasummaa, dinagdee fi siyaasaa kan hordofsiisu ta’uu hawaasni mana murtiis ta’ee hawaasni mana murtii alaa akka hubatu taasisuu dha. Abbootiin seeraa adeemsi murtii kennuu fi murtii kennan irratti adeemsa seera qabeessa hordofuun, walfalmitoonni hanga danda’ametti adeemsa deemamee fi murtii kennametti quufanii ol’iyyannoo akka hin deemne daangaa seeraa keessatti waan danda’an hunda hojjechuu qabu. Hawaasni mana murtii alaa ammoo sababa gahaa malee, dharaan, faayidaa hin malle argachuuf, garee biraa rakkisuuf akka ol’iyyannoo hin deemne hubachiisuu; haalli kun yoo uumame ammoo bifa adabbiitiin kasaaraa gahaa itti murteessuu.

B. Qulqullina murtii mirkaneessuu ilaalchisee: Manneen murtii kenniinsa tajaajila abbaa seerummaa keessatti qulqullina murtii mirkaneessuun hojii adda dureen irratti hojjechuu qabanii dha. Qulqullinni murtii wantota adda addaa—gahumsaa fi naamusa abbootii seeraa, iftoomina seerota adeemsaa, dhaddacha meeshaalee teekinoloojii hammayyaan gaggeessuu, sirna keessummeessaa abbootii dhimmaa fi hawaasaa, sirna hiikaa waldiddaa filannoo, bilisummaa fi itti gaafatamummaa abbaa seerummaa, abbootii seeraa hojii abbaa seerummaa qofa akka hojjetan taasisuu, daangaa yeroo taa’e keessatti murtii kennuu, barreessa murtii ifa ta’e, fi tilmaamamummaa murtii dabaluu kan hammatuu dha. Kana waan ta’eef, manneen murtii Oromiyaa qulqullina murtii mirkaneessuuf xiyyeeffannaan wantota kana irratti hojjechuun isaanii barbaachisaa dha. Caasaaleen manneen murtii Oromiyaa qindoominaan dhimmoota kana irratti hojjechuun galmeewwan hojjetaman sakatta’uun (post Audit) taasisuun marii gareen, leenjii barbaachisaa kennuun bal’inaan irratti hojjetamuu qaba.

C. Dandeettii Ilaalchisee: Abbootiin seeraa dandeettii fi gahumsa ol’aanaadhaan hojii abbaa seerummaa hojjechuutu isaan irraa eegama. Abbaan seeraa tokko dandeettiin isaa akka cimaa deemu hojiin bal’aan hojjetamuu qaba. Abbootiin seeraa yeroo qacaraman karaa gumii mana murtii waliigalaatiin dandeettii fi naamusni isaanii ilaalamee, dhuguma ogummaa hojii abbaa seerummaatiif of aarsaa godhanii uummata tajaajiluuf fedhii fi kutannoo qabaachuu isaanii erga itti amanamee booda Caffeenis yeroo madaalawaa ta’e fudhatee qulqulleessee akka muudu taasisuu qaba. Abbootiin seeraa hojiin isaanii yeroo yeroodhaan sakkatamee, abbaa seeraa ciminaan hojjatuu fi maqaa gaarii qabu guddisuu badhaasuu; abbaa seeraa laafina agarsiisan ammoo akka ciman leenjii fi barumsa barbaachisa kennuun jajjabeessuu dha. Abbaan seeraa leenjii fi barumsi ogummaa barbaachisaa ta’e akka argatu taasisuu dha. Haala kanaan abbaa seeraa leenjii fi barumsa barbaachisaa hundi kennameef dandeettiin isaa hin fooyyofne bu’uura heerri fi danbiin naamusaa jedhuun hojii irraa akka gaggeeffamu taasisuu dha. Kanaaf danbii fi qajeelfamni qacarri fi guddina abbootii seeraa sakkata’amee kaayyoo barbaadamu kan galmaan gahuu ta’uu fi dhiisuun ilaalamee tarkaanfiin sirreeffamaa fudhatamuu qaba. Haala kanaan, abbootii seeraa amanamummaadhaan aantummaa uumataa qabaachuun, uummata tajaajiluuf malee faayidaaf kan hin hojjenne, kan Waaqayyoon sodaatan, muuxannoo fi gahumsa ol’aanaa qaban horachuun barbaachisaa dha.

D. Naamusa Ilaalchisee: Manni murtii abbootii seeraa heeraa fi seera kabajanii duudhaa fi safuu uummatichaa kabajuun naamusa ol’aanaa qaban horachuu qaba. Abbootii seeraa naamusa badaa keessatti hin hirmaanne, amanamummaa fi itti gaafatamummaa ol’aanaadhaan hojjetan horachuun barbaachisaa dha. Kanaaf ammoo abbootiin seeraa naamusa hojiin abbaa seerummaa gaafatu sadarkaa ol’aanaadhaaf akka horatan taasisuuf waa’ee naamusaa irratti leenjiin adda addaa kennamuuf qaba. Pireezidaantonni, hoggantoonni dhiyoo, gaggeessaan dhimmaa to’annoo fi hordoffii cimaa taasisuu qaba. Gareen Inispeekshinii jalaa kaasee hanga gubbaatti jiru cimee to’annoo fi hordoffii cimaa taasisuun itti gaafatamummaa mirkaneessuu keessatti shoora ol’aanaa bahuu qaba. Garee Gumii sadarkaa sadarkaan jiru sirna haqaa seera qabeessaa fi haqa qabeessa ta’e mirkaneessuu giddu galeessa godhatee hojii isa irraa eegamu bahuu qaba. Abbootii seeraa naamusa fi dandeettii ol’aanaadhaan, haqaan hojjetan badhaasuu, guddisuu, jajjabeessuun barbaachisaa dha. Gama biraan, abbootii seeraa rakkoo naamusaa qaban barsiisuu, adabuu, hojii irraa gaggeessuun barbaachisaa dha. Kana malee, namoota abbootii seeraa naamusa badaa keessa galchan kamiyyuu adda baasuun kallattii hundaan qaama dhimma ilaallatu wajjin qindoominaan irratti hojjechuun dha. Naamusa abukaatotaa fi barreessitoota uummataa irratti hojjechuu; sirna to’annoo fi hordoffii cimaa isaan ilaallatu diriirsuu fi cimsuu; itti gaatamummaas mirkaneessuun barbaachiisa dha. Sirna haqaa keessa seenuun hojii dallaalummaa irratti namoota bobba’an irratti qaama dhimmi ilaallatu waliin tarkaanfii barbaachisaa fudhachuu dha.

E. Murtiilee tilmaamamoo fi barsiisoo ta’e kennuu ilaalchisee: Manneen murtii hojii abbaa seerummaa hojjetan keessatti murtiileen isaan kennan tilmaamamoo fi barsiisoo ta’uu qabu. Manneen murtii murtiilee tilmaamamoo kennu yoo ta’e ogeessi seeraa kamiyyuu abbootii seeraa dabalatee ejjannoo jiru waan beekuuf qixa kanaan seera hiikuu fi falmuuf kan gargaaru waan ta’eef, hojiin hubannoo uumuu sadarkaa hundarratti taasifamuu qaba. Dhimma kana irratti abbootii seeraa MMA fi MMO, MMWO jidduutti mariin taasifamuu qaba. MMWO Dh/Ijibbaataa kallattiii/ejjannoo nama hojjechiisuu danda’u kaa’uu irratti shoora isa irraa eegamu bahuu qaba. Ejjannoo kanas manneen murtii jalaa beeksisuu qaba. Kana malee, murtiileen Dhaddacha Ijibbaataa Federaalaa labsiidhaan akka seeraatti waan fudhatamuuf, murtiilee kana hubachuun qixa kanaan akka hojjetan taasisuu dha. Manneen murtii keenya dhimma tokko irratti ejjannoo waldhahu qabachuun abbootii seeraa, ogeessota seeraas ta’ee kan biraa akka hin joonjessine irratti hojjatamuu qaba. Gama biraan, manneen murtii hanga danda’ametti murtii barsiisoo ta’an kennuu qabu. Manneen murtii murtiileen kennan dhimma sana ilaalchisee namni dubbisus ta’ee kan itti murtaa’e irraa barachuu qaba hubannoo dura qaba irra caala dabaluu qaba.

F. Si’oomina fi Dhaqqabamummaa Ilaalchisee: Manneen murtii dhimmoota isaaniif dhiyaatan si’oominaan yeroo gahaa jedhamu keessatti murtii itti kennuu qabu. Dhimmoonni haala hin malleen yeroo dheeraaf mana murtii keessatti akka lafarra hin harkifanne taasisuu qabu. Dhimmoota si’oominaan ilaaluu jechuun qulqullina cinaatti dhiisanii ta’uu akka hin qabne hubachuun barbaachisaa dha. Si’oomina mirkaneessuuf hojimaata harkifataa sakatta’uun sirreessuu, seerota haala sirrii ta’een hojiirra oolchuu, humna namaa gahaa guuttachuun, humni jiru hundi walqixa hojii irratti bobba’ee hojjechuu qaba. Dhaqqabamummaa ilaalchisee manni murtii tajaajila abbaa seerummaa dhaqqabamaa taasisuu qaba. Abbaan dhimmaa tajaajila abbaa seerummaa naannoo dhiyootti baasii xiqqaa fi yeroo gabaabaatti argachuu qaba. Dhaddacha naannawaa, dhaabbii, fi veediyoo konfaransiin fayyadamuun dhaqqabamummaa tajaajila abbaa seerummaa galmaan gahuu qaba. Manni murtii dhaqqabamummaa kana yeroo mirkaneessu garuu kabaja abbaan dhimmaa abbaa seeraa fi mana murtiif qabu kan xiqqeessu, abbootii seeraa balaaf kan saaxilu ta’uu hin qabu, wantonni guutamuuf qabu guutamuu qaba.

G. Bilisummaa Ilaalchisee: Manni murtii bilisummaa abbaa seerummaa fi ol’aantummaa seeraa akkaatuma heeraa fi seera irratti tumametti hojirra ooluu, to’achuu fi hordofuu qaba. Manni murtii fi abbaan seeraa dhibbaa gosa kamiyyuu irraa bilisa ta’ee heeraa fi seeraa fi sammuu isaaf qofa bitamee hojii abbaa seerummaa hojjechuu akka danda’u eegumsi barbaachisaan taasifamuuf qaba. Abbaan seeraa ofitti amantummaan hojjechuu akka danda’u haala mijeessuun barbaachisaa dha. Bilisummaan mana murtii guddina misoomaa fi dimokraasiif adda durummaan barbaachisaa akka ta’e, innis faayidaa walfalmitootaaf malee kallattiin faayidaa abbaa seeraa sanaaf akka hin taane qaama mootummaaa ta’ee nama kamiyyuu hubachiisuu dha. Hawaasni waliigalatti bilisummaan mana murtii faayidaa waliigalaatiif akka ta’e hubachiisuu dha. Abbaan seeraa ammoo bilisummaan tajaajila abbaa seerummaa haqa qabeessa fi seera qabeessa ta’e mirkaneessuuf malee itti gaafatamummaa ala akka fe’e akka ta’uuf akka hin taane hubachiisuu, kanas yoo fudhachuu dhabe itti gaafatamummaa mirkaneessuun barbaachisaa dha. Hojimaanni tilmaamamaa, madaalawaa, dhaqqabamaa fi seera qabeessa ta’e hojiirra oolu qaba. Bulchiinsa gaariis mana murtii keessatti cimaan lafa qubachiisuun, hoggansa cimaa uumuu heddu barbaachisaa dha.

H. Amantaa Uummataa Horachuu Ilaalchisee: M/Murtii kenniinsa tajaajila hojii abbaa seerummaa keessatti amantaa uummataa horachuun heddu murteessaa dha. M/Murtii hojiilee amantaa uummataa horachuu dandeessisan cimsee hojjechuun, kan amantaa dhabsiisan hambisuuf hojii guddaa hojjechuu qaba. Hawaasni ol’iyyannoon sirna mirga dhiibame sirreeffachuuf hojirra ooluu qabuu dha malee, sirna gadoo fi xiiqii itti bahan akka hin taane hubachiisuu dha; gama kanaan hubannoo uummataa cimsuu dha. Amantaa hawaasaa horachuuf hubanno uumuu dha. Hawaasni dhimmoota hanga danda’ametti aadaan jaarsummaan xumurachuu akka amaleeffatu jajjabeessuu dha. Hawaasa kiraa sassaabdummaa fi ragaa sobaa balaaleffatu uumuu dha. Hawaasni yeroo yeroodhaan haala hojimaata mana murtii akka hubatu taasisuu, rakkina jirus hawaasa mari’achiisun kallattii furmaata kaa’uun barbaachisaa dha. Hawaasni naamusa hojiin abbaa seerummaa gaafatu akka hubatu taasisuu dha. Murtiin kennamu ifa fi kan raawwatamuu danda’u ta’uu irrayyuu, murtichis akka hubatamutti abbaa dhimmaatiif ibsamuu qaba.

I. Qaamota Biroo Ilaalchisee: Manni murtii sirna haqaa bilisa, haqa qabeessa, seera qabeessaa fi bu’a qabeessa ta’e mirkaneessuu kan danda’u qaamota biroo qooda fudhattota waliin ta’ee malee qofa isa wanti fidu hin jiru. Kana waan ta’eef, sirna haqaa cimaa mirkaneessuun qindoomina mana murtii fi qaamolee biroo qooda fudhattoota gaafata. Qindoomni kun daangaa seeraa keessatti ta’ee sirna haqaa kana cimsuuf qofa ta’uu qaba. Qaamonni biroo kun himannaa fi deebii dhiyeessuun, ibsa ykn ragaa ogummaa dhimma falmiif sababa ta’e ilaallatu kennuun hirmaannaa taasisan ilaalchise wanta seeraa fi haqa qabeessa ta’e akka raawwatanii fi faallaa kanaa raawwachuun mirga walfalmitootaa miidhuu irra darbee sirna haqaa kan miidhu ta’uu hubachiisuu barbaachisaa dha. Kana malee, qaamolee biroo kun hojii hojjetaniif itti gaafatamummaan isaanii akka mirkanaa’u taasisuun barbaachisaa dha.

J. Seerota ilaalchisee: Manneen murtii hojii abbaa seerummaa kan hojiirra oolchan seera hiikuudhaan ta’uun hubatamaa dha. Kanaaf jalqabuma, seeronni qajeeltoo seerri tokko itti tumamu eeggatanii bahan jiraachuun barbaachisaa dha. Kun yoo ta’uu baate, fayyalummaan haa ta’u ykn itti yaadamee al-naamusummaa adda addaa raawwachuuf haa ta’uu, dogoggorri akka uumamuuf karra bal’aa bana. Kana waan ta’eef, seeronni walfaallessan adda bahanii leenjiin rakkoo kana furuu malu kennamuu qaba. Manni murtii waliigala Oromiyaa fi Dhaddachi Ijibbaataa hiikaa bilchina qabu fi rakkoo kana furuu danda’u kennuun, manneen murtii jalaa haala barbaachisaa ta’een beeksisuu qaba. Kana qofa utuu hin taane manni murtii waliigala Oromiyaa seerota qajeeltoo seerri tokko itti bahu eeggatanii bahuu dhabuu irraa kan ka’e rakkoo qulqullina hojii abbaa seerummaatiif madda ta’an adda baasuun qaama seera kana fooyyessuuf aangoo qabutti beeksisuu qaba; qaamni seera baasuuf aangoo qabu ammoo rakkoo kanatti amanuun seerota sadarkaa isaanii eeggatan akka baasu tattaaffiin barbaachisaa taasifamuu qaba.

Kanaafuu, manneen murtii Oromiyaa keessattuu manni murtii waliigala Oromiyaa caasaalee mana murtichaa fi qaamota dhimmi ilaallatu waliin rakkoowwan olitti ibsaman hambisuu irratti xiyyeeffannaan yoo hojjetame, manneen murtii Oromiyaa keessatti ol’iyyannoon akka hin baay’anne taasisuun gama kanaan rakkoo hawaasummaa, dinagdee fi siyaasaa gahu daran hirisuun ni danda’ama.

1^. Peter D. Marshall, A Coparative Analysis Of The Right To Appeal, Duke Journal Of Comparative And International Law 2011,Vol.22,fuula,7-13

2^Peter D. Marshall^, fuula 4

3^Peter D. Marshall,fuula 6

4^ Peter D. Marshall,fuula 17

5^ Peter D. Marshall,fuula 42

6^. Peter D. Marshall,fuula 45.

7^. Fakkeenyaaf,SDFHH kwt,337 , 348 fi SDFY kwt 195 irratti manni murtii ol’iyyannoo ilaalu aangoo murtii mana murtii jalqabaa cimsu, diguu yookiin fooyyessu danda’a.Akkaata SDFHH kwt 327(3) fi 345 tiin manneen murtii ol’iyyannoo ragaa haraa haallii itti fudhuu danda’anni waan jiruuf qabiyyeen mirga ol’iyyannoo biyya kenyaa gahaadha jechuun ni danda’ama.

8^. R.Leflar, Internal OperatingProcedures of Appellate courts (1976)Fuula,9-10.

9^ Akkuma lakk.6^ffaafuula. 10

10^ http://www.courtinfo.ca.gov/courts/courtsofappeal.guyyaa 10/8/2006 illaalame

11^ . Peter D. Marshall, fuula 45

12^ Nina Nichols Pugh,The Structure And Role Of Courts Of Appeal In Civil Law Systems, Louisiana Law Review.Volume 35,(1975),fuula 1202.

13^. http://www.ttlawcourts.org/index.php/component,guyyaa 15/08/2006 illaalame.

14^. Nina Nichols Pugh,fuula 1202

15^. Anne Marie Lofaso, The Appeallate Courts Role In Federal Judicial System. Fuula 5

16^. Harlon L.Dalton, Taking The Right Of Appeal (More Or Less ) Seriously.Yale Law School Legal Scholarship Repositary,(1985), p,69).

17^. http://www.ttlawcourts.org/index.php/component,guyyaa 15/08/2006 illaalame.

18^ Robert Allen Sedler, Ethiopian Civil Procedure, (Faculty of law Haile Sellasie I University, Addis Ababa, 1968), p.245-249

19^ Gabaasa Istaastiksii M/M/W/Oromiyaa bara 1991 hanga bara 2005 kan Guraandhala bara 2006 qophaa’e.

20^ Tafarii Baqqalaa fi Alamaayyoo Waggaarii, Madaallii Qulqullina Murtii Manneen Murtii Oromiyaa, ILOQHQSO, Waxabajjii 2005, fuula 7-8.

21^ Marii garee fi Af-gaaffii ogeessota seeraa adda addaa waliin taasifamee irraa kan hubatamee dha.

22^ Marii Garee gaafa 28/08/2006, 06/09/2006, 07/09/2006 abbootii seeraa waliin taasifame keessatti Obbo Ol’aanii Kabbadaa, Obbo Kadiir Waayyuu, Obbo Ahimad Umar yaada kennan.

23^ Marii garee fi af-gaaffii ji’a Ebla fi Caamsaa bara 2006 keessa abbootii seeraa fi abbootii alangaa waliin taasifame, Obbo Ahimad Umar fi Dassalany Lammii—abbootii seeraa M/M/W/Oromiyaa; Obbo Abdusalaam Amaan fi Obbo Mahaammad Ziyaad—abbootii alangaa Waliigalaa, Obbo Xilaayee Ayyaanoo—I/Gaafatamaa abbaa alangaa Godina Addaa Adaamaa.

24^ Af-gaaffii gaafa 07/09/2006 Abbaa seeraa M/M/W/Oromiyaa kan ta’e Obbo Ahimad Umar waliin taasifame.

25^ Af-gaaffii, bar-gaaffii fi marii gareen deebii namoonni kennan. Marii garee gaafa 22/09/2006 Garee Inispeekishinii Naannoo waliin taasifame irratti Obbo Warquu Gabbisaa, I/Gaafatamaan, yaada kennaniin dandeettiin abbootii seeraa rakkoo ta’uu; dandeettiin abbootii seeraa MMA rakkoo dha; MMO dandeettiin ragaan qulqulleessee murteessuun rakkoo dha; abbootiin seeraa dhimma isaanii dhiyaate gad fageenyaan hubachuu irratti hanqina qabu; abbootiin seeraa MMA akkitti ragaa fuudhan baay’ee kan nama qaanessuu dha jechuun ibsaniiru. Marii kanarratti Obbo Fayyeera Hayiluu, Inispeektara G/I/Naannoo, yaada kenneen abbootiin seeraa bakka tokko tokkotti dandeettiidhaan hanga barbaadamu gahuu dhabuun ni mul’ata jedheera.

26^ Marii Garee fi af-gaaffii ji’a Ebla fi Caamsaa bara 2006 keessa ogeessota adda addaa—Obbo Mulugeetaa Fiqaaduu pireezidaantii M/M/Ol/G/Harargee Bahaa, Obbo Shamshaddiin Hamdaa Abukaatoo seeraa; Obbo Dajanee Abdiisaa abukaatoo seeraa; Faassil Assaggid oggeessa lafaa bulchiinsa magaalaa Yaaballoo; Obbo Birhaanuu Takluu abukaatoo seeraa; Obbo Asaffaa Raggaasaa, Shimallis Baalchaa fi Obbo Birhaanuu Bayyanaa—abbootii seeraa; Obbo Warquu Gabbisaa—I/Gaafatamaa G/I/Naannoo; Obbo Fayyeeraa Hayiluu G/I/Naannoo Inspeektara; Shabalaa Annoo abukaatoo seeraa; Obbo Geetuu Wadaajoo—abbaa alangaa; Obbo Bashir Wayyaa abukaatoo seeraa; Obbo Miliyoon Bitoo WLEN G/Harargee Lixaa tti ogeessa seeraa. Marii garee gaafa 21/09/2006 abbootii alangaa Waaj/Haqa Oromiyaa waliin taasifame irratti Obbo Moosisaa Nagawoo yaada kenneen M/Murtii keessatti ogeessa muuxannoo qabu argachuun rakkisaadha, namoonni muuxannoo qaban hojii gadi lakkisanii deemutu jira.

27^Seera Deemsa Falmii Hariiroo Hawaasaa kwt.299 fi 231, 222,223,234, 91. Himataa Yennee Abbaayinah fi himatamtoota Wagaayyahu Tafarraa, qooda qabeenyaa dhaalaa isa du’e Abbaayinah Taaddasaa ilaalchisee; MMA Yaaballoo gal.lak.08947 ta’e irratti, himatamtoonni sababa deebii itti fooyyaffatan utuu hin ibsine akka fooyyafatan taasisuu; mormii sadarkaa duraa deebii fooyya’e irratti akka kaasan carraa kennuun, sababa kanaan himannaan darbiinsa yerootiin kufaa jedhee murteesse.

28^ Marii garee gaafa 21/09/2006 abbootii alangaa Waajjira Haqaa Oromiyaa waliin taasifame irratti Obbo Warqinaa Dabalee yaada kenneen—dhimma yakkaa poolisiin sirriin qorachuu dhabuu, abbaan alangaa keewwata sirrii hin taane caqasee himannaa dhiyeessuu , ragaa dhagamu qabu dhiisuu, umurii utuu hin qorachiisne himannaa dhiyeessuun ni mul’ata. Marii kana irratti Obbo Moosisaa Nagawoo qorannoon yakkaa ogeessa muuxannoo qabuun kan hin taasifamne ta’uu dha—“Hodhaan jalqaba bada” jechuun ibsaniiru. Himataa A/Alangaa fi himatamtoota Muurquu Jaarsoo Alii faa n-3, himatamtoonni SY kwt.32 (1, A) fi 587 (1) irra darbuudhaan him.1ffaa miidhamtuu Durbee Dhakkii Kuusee fuudhuu qaba jechuun waan butaniif, himannaa 2ffaa ilaalchisee him.1ffaa SY kwt.587 (2) irra darbuudhaan miidhamtuu dirqisiisee gudeeda jechuun himatamaniiru; M/M/A/Dirree gal.lakk.02912 ta’e irratti murtii guyyaa 21/03/2005 kenneen him.1ffaa hidhaa cimaa waggaa 18 fi 9, himatamtoonni kaan hidhaa cimaa waggaa 3tiin akka adabaman murteesse; MMO G/Booranaa galmee lakk. 08495 ta’e irratti murtii guyyaa 08/04/2005 kenneen M/M/Aanaa himannaa SY kwt.627 (1) jalatti ilaaluuf aangoo hin qabu jechuun murtii jalaa diiguun qaama aangoo qabutti akka dhiyaatu jechuun murteesse. Asirratti, abbaan alangaa himannaa kan dhiyeesse MMA aangoo hin qabnetti yoo ta’u; abbaan seeraas himannaa kana kufaa godhuu utuu qabu simatee kan murteesse ta’uu dha.

29^ Marii garee gaafa12/09/2006 abbootii alangaa Godina Addaa Adaamaa tti taasifameen Obbo Geetuu Wadaajoo yaada kenne. Marii garee gaafa 21/09/2006 abbootii alangaa Waaj/Haqa Oromiyaa waliin taasifame irratti Obbo Abdulaah Mahaammad yaada kenne. Asirratti Obbo Moosisaa Nagawoo yaada kenneen balaa konkolaataa ilaalchisee duraan godinatti qorannoon gaggeeffama ture, amma leenjii ji’a sadii kennuun Aanaatti qoratama; himannaa yakkaa keewwata fi ijoo dubbii waliin madaalanii dhiyeessuu irratti rakkoon ni mul’ata. HImataa A/Alangaa fi himatamaa Abraahim Aliyyii Amadee, SY kwt.556 (2, A) jalatti himannaa dhiyaate; himatamaan jecha kenneen “miidhamaan dhuunfaa horii jimaa kiyyatti waan naqeef itti aaree ulee sibiilaatiin mataa keessa dha’eera yoo jedhu; MMA Gammachiis galmee lak.10793 ta’e irratti murtii guyyaa 26/06/2006 kenneen himatamaan yakka itti himatame amane jechuun adabbii hidhaa salphaa waggaa 1 fi ji’a 6tiin akka adabamu murteesseera; garuu himatamaan akka himannaa dhiyaatetti amanne, yoo amane jedhames rikordii yakkaa dhabuu isaa waliin akka sababoota adabbii salphisaniitti hin fudhatamneef.

30^ Marii garee ji’a Ebla fi Caamsaa bara 2006 keessa abbootii seeraa fo ogeessa seeraa—Ashabbir Saanii fi Ol’aanii Kabbadaa—abbootii seeraa; Obbo Dajanee Abdiisaa abukaatoo seeraa waliin taasifame.

31^ Seera Deemsa Falmii Hariiroo Hawaasaa kwt.244 (1). Himataa Yennee Abbaayinah fi himatamtoota Wagaayyahu Tafarraa, qooda qabeenyaa dhaalaa isa du’e Abbaayinah Taaddasaa ilaalchisee; MMA Yaaballoo gal.lak.08947 ta’e irratti himatamtoonni mormii sadarkaa duraa darbiinsa yeroo deebii fooyya’e irratti waan kaasaniif himannaa kufaa kan taasise; MMO G/Booranaa gal.lak.09168 ta’e irratti mormiin sadarkaa duraa jalqaba ka’uu qaba malee deebii fooyya’e irratti kaasuun hin danda’amu jechuun jal-murtii jalaa diiguun murteesseera. MMWO Dh/Kibbaa lak.gal.169443 ta’e irratti murtiin MMO cimse. Himattuu Baatirii Taaddasaa fi himatamaa Girmaa Tolasaa, falmii mana jireenyaa dhaalaa ishee duute Ad.Kabbabuush Warquu, MMA Kuyyuu galmee lakk.26769 ta’e irratti gaafa 20/07/2005 darbiinsa yerootiin himannaa kufaa taasise; M/M/O/G/Sh/Kaabaa galmee lakk.37193 ta’e irratti gaafa 22/08/2005 darbiinsi yeroo hin jiru jechuun murtii jalaa erga diigee booda ijoo dubbii keessa seenee murteesseera. M/M/Aanaa darbiinsi yeroo utuu hin jirre murteesse; MMO ammoo darbiinsi yeroo hin jiru yoo jedhe bu’uura SDFHH lakk.341 (1)tiin gadi deebisuu utuu qabuu ijoo keesse seenee murteessuun hir’ina raawwatamee dha. Himataa A/Alangaa Aanaa fi himatamaa Zaraayii Ahimad Musxafaa; Labsii Bosona lak.72/95 kwt.13 (1) fi 15 (4) jalatti himatame, himatamaan jecha kenneen ani konkolaachisaa miti gargaaraadha yoo jedhu; A/Alangaa yaada kenneen himatamaan konkolaachisaa ta’uu isaaf ragaa qabna jechuun utuu falmu; MMA Taltallee galmee lak.05062 ta’e irratti jal-murtii kenneen himatamaan gargaaraa waan ta’eef mormiin kaase fudhatama qaba jechuun SDFY kwt.131tiin himatamaan bilisa jechuun murteesseera. M/M/Aanichaa jalqaba mormiin ka’e mormii sadarkaa duraa utuu hin taane kan fudhate ta’uu dha; himatamaan konkolaachisaa dha moo? gargaaraadha? kan jedhus ragaan qulqulleessuu qaba ture.

32^ Af-gaaffii 04/09/2006 Obbo Faasil Assaggid ogeessa lafaa Bulchiinsa Mag/Yaaballoo waliin taasifame.

33^ Marii garee gaafa 11/09/2006 abbootii seeraa M/M/O/G/Sh/Bahaa waliin taasifame keessatti, Obbo Birhaanuu Bayyanaa yaada kennan .

34^ Af-gaaffii gaafa 04/09/2006 Abbaa Adeemsa Qorannoo Yakkaa Biiroo Haqaa Godina Booranaa, Obbo Mahaammad Hingaabbuu waliin taasifame; Himataa Abbaa Alangaa fi himatamaa Zaraayii Ahimad Musxafaa, Mana murtii aanaa Fantallee, L.G.05062, Jal-murtii gaafa 03/01/2006 kenname.

35^ Marii garee abbootii seeraa MMWO Dhaddacha Bahaa fi Obbo Mahaammad Jimaa ekispartii seeraa waliin taasifame.

36^ Marii garee gaafa 11/09/2006 abbootii seeraa M/M/O/G/Sh/Bahaa waliin taasifameen, Birhaanuu Bayyanaa yaada kenne.

37^ Alternative term for mistake of fact, http://www.businessdictionary.com/definition/error-of-fact.html, Ji’a Waxabajjii bara 2006 ilaalame.

38^ Abbootiin alangaa bar-gaaffii dhaab deebii kennanirraa ni hubatama.

39^ Af-gaaffii ji’a Ebla fi Caamsaa bara 2006 keessa Obbo Dajanee Abdiisaa, abukaatoo seeraa, Obbo Dabalee Baqqalaa, Abbaa Adeemsa Hojii Qorannoo Yakkaa fi Murtii Haqaa Kennisisaa Godina Sh/Bahaa; Obbo Shamshaddiin Hamdaa, Abukaatoo seeraa; Obbo Kadiir Waayyuu, abbaa seeraa M/M/Ol’aanaa waliin taasifame. Marii garee gaafa 21/09/2006 abbootii alangaa Komishinii Farra Malaammaltummaa Oromiyaa waliin taasifame irratti Obbo Baqqalaa Maammoo yaada kenneen—galmeen farra malaammaltummaa fuula baay’ee waan ta’uuf, M/Murtii sirriitti keessa ilaalanii ijoo adda baasanii murteessuu irratti rakkoo dha.

40^ Marii Garee gaafa 04/09/2006 abbootii seeraa M/M/O/G/Booranaatti taasifameen Obbo Mangistuu Hayiluu yaada kennan. Marii garee gaafa 22/09/2006 Garee Inispeekishinii Naannoo waliin taasifame irratti Obbo Fayyeera Hayiluu, Inispeektara G/I/Naannoo, yaada kenneen abbootiin seeraa tokko tokko sababa nuffii irraa ka’een dhimma gadi fageenyaan qulqulleessuu dhabuun ni mul’ata, galmeewwan SDFHH lakk.343tiin gadi deebi’an darbee darbee kana mul’isa jechuun ibseera.

41^ Af-gaaffii gaafa 01/09/2006 Obbo Dajanee Abdiisaa, abukaatoo seeraa waliin taasifame. Himataa Sewuu Booboyaa fi himatamaa Waaj/Ejensii Misoomaa fi Maanajimentii Lafaa Bulch/Mag/Yaaballoo, MMA Yaaballoo gal.lak.09632 ta’e irratti himatamaan lafa himataa irratti jeequmsa uumuu ragaadhaan utuu hin qulqulleessine himatamaan jeequmsa akka dhaabu murteesse.

42^ Marii Garee gaafa 11/09/2006 abbootii seeraa M/M/O/G/Sh/Bahaa waliin taasifame irratti Obbo Birhaanuu Bayyanaa yaada kennan.

43^ Abbootii seeraa waliin af-gaaffii, marii garee, bar-gaaffii taasifameen deebii kenname.

44^ Af-gaaffii gaafa 28/08/2006 Obbo Shabalaa Annoo, abukaatoo seeraa waliin taasifame. Himattuu Faaxumaa Umaree fi himatamtuu Aliyaa Ahimad, falmii lafaa, MMA Carcar lak.gal.01807, MMO G/Harargee Lixaa lak.gal.27418 ta’e irratti waa’ee lafa kana qaama aangoo qabu irraa utuu qulqulleessine kan murteessan, MMWO Dh/Bahaa galmee lak.171833 ta’e irratti qulqulleessee murteesse.

45^ Marii Garee ji’a Ebla fi Caamsaa bara 2006 guyyoota adda addaa Obbo Hashiim Nagawoo abbaa seeraa M/M/Ol’aanaa; Ashabbir Saanii, abbaa seeraa M/M/Aanaa; Dajanee Abdiisaa, abukaatoo seeraa; Hebroo Heexoo, abbaa seeraa M/M/Ol’aanaa, Mulugeetaa Fiqaaduu, pireezidaantii M/M/Ol’aanaa waliin taasifame. Himataa Barraaqoo Waaqoo fi himatamaa Diidole Tooraa, M/M/A/Dhaas, himanni dhiyaate qarshii 5400 yoo jedhu; himatamaan qarshii 5300 gaala bituuf himataa irraa fuudhuu isaa ragaa namaa himataa haala gahaan utuu hin mirkaneessine, M/Murtichaa qarshii kana himataaf akka kaffalu murteesse; MMO G/Booranaas galmee lakk.08926 ta’e irratti bu’uura SDFHH lakk.337tiin ajajaan murtii jalaa cimseera. Marii garee gaafa 21/09/2006 abbootii alangaa Komishinii Farra Malaammaltummaa Oromiyaa waliin taasifame irratti Obbo Baqqalaa Maammoo yaada kenneen—hawaasni akka dubbatutti, MMA/Aqaaqii fi Ada’aatti jecha ragaa akka ragaan jedhetti kan hin galmoofne ta’uu dha jechuun ibseera. M/Murtii ragaa sobaa qulqulleessuu irratti rakkoo dha.

46^ Marii Garee gaafa 11/09/2006 abbootii seeraa M/M/O/G/Shawaa Bahaa waliin taasifame irratti Birhaanuu Bayyanaa yaada kenne.

47^ Af-gaaffii gaafa 12/09/2006 Obbo Fayyee Dhufeeraa, Itti Gaafatamaa Waajjira Haqaa Mag/Adaamaa waliin taasifame.

48^ Af-gaaffii gaafa 07/09/2006 Obbo Ahimad Umar, abbaa seeraa M/M/W/Oromiyaa Dhaddacha Kibbaa waliin taasifame.

49^ Marii Garee gaafa 29/08/2006 ogeessota WLEN Go/Harargee Bahaa waliin taasifame irratti, Obbo Gabayyoo Siyyum bakka bu’aafi Abbaa Adeemsa Hojii Eegumsa Naannoo Godinichaa yaada kennan. Himataa Qaccee Areeroo fi himatamaa Carfoolee Waariyoo, himanni lafa bara 1998 naaf kenname bara bara 2002 seeraa ala na jalaa qabate kan jedhuu, M/M/A/Yaaballoo galmee lak.08909 ta’e irratti himannaa kufaa godhe; MMO G/Booranaa galmee lak.08916 ta’e irratti himatamaan lafa kana himataaf haa gadi lakkisu jedhe; MMWO Dh/Kibbaa galmee lakk.168817 himannaa kufaa taasise. Garuu lafti kun bara 2002 keessa haala kamiin gandi irraa fuudhee himatamaaf akka kenne wanti qulqulleessan hin jiru. Himattoota Bayyanaa Shibbiruu faa n-2 fi himatamtoota Dharroo Ayyaanoo faa n-5 lakk.gal.08982; MMMO G/Arsii Lixaa lak.gal.16640; bal’ina qabiyyee dhaalaa qaama aangoo qabu irraa qulqulleessuu dhabuu.

50^ Af-gaaffii gaafa 05/09/2006 Obbo Daanyee Kabbadaa, dubbii fixaa Dhaabbata Arab Konistiraakshinii waliin taasifame.

51^ Marii Garee gaafa 11/09/2006 abbootii seeraa M/M/O/G/Sh/Bahaa waliin taasifame irratti Obbo Birhaanuu Bayyanaa yaada kennan. Himattuu Obboree Elemoo fi himatamaa Bariisoo Teessoo, falmii gaa’illi naaf diigamee, qallabni ijoollee fi qabeenyaa akka qooddanu jedhu, MMA Kokosaa lak.gal.05200 ta’e irratti gaa’ila diiguun dura akka araaraman tattaaffii utuu hin taasisne; ijoolleen eenu biratti guddatu kan jedhu utuu hin qulqulleessine, qarshiin qallabaa kan waggaati kan ji’aati utuu adda hin baane, qabeenyaa irratti addatti utuu hin falmamne murteesse.

52^ Ad.Obistuu Ahimad haati dhimmaa fi Obbo Ahimad Muummad ishee waliin kan jiru yaadni kennan kanuma deeggara. Ad.Obsituun yaada kenniteen manni murtii aanaa Dadar sa’a falmiif ka’umsa ta’e mahaariin argachuu kiyya ragaan naaf mirkaneessee utuu jiruu wanti saamee fudhadhe utuu hin jirre, saamtee fudhatte jechuun galmee utuu hin qoranne natti murteesse jechuun ibsiteera.

53^ Marii Garee gaafa 28/08/2006 abbootii seeraa MMOG Harargee Bahaa waliin taasifame.

54^ Marii garee ji’a Caamsaa bara 2006 guyyoota adda addaa Obbo Dassalany Lammii fi Ahimad Umar—abbootii seeraa MMW Oromiyaa, Gannat Taayyee A/Alangaa Waliigala waliin taasifame.

55^ Marii Garee ji’a Caamsaa bara 2006 keessa guyyoota adda addaa Obbo Kadiir Waayyuu abbaa seeraa MMO; Obbo Hafiiz A/Fiixaa, Gaggeessaa dhimmaa, MMWO Dhaddacha Bahaa; Mahaammad Jimaa, ekispartii seeraa; Mahaammad Aliyyii, abbaa seeraa MMWO Dh/Bahaa.

56^ Marii Garee ji’a Caamsaa bara 2006 keessa guyyota adda addaa WLEN G/Harargee Lixaa, Obbo Gaashaw Katamaa, Abukaatoo seeraa, Obbo Gabayyoo Siyyum B/B fi abbaa adeemsa Hojii WLEN Go/Harargee Bahaa waliin taasifame.

57^ Marii Garee ji’a Caamsaa bara 2006 keessa guyyoota adda addaa Obbo Gaashaw Katamaa abukaatoo seeraa; Obbo Birhaanuu Taklu abukaatoo seeraa; Ahimad Umar, abbaa seeraa MMWO; Obbo Mangistuu Hayiluu abbaa seeraa MMO; waliin taasifame. Himataa Qaccee Areeroo fi himatamaa Carfoolee Waariyoo, M/M/A/Yaaballoo galmee lak.08909; MMO G/Booranaa galmee lak.08916 ta’e irratti, WLEN gabaasni MMA tti kennee fi MMO kenne walfaallessa; M/Murtiis yaada bitaa fi mirgaa dhagahuun qulqulleessa barbaachisaa hin taasisne.

58^ Af-gaaffii gaafa 12/09/2006 Obbo Bashiir Wayyaa, abukaatoo seeraa waliin taasifame.

59^ Ol’iyyataa Mokonnin Hundee fi D/kennitoota Ganamee Hundee faa N/2 jidduu falmii qabiyyee dhaalaa galmee lakk.161467 MMWO Dh/Bahaa, galmee Dhadd/Ijibbaataa lakk.184517. Ol’iyyataan kun mana murtii aanaa Muneessaa irraa eegalee hanga dhaddacha Ijibbaataatti walfalmanii, dhimmichi MM Aanaatti gadi deebi’ee ammas ol’iyyannoo MMWO Dhadd/Bahaatti kan dhiyaate ta’uu ibsuun; falmii qooda qabiyyee dhaalaa abbaa keenyaan walqabatee, qabiyyeen dhuunfaa kiyya waan itti na jalaa makameef, ani utuu falmuu, waajjirri lafaa fi eegumsa naannoo gabaasa bakka ani hin jirreetti qulqulleessee gabaasa sobaa yoo dhiyeessu, ani gabaasa kana mormu illee manni murtii waliigala Oromiyaa Dhaddacha Bahaa mormii kiyya hin fuune natti murteesse jechuun komatee jira.

60^ Af-gaaffii gaafa 06/09/2006 Obbo Abdusalaam Amaan abbaa alangaa Waliigalaa waliin taasifame. M/M/W/Oromiyaa Dh/Kibbaa lakk.G.169627 ta’es ilaaluun ni danda’ama.

61^ Af-gaaffii gaafa 14/09/2006 Obbo Yaamii Gurmuu, abukaatoo seeraa. Manni murtii beenyaa herreeguu keessatti kan garee sadaffaa jedhamee ta’e akka hin caalletti xiqqoo murteessaa jira; herreeggiin beenyaa nama balaa konkolaataan du’ee rakkoo dha, manni murtii ragaa bitaa fi mirgaa haala madaalawaa ta’een madaaluu irratti rakkoo qaba.

62^ Bar-gaaffiidhaan abbootiin alangaa deebii kennan fi af-gaaffii Obbo Shamshaddiin Hamdaa abukaatoo seeraa waliin taasifame. Himattuu Mulaat Gabree fi himatamtoota 1. Waaj/Qoannafi Misooma Baadiyyaa A/Guraawa 2. Bulch/ganda Ejersaa Toobotaa; himannaa lafti seeraa ala narraa fudhatame, MMMA Guraawa lak.gal.18057 irratti murtii kenneen lafti himattuu seeraa ala irraa fudhatamuu hin qabu, lafti biraa haa kennamuuf ykn beenyaan haa kaffalamuuf; MMOG Harargee Bahaa lak.gal.39176 ta’e irratti himattuuf gargaarsi kennamaaf waan tureef himanni kufaa dha; MMWO Dh/Kibbaa lak.gal.181116 ta’e irratti murtii MMO diigee murtii MMA cimseera. Murtii jalaa irraa kan hubatamu, seera rogummaa qabu waliin walsimsiisanii murteessuu dhabuutu mul’ata.

63^ Marii Garee ji’a Caamsaa bara 2006 keessa guyyoota adda addaa Obbo Habtee W/Sanbat, abbaa seeraa MMWO; Obbo Bilaal Gammadaa, abbaan seeraa MMO; Obbo Hashiim Nagawoo, abbaa seeraa MMO waliin taasifame.

64^ Marii garee fi af-gaaffii ji’a Ebla fi Caamsaa bara 2006 keessa abbootii seeraa MMO/Go/Harargee Bahaa; Shimmallis Baalchaa abbaa seeraa MMO; Obbo Faasil Assaggid Ogeessa lafaa Mag/Yaaballoo; Obbo Gizaachoo Dibaabaa I/Gaafatamaa Inispeekishinii Go/Arsii Lixaa; Obbo Hebroo Heexoo abbaa seeraa MMO; Obbo Geetuu Wadaajoo abbaa alangaa Go/Addaa Mag/Adaamaa; Obbo Shabalaa Annoo abukaatoo seeraa waliin taasifame. Marii garee gaafa 21/09/2006 abbootii alangaa waajjira Haqa Oromiyaa waliin taasifame.

65^ Af-gaaffii fi marii garee ji’a Caamsaa bara 2006 keessa guyyoota adda addaa Obbo Abdusalaam Amaan abbaa alangaa Waliigalaa; Obbo Dheeressaa Hirkoo abbaa seeraa MMO; Alamuu Dhaabii A/Alangaa Go/Harargee Bahaa; Jamaal Ahimad abbaa seeraa MMA waliin taasifame. Marii garee gaafa 21/09/2006 abbootii alangaa Waaj/Haqaa Oromiyaa waliin taasifame irratti Obbo Guddataa Kabbadaa fi Abdullaah Mohaammad yaada kennan. Himataa A/Alangaa GAONF fi himatamaa Araarsaa Gadaa, himatamaan SY kwt.408 (1) irra darbuudhaan matta’aa naaf kenni jechuun qarshii 2500 miidhamaa irraa fudhatee harkaafi harkatti waan qabameef himatameera kan jedhu; ragaan A/Alangaa fi ittisaa erga dhagahamee; MMOG Addaa Oromiyaa Na/Finfinnee galmee lak.10290 ta’e irratti murtii guyyaa 16/11/2005 kenneen ragaan abbaa alangaa mirkaneessuu utuu ibsuu, ragaan ittisaa irraa ittise jechuun bilisa baasuun murteesse. Garuu ragaan ittisaa wanti irraa ittise hin jiru.

66^ Af-gaaffii gaafa 12/09/2006 Obbo Fayyee Dhufeeraa I/gaafatamaa Waajjira Haqaa Mag/Adaamaa; Himataa A/Alangaa fi himatamaa Daarimuu Girrii jidduu falmii yakkaa jiru ilaalchisee M/M/A/Naansaboo Lak.Gal.08444 murtii guyyaa 16/01/2006; himataan A/Alangaa fi himatamaa Abraahim Aliyyii jidduu falmii yakkaa jiru ilaalchisee M/M/A/Gammachiis Lakk.10793 ta’e irratti murtii guyyaa 26/06/2006 akkaataa qajeelfama adabbiin adabbii kennuu dhabuu, sababoota adabbii salphisan keessattuu kuusaa yakkaa dhabuu akka sababaatti fudhachuu dhabuutu mul’ata. Sababa daangaa adabbii seeraan tumame gadi bu’uun itti murteessuu danda’e hin ibsamne. M/M/O/G/Boornanaa lak.gal.18921; MMWO Dh/Kibbaa lak.gal.169008 ta’e irratti yakka bosona irratti raawwachuu waan ta’eef himatama ka’umsa adabbii hidhaa cimaa w/5 adaban. Marii garee gaafa 21/09/2006 abbootii alangaa Komishinii Farra Malaammaltummaa Oromiyaa waliin taasifame irratti Obbo Tarrafaa Hayilee yaada kenneen—dhimma malaammaltummaa irratti MMWO murtii jalaa haala hin malleen gadi buusuu, himatamaa bilisa baasuun; abbaan dhimmaa yoo ol’iyyatu dafee ilaalamaaf, kan abbaa alangaa farra malaammaltummaa beellamni ni jijjiirama jechuun ibseera.

67^ Marii garee gaafa 12/09/2006 abbootii alangaa Waaj/Haqaa Go/Addaa Adaamaa waliigan taasifame keessatti Obbo Raggaasaa yaada kenne. Fakkeenyaaf, Ol’iyyattoota Mangashaa Guddatoo faa n/2 fi D/kennaa A/Anagaa falmii ol’iyyannoo yakkaa ilaalchisee M/M/O/G/Booranaa Lak.Gal.08495 murtii gaafa 04/04/2005 kenname ilaaluun ni danda’ama.

68^ Marii Garee gaafa 12/09/2006 abbootii alangaa Waajjiira Haqaa Go/Addaa Adaamaa waliin taasifame keessatti Obbo Geetuu Wadaajoo yaada kennan. Himataa A/Alangaa fi himatamtoota 1. Jamaal Abraahim 2. Saabit Abraahim, SY kwt.556 (2, A) jalatti himataman; MMA Jaarsoo galmee lakk.12793 ta’e irratti murtii guyyaa 16/07/06 kenneen ragaan namaa fi mana yaalaa A/Alangaa waan mirkaneesseef, himatamtoonni ragaa ittisaan waan of-irraa hin ittisneef, SY kwt.556 (1) jalatti balleessaa dha jechuun adabbii hidhaa ji’a 5tiin akka adabaman murteesse; MMO G/Harargee Bahaa galmee lakk.28975 ta’e irratti murtii kenneen ol’iyyattoonni adabbii qarshii 1000 akka adabaman murteesse; murtiin MMO kenne yoo ilaalamu adabbii hidhaa MMA kenne sababa gahaa tokko malee dha gara adabbii qarshiitti jijjiiree himatamtoota adabe.

69^ Marii garee gaafa 12/09/2006 abbootii alangaa Waaj/Haqaa Go/Sh/Bahaa waliin taasifameen Obbo Gulummaa Lammuu itti gaafatamaan waajjirrichaa yaada kennan.

70^ Marii garee gaafa 12/09/2006 abbootii alangaa Waaj/Haqaa Go/Sh/Bahaa waliin taasifameen Dabalee Baqqalaa yaada kennan. Marii garee gaaf 21/09/2006 abbootii alangaa Waaj/Haqaa Oromiyaa waliin taasifame irratti Obbo Warqinaa Dabalee yaada kenneen—sadarkaa MMO tti himatamaa mana hidhaa jiru ragaan ittisaa gana poolisii fi gandaatiin akka dhiyaatuf taasisuu utuu qabuu akka dhiisetti bira darbuun ni jira.

71^ Af-gaaffii gaafa 30/08/2006 Obbo Tasfaayee Katamaa Itti Gaafatamaa Garee Inispeekshinii Godinaa Harargee Lixaa waliin taasifame.

72^ Af-gaaffii 12/09/2006 Obbo Nabii Fayyisoo dubbii fixaa waajjira bulchiinsa magaalaa Adaamaa waliin taasifame.

Waa’ee hanqina humna namaa Mana Murtii Waliigal Oromiyaa Dhaddacha Bahaa ilaalatuu dha.

73^ Marii garee gaafa 13/09/2006 abbootii seeraa mana murtii waliigalaa Oromiyaa waliin taasifame irratti Obbo Habtee W/Sanbat yaada kennan.

74^ Af-gaaffii fi marii garee ji’a Caamsaa bara 2006 keessa guyyoota adda addaa Obbo Hafiiz A/Fiixaa gaggeessaa dhimmaa MMWO Dhaddacha Bahaa fi Obbo Nabii Fayyisoo dubbii fixaa waajjira bulchiinsa magaalaa Adaamaa waliin taasifame.

75^ Af-gaaffii gaafa 05/09/2006 Obbo Massalaa Itichaa I/A/Hoogganaa WLEN Go/Booranaa waliin taasifame.

76^ Marii garee gaafa 13/09/2006 abbootii seeraa mana murtii waliigalaa Oromiyaa Dh/Bahaa waliin taasifame irratti ekspartii seeraa kan turan Obbo Mahaammad Jimaa yaada kennan.

77^ Af-gaaffii gaafa 14/09/2006 Obbo Yaamii Gurmuu, abukaatoo seeraa waliin taasifame.

78^ Marii garee gaafa 28/08/2006 abbootii seeraa MMO Go/Harargee Bahaa waliin taasifame irratti Obbo Mahaammad Kadiir yaada kennan. Falmiin himattuu fi himatamtoota jidduu ture falmii abbaa qabiyyummaa ta’ee utuu jiru, manni murtii falmii kana gara falmii jeequmsaatti jijjiiruun himannaa dhiyaate bu’uura SHH lakk.1149tiin darbiinsa yeroo waggaa 2tiin kufaa taasisee jira (himattuu Ad.Adaanachu Tashoomaa fi himatamaa Abbiyyee Baqqalaa faa n/2, M/M/A/Dagam galmee lakk.17308 ta’e irratti murtii guyyaa 10/07/2004 kenne fi M/M/O/G/Sh/Kaabaa galmee lakk.34466 ta’e irratti ajaja guyyaa 26/07/2004 kenne ilaaluun ni danda’ama.

79^ Marii garee gaafa 13/09/2006 abbootii seeraa MMO Go/Harargee Bahaa waliin taasifame.

80^ Af-gaaffii gaafa 07/09/2006 Obbo Shifarraa Kabbadaa abukaatoo seeraa waliin taasifame. Naannoo mana murtii ol’aanaa godina Arsii Lixaatti haqaan murteessuu irratti rakkoo dha, beekumsa gahaa dhabuun ni jira, kun ammoo mana murtii aanaa irratti baay’ata; mormiin sadarkaa duraa ka’ee utuu jiruu jal-murtii utuu hin kennine murtii kennuutu mul’ata; manni murtii dhimmoota tokko gadi fageenyaan ilaalanii seerota dhimma sanaan walqabatan ilaalanii murteessuu dhabuun rakkoo dha. Fakkeenyaaf, murtii mana murtii waliigala federaalaa Dhaddacha Ijibbaataa hin dubbisan, seerotas sirriitti hin dubbisan kun rakkoo dha, ol’iyyannoos ni baay’isa.

81^ Af-gaaffii gaafa 28/08/2006 Obbo Taayyee Kabbadaa abukaatoo seeraa waliin taasifame.

82^ Bar-gaaffiin deebii namoonni kennanii fi af-gaaffii gaafa 12/09/2006 Obbo Bashir Wayyaa abukaatoo seeraa waliin taasifame.

83^ Af-gaaffii gaafa 01/09/2006 Obbo Toofiq Nadii A/Alangaa KFMO Damee Ciroo waliin taasifame.

84^ Af-gaaffii gaafa 07/09/2006 Obbo Gizaachoo Dibaabaa I/G/Inispeekshinii Arsii Lixaa waliin taasifame.

85^ Gabaasa Istaatiksii G/I/Naannoo ji’a Waxabajjii bara 2006 qophaa’e.

86^ Af-gaaffii, bar-gaaffii fi marii gareen deebii namoonni kennan. Marii garee gaafa 22/09/2006 Garee Inispeekishinii Naannoo waliin taasifame irratti Obbo Warquu Gabbisaa, I/Gaafatamaan, yaada kennaniin abbaan seeraa tokko tokko gama adda addaatiin dhiibbaa abbaa aangoo, fira, hiriyaa, maatiitiin fi faayidaan hojjechuun ni jira jechuun ibsaniiru. Marii kanarratti Obbo Fayyeera Hayiluu, Inispeektara G/I/Naannoo, yaada kenneen abbootiin seeraa tokko tokko ta’e jedhanii seera cabsuun, jecha ragaa dabsanii jijjiiranii fuudhuun ni mul’ata jechuun ibseera.

87^ Abbootii seeraa bar-gaaffiin deebii kennan.

88^ Abukaatoonni seeraa bar-gaaffiin deebii kennan.

89^ Abbootiin alangaa bar-gaaffiin deebii kennan. Marii garee gaafa 21/09/2006 abbootii alangaa Waaj/Haqaa Oromiyaa waliin taasifame irratti Obbo Abdulaah Mohaammad yaada kennaniin balaa konkolaataan walqabatee abbootiin seeraa, abbootiin alangaa fi poolisoonni faayidaan yoo jaamsan mul’ata; dhimmoota mootummaa fi hawaasa sochoosan irratti illee abbootiin seeraa matta’aa yoo fudhatan ni mul’ata jedheera; Obbo Warqinaa Dabalee ammoo yaada kenneen M/Murtii keessatti naannumaan, ammaalajummaan, firummaan fi hiriyummaan hojjechaa ni jira, M/M/Aanaa tti baay’ata, MM Ol’aanaas jira akka MMA miti. Marii garee gaafa 21/09/2006 abbootii alangaa Komishinii Farra Malaammaltummaa Oromiyaa 1. Tarrafaa Hayilee 2. Baqqalaa Maammoo waliin taasifame yaada kennaniin—dhimma malaammatummaan walqabatee faayidaan, walitti dhifeenyaa fi firmummaan ijaaramanii jalaa hanga MMWO Dh/Bahaa fi Lixaatti duukaa bu’uun hordofuun ni jira. Dhimma malaammaltummaa xiyyeeffannaan ragaadhaan qulqulleessuun rakkoo dha.

90^ Ofiseroonni Seeraa bar-gaaffiin deebii kennan.

91^ Af-gaaffii gaafa 28/08/2006 Obbo Taayyee Kabbadaa abukaatoo seeraa, Obbo Shamshaddiin Hamdaa abukaatoo seeraa, Obbo Shabalaa Annoo, abukaatoo seeraa waliin taasifame.

92^ Af-gaaffii fi Maree Garee ji’a Ebla fi Caamsaa bara 2006 keessa guyyoota adda addaa Obbo Gabayyoo Siyyum abbaa adeemsa hojii WLEN Godina Harargee Bahaa; Obbo Mangashaa Nagaash pireezidaantii M/M/Aanaa; Abaadir Adam abbaa dhimmaa mooraa MMO G/Harargee Bahaa keessatti waliin mari’atame. Obbo Abaadiir Adam yaada kenneen ani lafa falmiif ka’umsa ta’e irratti ragaa gahaa utuu qabuu, himataan ragaa tokko utuu hin qabaanne, lafa abba sadii itti jiraadhe, manni murtii aanaa Gursum akka himataaf gadi lakkisu malaammaltummaa fi firummaadhaan natti murteesse; MMO G/Harargee Bahaatti lakk.gal.43114 ol’iyyannoon ni dhiyeessisa jedhamuus ibseera.

93^ Af-gaaffii ji’a Caamsaa bara 2006 keessa Obbo Shamaamee Taaddasaa B/B pireezidaantii M/M/Aanaa; Obbo Tasfaayee Katamaa I/G/ Garee Inispeekshinii Godina Harargee Lixaa; Obbo Taajjuu Mahaammad abukaatoo seeraa waliin taasifame.

94^ Af-gaaffii ji’a Caamsa bara 2006 keessa guyyoota adda addaa Obbo Tasfaayee Katamaa I/G/ Garee Inispeekshinii Godinaa Harargee Lixaa, Obbo Gaashaw Katamaa abukaatoo seeraa, Obbo Dajanee Abdiisaa abukaatoo seeraa; Obbo Toofiq Nadii A/Alangaa KFMO Damee Ciroo waliin taasifame. Obbo Toofiq Nadii yaada kenneen Abbootiin seeraa dallaalaa uummatanii, namoota dhimma hordofaniif kaa’atanii jiru; manni murtii aanaa Ciroo fi manni murtii ol’aanaa godina Harargee Lixaa haaluma kanaan hojjetu, mana murtii ol’aanaa hojjetaanis rakkoo qaba, waardiyyaan illee akka dallaalaatti hojjeta.

95^ Marii garee gaafa 01/09/2006 abbootii alangaa Waajjira Haqaa Go/Harargee Lixaa namoota 7 waliin taasifame irratti Obbo Mahaammad Huseen yaada kennan.

96^ Af-gaaffii gaafa 01/09/2006 Obbo Toofiq Nadii A/Alangaa KFMO Damee Ciroo waliin taasifame.

97^ Marii garee gaafa 05/09/2006 Biiroo Kantiibaa Bulch/Mag/Yaaballoo tti namoota 6 waliin taasifame irratti Obbo Tsaggaayee Taaddasaa I/A/Kantiibaa Bulch/mag/Yaaballoo; Obbo Sooraa Galgalaa af-yaa’ii Bulch/mag/Yaabballoo; Obbo Mahaammad Hingaabbuu B/B itti gaafatamaa abbaa alangaa Waliigalaa dame Kibbaa; Obbo Faasil Assaggid Ogeessa lafaa Mag/Yaaballoo yaada kennan. Af-gaaffii gaafa 04/09/2006 Ad.Shuree Mahaammad abbaa alangaa Waajjira Galiiwwan Bulchiinsa Mag/Yaaballoo waliin taasifame. Ol’iyyataa Bulch/mag/Yaaballoo fi D/kennaan IMX Damee Yaaballoo, MMWO Dh/Kibbaa lakk.gal.169764 ta’e irratti manneen murtii jalaa loogiidhaan bulchiinsa magaalaa irratti kan murteessan sirreessee kan murteesse ta’uu dha.

98^ Af-gaaffii gaafa 05/09/2006 Obbo Daanyee Kabbadaa dubbii fixaa Dhaabbata Arab Konistiraakshinii waliin taasifame.

99^ Af-gaaffii gaafa 06/09/2006 Obbo Abdusalaam Amaan, Raawwataa abbaa alangaa Waaj/Haqaa Naannoo Damee Kibbaa waliin taasifame.

100^ Af-gaaffii gaafa 06/09/2006 Obbo Amiin Adam I/gaafatamaa A/Alangaa Godina Arsii Lixaa waliin taasifame.

101^ Af-gaaffii gaafa 06/09/2006 Obbo Abdurahimaan Huseen, A/Alangaa Godina Arsii Lixaa waliin taasifame.

102^ Af-gaaffii ji’a Caamsaa bara 2006 keessa guyyoota adda addaa Obbo Hirphoo Irreessoo pireezidaantii M/M/Aanaa; Obbo Gizaachoo Dibaabaa I/gaafatamaa Inispeekishinii Godina Arsii Lixaa; Iyyoob Dannabaw barreessaa Uummataa Naannoo M/M/A/Shashamannee; abbootii dhimmaa Obbo Mahaammad Saafii fi Ahimad Amaan, Aanaa Diishoo irraa gara MMWO Dh/Kibbaa dhufan. Abbootiin dhimmaa kun yaada kennaniin mana murtii aanaatti matta’aa fudhachuun humnaa ol ta’ee jira. Mana murtii aanaa Diinshoo, Agarfaa, Adaabbaa rakkoo matta’aa guddaa qabu, aanoleen hundi rakkoo kana qabu. Mana murtii aanaa fi poolisii biratti daldalamaa jira. Mana murtii keessatti dugaan bahuu utuu qabuu awwaalamaa jira. Barreessaan uummataa kun yaada kenneen manni murtii aanaatti abbaan seeraa fi abbaan dhimmaa walitti dhufeenya jiruun matta’aanis hojjechuun uummata irra miidhaan adda addaa gahaa jiru. Fakkeenyaaf, aanaa Kofalee, aanaa Naansaboo, aanaa Qoree; ol’iyyannoon baay’een kan barraa’u hojjettoota mana murtii, ofisera seeraa hanga abbaa seeraatti dha, malee abukaatoo fi barreessaa uummataan miti; hojjettoonni mana murtii dhimmoota gadi fageenyaan ilaalanii komii waan hin barreessineef ol’iyyannoo baay’isa.

103^ Af-gaaffii fi marii garee ji’a Caamsaa bara 2006 keessa Obbo Mokonnin Hayiluu Inispeektara G/I/Naannoo Go Arsii Lixaa; fi Obbo Mahaammad Jimaa pireezidaantii M/M/O/G/Sh/Bahaa waliin taasifame.

104^ Marii garee gaafa 12/09/2006 abbootii alangaa Waajjira Haqaa Go/Sh/Bahaa waliin taasifame irratti Obbo Gulummaa Lammuu itti gaafatamaan abbaa alangaa yaada kennan. Af-gaaffii gaafa 14/09/2006 Obbo Hajjii Roobaa abbaa dhimmaa MMWO Dh/Bahaa tti argine waliin taasifame; Ol’iyyataa Xaahiir Amiidoo fi D/kennaa Obbo Hajjii Roobaa, MMWO Dh/Bahaa galmee lak.161395, falmii waa’ee mana lafa magaalaa kaaree meetira 200 irratti argamu; falmiin kun MMA Booraa irraa ka’e hanga Dh/Ijibbaataa MMWO tti deemee kan gadi deebi’ee; ammas gara MMWO Dh/Bahaa tti dhiyaate ta’uu dha. Abbaan dhimmaa kun yaada kenneen MMA Booraa rakkoo malaammaltummaa guddaatu jira; ofiserri seeraa abbaan seeraa qarshii fidi jedhe jedhee na gaafate, ani waan dideef himataa irraa qarshii 10,000 fudhatan, gaafa jaarsummaan dhimmi keenya nuuf ilaalamu himataan baasii koo kanan abbaa seeraatiif kenne qarshii 10,000 naaf haa deebisu waan jedheef araaramuu dadhabne, booda sababa kanaan natti murteessan; namoonni heddu rakkachaa jiru haqni ni jallata, ofiserri seeraa waggaa 15—20 achi ture malaammaltummaan mana ijaarratee ni jira; dhimmi kiyya dhumarra naaf murtaa’e jechuun ibseera.

105^ Af-gaaffii fi marii garee Obbo Nabii Fayyisoo dubbii fixaa Bulch/Mag/Adaamaa; Obbo Galaanaa Tuujjii dubbii fixaa Bulch/Mag/Adaamaa; Obbo Bashiir Wayyaa abukaatoo seeraa; Obbo Fayyee Dhufeeraa I/gaafatamaa Waajjira Haqaa Mag/Adaamaa; Obbo Geetuu Wadaajoo abbaa alangaa Waajjira Haqaa Go/Addaa Mag/Adaamaa; Obbo Mahaammad Jimaa pireezidaantii M/M/O/G/Sh/Bahaa; Obbo Hajjii Roobaa abbaa dhimmaa MMWO Dhadd/Bahaa, lakk.G.161395 waliin taasifame. Abbaan dhimmaa kun yaada kenneen mana murtii aanaa Booraa falmii mana lafa kaaree meetira 200 irra jiru ilaalchisee matta’aa fudhatee malaammaltummaan natti murteesse, garuu mana murtii waliigala Oromiyaa Dhaddacha Bahaa kanatti naaf murtaa’ee jira. Af-gaaffii ji’a Caamsaa bara 2006 Addunyaa Gaaromsaa abbaa dhimmaa Dh/Ijibbaataa MMWO dhufe, G/Wallagga Bahaa A/Sibuu Sirree irraa dhufe; yaada kennaan namni qarshii fi humna qabu M/M/Aanaatti waan barbaade murteessifata jechuun ibseera.

106^ Marii garee gaafa 21/09/2006 abbootii alangaa Waaj/Haqaa Oromiyaa waliin taasifame irratti Obbo Moosisaa Nagawoo yaada kenneen—M/M/Aanaa irraa ka’e hanga ol deemu fooyya’aa deema, M/M/A kabaja namaaf kennuu irratti rakkoo dha; abbaa alangaa fi poolisiif kabaja hin kennan ni ifatu; namni sodaatee yaada isaa ibsachuu baannan ol’iyyannoo deema jedheera. Marii garee gaafa 21/09/2006 abbootii alangaa Komishinii Farra Malaammaltummaa Oromiyaa waliin taasifame irratti Obbo Tarrafaa Hayilee yaada kenneen—M/Murtii mirgi abukaatoof kennamu abbaa alangaa farra malaammaltummaaf hin eegamu, ni sodaachisu, ifatu, doorisisu; sodaachisuu fi doorsisuun sadarkaa MMWO tti ni hammaata.

107^ Abukaatonni bar-gaaffiin deebii kennan.

108^ Af-gaaffii gaafa 01/09/2006 Ad.Addis Alam Dammaqaa ogeessa seeraa Waajjira Galiiwwan magaalaa Ciroo waliin taasifame.

109^ Gabaasa Raawwii Hojii Ji’a 9 MMWO kan ji’a Ebla bara 2006 qophaa’e fuula 22^ffaa.

110^ Fakeenyaaf, Himattoota Salamoon Gaashaw faa n-5 fi himatamtoota Ahimad Jamaal faa n-6 jidduu falmii himatamtonni dabaree bishaan keenya waan nu dhoowwataniif tilmaama jimaa nu jalaa badee qarshii 30,000 akka nuuf kaffalan kan jedhu; M/M/A/Masalaa lak.gal.04739 ta’e irratti himatamtoonni itti gaafatamummaa qabu yoo jedhu; MMO G/Harargee Lixaa lak.gal.28142 ta’e irratti itti gaafatamummaa qabu jechuun qarshii 8,200 yoo murteessu; MMWO Dh/Bahaa gal.lak.171698 ta’e irratti himatamtoonni itti gaafatamummaa hin qaban jechuun murteesseera. Himataa Mana Amantaa Kiristaana Baalawaldii Qobo Luuxoo Tamsa’aa jidduu falmii qabiyyee jiru, MMA Adaamaa fi MMO G/Addaa Adaamaa ilaalamee, Dhadd/Ijibaataa MMWO lak.130309 irratti murtii jalaa diigee gadi deebise; MMA Adaamaa lak.45319, MMO G/Addaa Adaamaa lak.gal.14065, MMWO Dh/Bahaa lak.gal.161443—murtiilee garaagar ta’e kennan. Himataa Saamu’eel Taayyee fi Himatamtuu Tsahaay Siyyum jidduu falmii mana abbaa kiyya akka naaf gadi lakkisu jedhu; himatamtuun abbaa fi haati himataa waliigaltee gaafa 05/07/97 barreeffameen natti gurguran kan jette; Komish/Poolisii Oromiyaa mallattoo qoratee kan abbaa himataa miti yoo jedhu; MMA Adaamaa gal.lak.54936 ta’e irratti mallattoon kan abbaa himataa waan hin taaneef himatamtuun mana gadi haa lakkistuuf yoo jedhu; MMO G/Addaa Adaamaa gal.lakk.14777 ta’e irratti ragaan namaa abbaan himataa waliigaltee kana mallatteessee himatamtuutti gurguruu isaa waan rageessaniif himatamtuun mana kana gadi lakkisuu hin qabu jedheera; MMWO Dh/Bahaa gal.lakk.161287 ta’e irratti murtii MMO diiguun, murtii MMA cimsuun; himatamtuun manicha himataaf haa gadi lakkistu jechuun murteesseera. Manneen murtii jalaa hanga gubbaatti murtiileen kennaman haaluma kanaan jijjiiramaa kan deemanii dha; kanaaf abbaan dhimmaa hanga dhumaatti deemu malee hin dhiisu.

111^ Af-gaaffii fi maree garee ji’a Caamsaa bara 2006 guyyoota adda addaa Obbo Nigaatuu Jaarsoo bakka bu’aa pireezidantii M/M/O/G/Booranaa; Obbo Mokonnin Hayiluu Inispeektara G/I/Godina Arsii Lixaa; Ad.Aashaa Amiinee pireezidaantii M/M/O/G/Addaa Adaamaa; Marii garee MMO/Go/Harargee Lixaa; Obbo Birhaanuu Bayyanaa abbaa seeraa M/M/O/G/Sh/Bahaa waliin taasifame. Marii garee gaafa 21/09/2006 abbootii alangaa Waaj/Haqaa Oromiyaa waliin taasifame keessatti Obbo Abdulaah Mohaammad adabbii yakkaa ilaalchisee M/M/Ol’iyyannoo dhagahan adabbii ji’a tokko wayii hirisuuf ni dhiyeessisa jedheera. Obbo Warqinaa Dabalee yaada kenneen MMWO tti himatamaadhaaf gara laafinn hin malle qabaachuun adabbii baay’ee gadi buusuutu mul’ata.

112^ Af-gaaffii ji’a Caamsaa bara 2006 keessa Mahaammad Huseen abbaa alangaa Waaj/Haqaa Go/Harargee Lixaa; Obbo Xilahuun Mangistuu abbaa alangaa Waaj/Haqaa Go/Harargee Lixaa, galmee 8 irratti bilisa gaggeesse jira; Obbo Mahaammad Hingaabbuu, B/Bu’aa I/Gaafatamaa abbaa adeemsa qorannoo yakkaa Waaj/Haqaa Go/Boranaa waliin taasifame. Mana murtii jalaatti adabbii kenname manni murtii ol’aanaa godina Harargee Lixaatti ni jijjiira; namoota qotee bulaa rakkaataa ta’aniif manni murtichaa adabbii hin daangeessu, abbootii qabeenyaaf ni daangessa. Manneen murtii seera yakkaa kwt.192 qofa caqasuun utuu sababa hin ibsine adabbii daangessuun ni jira. Manni murtii ol’aanaa adabbii manni murtii aanaa kenne sababa malee daangeessa. Manni murtii yakkoota ciccimoo irratti adabbii daangessuun himatamtoota yoo gaggeessu, abbaan alangaa ol’iyyannoo deemu illee himatamtoonni baay’een ni miliqu; adabbiin barsiisoo ta’es hin kennamu.

113^ Af-gaaffii fi marii garee ji’a Caamsaa bara 2006 Obbo Kamaal Bakar abbaa alangaa M/M/O/G/Harargee Lixaa; Obbo Dabalee Baqqalaa, A/Alangaa Godina Shawaa Bahaa; Abdusalaam Amaan abbaa alangaa Waliigalaa Damee Kibbaa waliin taasifame.

114^ Af-gaaffii fi marii garee ji’a Caamsaa bara 2006 keessa Obbo Kadiir Wayyuu abbaa seeraa MM Ol/Godina Arsii Lixaa; Obbo Abdusalaam Amaan abbaa alangaa Waliigalaa Damee Kibbaa; Obbo Alamuu Dhaabii abbaa alangaa Go/Harargee Bahaa waliin taasifame. Himataa A/Alangaa A/Yaaballoo fi himatamtoota Seessaa Godaanaa Wayyuu faa n-3 M/M/A/Yaaballoo himatamtoota SY kwt.556 (2A) jalatti balleessaa dha jechuun sababoota adabbii cimsan lama ofiif kaasee fudhachuun, sababa adabbii salphisu fudhachuu diduun himatamtoota irratti adabbii hidhaa murteesseera; M/M/O/G/Booranaa lakk.gal.10009 ta’e irratti murtii jalaa sirreesseera. Ol’iyyattoota Badhoo Biroo faa n-8 fi D/kennaa A/Alangaa Naannoo MMWO galmee lak.192401 ta’e irratti murtii kenneen qajeelfama adabbii duraa fi booda hojii irra oolchuun walqabatee kan murteesse.

115^ Af-gaaffii ji’a Caamsaa bara 2006 Obbo Kamaal Bakar abbaa alangaa M/M/O/G/Harargee Lixaa fi Abdusalaam Amaan abbaa alangaa Waliigalaa Damee Kibbaa waliin taasifame.

116^ Af-gaaffii fi marii garee ji’a Caamsaa bara 2006 keessa Obbo Kadiir Wayyuu abbaa seeraa M/M/Ol’aanaa; Obbo Bashiir Jooboo, abbaa seeraa MMO G/Arsii Lixaa; Obbo Abdusalaam Amaan abbaa alangaa Waliigalaa Damee Kibbaa; Obbo Amiir Abduramaan abbaa seeraa M/M/Aanaa; Obbo Mahaammad Jimaa pireezidaantii M/M/Ol’aanaa; Obbo Abdurahimaan Huseen, abbaa alangaa Go/Arsii Lixaa waliin taasifame.

117^ Af-gaaffii fi marii garee ji’a Ebla fi Caamsaa bara 2006 keessa Obbo Ahimad Umar abbaa seeraa MMWO Dh/Kibbaa; Obbo Mulugeetaa Fiqaaduu pireezidaantii MMO; Obbo Ashabbir Saanii abbaa seeraa MMA waliin taasifame.

118^ Marii garee gaafa 21/09/2006 abbootii alangaa Waaj/Haqaa Oromiyaa waliin taasifame irratti Obbo Guddataa Kabbadaa yaada kenneen—sadarkaa MMWO tti galmeen dafee murtii hin argatu, murtii arifachiisaa kennuun rakoo dha.

119^ Marii garee ji’a Caamsaa bara 2006 keessa abukaatotaa fi abbootii dhimmaa namoota 11 gara Lixa fi Kibba Lixa Oromiyaa irraa dhufan waliin galma dhaddacha Giddu galeessaa MMWO taasifame irratti yaada kennaniin dhaddachi ijibbaataa M/Finfinnee qofatti fageenya irratti argamuun isaa baasii, xaarii fi rakkoo adda addaatiif kan isaan saaxile ta’uu ibsaniiru. Mangistuu Markabaa abukaatoo seeraa, Geetaachoo Baqqalaa, Amaanu’eel Qana’ii, Abbaa Tamaam Abbaa Diggaa, Addunyaa Gaaromsaa, Gaaromsaa Ifaa, Nuuressaa Qanaasaa, Ifaa Qanaasaa, Zeeyituunaa Ibraahim, Kamaal Hajjii, B/Butuu Alamuu Muccee Ad.Angoosh Taklee—abbootii dhimmaa dha.

120^ Abbootiin seeraa bar-gaaffiin deebii kennan.

121^ Abukaatonni bar-gaaffii deebii kennan.

122^ Abbootiin alangaa bar-gaaffiin deebii kennan.

123^ Af-gaaffii fi marii garee ji’a Caamsaa bara 2006 keessa Obbo Hebroo Heexoo abbaa seeraa MMO Go/Booranaa; Obbo Mahaammad Jimaa pireezidaantii MMO Go/Sh/Bahaa; Obbo Nabii Fayyisoo dubbii fixaa Bulch/Mag/Adaamaa waliin taasifsme.

124^ Af-gaaffii fi marii garee Obbo Hebroo Heexoo abbaa seeraa MMO; Obbo Hashim Nagawoo abbaa seeraa MMO; Obbo Gizaachoo Dibaabaa I/gaafatamaa G/I/Inispeekishinii Godinaa; Obbo Birhaanuu Takluu abukaatoo seeraa; Obbo Bilaal Gammadii abbaa seeraa MMO; Obbo Shimmallis Baalchaa abbaa seeraa MMO; Obbo Mahaammad Jimaa ekispartii seeraa MMWO; Obbo Mahaammad Aliyyii abbaa seeraa MMWO; Ad.Almaaz ekispartii MMWO waliin taasifame.

125^ Marii garee gaafa 13/09/2006 abbootii seeraa MMWO Dh/Kibbaa waliin taasifame irratti Obbo Mahaammad Aliyyii abbaa seeraa fi Obbo Dassaalany Lammii abbaa seeraa yaada kennan.

126^ Abukaatonni bar-gaaffiin deebii kennan.

127^ Abbootiin alangaa bar-gaaffiin deebii kennan. Himataa A/Alangaa fi himatamtoota 1.Dr.Ashabbir W/Goorgis 2.Chuuchuu Tafarraa himannaa SY kwt.32 (A) fi 543 (2) irra darbuudhaan himatamtoonni Hospitaala Yaadannoo Sister Aqileesiyaa keessa utuu hojjatanuu, ishee duute Ad.Tigist Ashannaafiif ciniinsuun utuu hin qabanne dawaa kenuun hordoffiis godhamuuf qabu gochuu dhabuun waan duuteef himataman; MMO G/Addaa Adaamaa lak.gal.16443 ta’e irratti ragaa namaa fi barruu A/Alangaa dhiyeesse madaaluun himatamtoonni akka of-irraa ittisan ajajni kenne dhiibbaan ifa hin taane kan jiru ta’uu dha; M/Murtichaa haala kanaan himatamtoonni akka of-irraa akka ittisan ajajuun; himatamtoonni ragaa ittisaa erga dhiyeeffatanii booda, wanti adda bakka hin uumamnetti himatamtoonni yakka itti himataman of-irraa ittisan jechuun bilisa gaggeesseera. Marii garee gaafa 21/09/2006 abbootii alangaa Waaj/Haqaa Oromiyaa waliin taasifame irratti Obbo Abdulaah Mohaammad abbootiin seeraa, abbootiin alangaa fi poolisiin dhimmoota hawaasa fi mootummaa sochoosan irratti xiyyeeffanaa kennuu dhabuun ni mul’ata, akka gaaffii siyaasaatti fudhachuun ni mul’ata; abbootiin seeraa, abbootiin alangaa fi poolisiin sirna haqaa keessatti walamanuun hin jiru. Asirratti Obbo Warqinaa Dabalee yaada kenneen sadarkaa MMO fi MMA tti abbaan seeraa tokko tokko gartummaa irraa bilisa ta’anii yaada kennuu utuu qabanuu ofiif jaalatamuuf abbaa alangaa akka diinatti yoo dhiyeessan mul’ata jechuun ibseera.

128^ Af-gaaffii gaafa 01/09/2006 Ad.Addis Alam Dammaqaa ogeessa seeraa Waajjira Galiiwwan magaalaa Ciroo waliin taasifame.

129^ Af-gaaffii gaafa 06/09/2006 Obbo Abdusalaam Amaan raawwataa abbaa alangaa Waajjira Haqaa Naannoo Damee Kibbaa waliin taasifame. Fkf, himataa A/Alangaa aanaa fi himatamaa Wandimaagany Shimallis faa n-4, himannaa Labsii Bosonaa lak.72/1995 kwt.14 (4, d), M/M/A Daaroo Labuu galmee lak.10663 ta’e irratti murtii gaafa 29/11/2005 kenneen himatamtoonni keewwata jalatti himataman jalatti balleessaa dha jechuun adabbii hidhaa cimaatiin akka adabaman murteessuun; ajaja kenneen “garagalchi ajaja kanaas Koree Fooyya’insa Sirna Haqaa fi Koree JBH A/D/Labuutiif haa beeksifamu” jechuun ajajeera. Abbaan seeraa dhibbaa wayii jala kan jiru ta’uu hubachiisa.

130^ Af-gaaffii gaafa 07/09/2006 Obbo Ahimad Umar abbaa seeraa MMWO Dh/Kibbaa waliin taasifame.

131^ Marii garee gaafa 13/09/2006 abbootii alangaa Waajjira Haqaa Naannoo Dhadd/Bahaa waliin taasifame irratti Mahaammad Ziyaad yaada kennan.

132^ Af-gaaffii gaafa 07/09/2006 Gizaachoo Dibaabaa itti gaafatamaa Inispeekshinii Go/Arsii Lixaa waliin taasifame.

133^ Marii garee gaafa 12/09/2006 abbootii alangaa Waajjira Haqaa Godina Mag/Adaamaa waliin taasifame irratti Obbo Raggaasaa yaada kennan.

134^ Marii garee gaafa 13/09/2006 abbootii seeraa MMWO Dhadd/Bahaa waliin taasifame irratti Obbo Dassaalany Lammii yaada kennan. Himataa A/Alangaa Aanaa Adaamaa fi himatamaa Waasihuun Caakaa Taklee, MMO G/Sh/Bahaa galmee lakk.35774 ta’e irratti murtii guyyaa 28/05/2006 kenname; himatamaan konkolaataadhaan nama daandii qaxxamurti rukutee ajjeesee utuu jiruu bilisa gaggeeffame.

135^ Marii garee gaafa 13/09/2006 abbootii seeraa MMWO Dhadd/Bahaa waliin taasifame irratti Obbo Hafiiz A/Fiixaa geggeessaa dhimmaa yaada kennan.

136^ SDFHH lakk.180—184, 244, 245, 348 (1); SDFY lakk.134 (1), 141, 149, 195.

137^ Abukaatonni bar-gaaffiin deebii kennan.

138^ Abbootiin alangaa bar-gaaffiin deebii kennan. Marii garee gaafa 21/09/2006 abbootii alangaa Waaj/Haqaa Oromiyaa waliin taasifame irratti Obbo Moosisaa Nagawoo yaada kenneen—MMA fi MMO tti murtiin yoo kennamu haala namni hubachuu danda’uun hin hojjetamu jedheera.

139^ Marii garee gaafa 06/09/2006 abbootii seeraa MMO Go/Arsii Lixaa waliin taasifame irratti Obbo Kadiir Waayyuu yaada kennan.

140^ Akka waliigalaatti, abukaatonni fi abbootiin alangaa deebii kennan.

141^ Af-gaaffii fi bar-gaaffii Ji’a Caamsaa bara 2006 keessa Obbo Tasfaayee Katamaa I/gaafatamaa G/I /Godina Harargee Lixaa; Obbo Taajjuu Mahaammad abukaatoo seeraa; Obbo Kamaal Bakar abbaa alangaa Godina Harargee Lixaa; Obbo Nigaatuu Jaarsoo bakka bu’aa pireezidantii MMO Go/Booranaa waliin taasifame.

142^ Af-gaaffii fi marii garee ji’a Caamsaa bara 2006 Obbo Mahaammad Jimaa pireezidaantii MMO Go/Sh/Bahaa; Obbo Birhaanuu Bayyanaa abbaa seeraa MMO Go/Sh/Bahaa; Obbo Birhaanuu Takluu abukaatoo seeraa waliin taasifame.

143^ Marii garee gaafa 11/09/2006 abbootii seeraa MMO G/H/Bahaa; af-gaaffii gaafa 28/08/2006 Obbo Taayyee Kabbadaa abukaatoo seeraa fi Obbo Shabalaa Annoo abukaatoo seeraa waliin taasifame.

144^ Af-gaaffii gaafa 28/08/2006 Obbo Mahaammad Aliyyii abbaa dhimmaa M/M/O/G/Harargee Bahaa tti lakk.gal.MMO. 43288 waliin taasifame. Abbaan dhimmaa kun ol’iyyannoo gara mana murtii ol’aanaatti dhiyaachuu kan danda’e, mucaa isaa irra iji mirgi guutuu tokko dhahamee waan badeef beenyaa gaafachuun falmaa kan ture ta’uu dha.

145^ Marii garee gaafa 30/08/2006 abbootii seeraa MMO Go/Harargee Lixaa waliin taasifame; af-gaaffii gaafa 07/09/2006 Obbo Gizaachoo Dibaabaa I/gaafatamaa Inispeekishinii Go/Arsii Lixaa waliin taasifame; marii garee gaafa 11/09/2006 abbootii seeraa MMO G/Sh/Bahaa waliin taasifame irratti Obbo Mahaammad Jimaa Pireezidaantii MMO kennan.

146. Habtaamuu Bultii, Sababoota Heddummina Dhimmoota Manneen Murtii Oromiyaa,fuula, 36, bar-gaaffii fi af-gaaffi abooti seeraa fi namoota adda addaa waliin taasifame.

147. Bar-gaaffii abbootii seeraa fi af-gaaffii namoota adda addaa waliin taasifame.Fakkeenyaaf,falmii hariiroo hawaasaa himataa obbo Dhaabaa Gasis fi himatamtoota namoota sadii gidduutti galmee mana murtii Aanaa Dandii Lakk.galmee 29689,ta’ee irratti ture yoo illaalu,murtiin manni murtii hawaasummaa Gandaa qarshii 1050 akka kaffaaluf himataatti murtaa’e mana murtii Aanaan digaamee hunde godhachuun murtiin abbaan mirgaa himannoo raawwi dhiyyeessee, himatamtoon bu’uura ajaja Mana Murtii H/Ganda irraatti hunda’un qabeenyaa himataa caalbasiin jala gurgurraaniru.Himataan bu’uura SDFHH 333 tiin ajaja raawwii dhorkisisu yookiin nama murtii diiggammee bu’ura gochuun raawwatamef akkaata SDFHH kwt 349 tiin akka deebisu mana murtii jalqabaa dhimma ilaaleetti dhiheeffachu osoo qabu,hubannoo dhabuu irra kan ka’ee murtiin naa irratti kennamee utuu hin jire seeraan alla qabeenyaa koo qabaan gadi naaf haa lakkiiffamu jechuun mana murtii Aanaatti himannoo haaraa dhiyyeessan.Gochii himatamtoota seeraa qabeessa waan jedhaamef hanga mana murtii waliigalatti(lakk.galmee 170478) ol’iyyannoon deemaaniru.

148^. SDFHH kwt 182(2) fi 329(manneen murtii sadrkaa jalqabaa falmii gareen falmitoota dhiyyeesaan qofa irratti murtii kennu kan danda’u ta’u fi falmiin mana Murtii sadrkaa jalqabaatti hin kanne mana murtii ol’iyyannootti ka’u akka hin daandeenye ibsu.)kanaafu haqni hanqina falmiin manneen murtii jalaatti hanqatu manneen murti ol’iyyannootti fooyyeessun rakkisa ta’a jechu dha.

149^.Habtaamuu Bultii,Sababoota Heddummina Dhimmoota Manneen Murtii Oromiyaa,fuula, 36

150^Marii garee Mana Murtii Ol’aanaa Godina Harargee Bahaa fi Godinalee biraatti abbootii seeraa fi pireezidaantoota waliin guyyaa adda addaatti taasifame.

151^ Af-gaaffii fi bar-gaaffii abbootii alangaa fi abbootii seeraa waliin taasifame, fakkeenyaaf marii garee abbootii seeraa fi pireezidaanti Mana Murtii Ol’aanaa Godina Harargee Bahaa fi Lixaa waliin guyyaa 28/08/2006 fi 30/08/2006 taasifame.

152^ Kaayyoon mirga ol’iyyannoo dogogora sirreessun haqa mana murtii jalqaba dhimma ilaaleen cabe sirreessuf waan ta’eef abbootiin dhimmaa harkii irra calaan murtiin jalaa dagogoora waan horaatef ol’iyyannoo deemuu jedhame yaadaama.namootni af-gaaffii fi bar-gaaffii waliin taasifne yaadumma kan jaabbesu.

153^ Bar-gaaffii abbootii seeraa manneen murtii oromiyaa fi namoota biraa waliin taasifame

154^ Marii garee abbootii dhimmaa waliin Finfiinneetti taasifame. Fakkeenyaaf, abbootiin dhimmaa kan ta’aan obbo Amaanu’el Qanannii fi Abbaa Tamaam A/Diinagdee abbootii dhimmaa Godina Jimmaa fi W/Lixaa irra dhuufaan ta’aan abbootiin dhimmaa tokko tokkoo humna namaa illaaluun nama kanna naan rakkiisa, hiyyeessa waan ta’eef ana waliin hin deemuu naan mo’aadha jechuun ol’iyyachuun jiru jedhu.

155. Bar-gaaffii abbootii seeraa manneen murtii oromiyaa fi namoota biraa waliin taasifame.

156. Bar-gaaffii abbootii seeraa manneen murtii oromiyaa fi namoota biraa waliin taasifame

157. http://www.courtinfo.ca.gov/courts/courtsofappeal/. Akka yaada kanaatti manneen murtii ol’iyyannoo dogoggora manneen murtii jalaa yommu sirressaan walfalmittoota keessa garee tokkootti murteessuun waan hin oleef wal-diddaaf xumura hin kennu, garee mana murtii ol’iyyannoon itti murtaa’e komachuun waan hin oolef.

158 . Fakkeenyaaf, Obbo Ahmaad Mummad Alii, abbaa dhimmaa Mana Murtii Ol’aanaa Godina Harargee Bahaa kan ta’aan jaarsii yeroo amma nama araarsuu fi namni walitti araarammuu dhibaa jira jedhu.Obbo Mahmad Saafi fi obbo Ahmad Amaan abbootii dhimma Godina Balee Aanaa Dinshoo kan ta’an immo jaarsii jiraaf jira jedhu.

159. Istaatiksii Manneen Murtii Godina Harargee lixaa, Harargee Bahaa kan baroota 2004 hanga 2006 fi af-gaaffii namoota adda addaa waliin taasifame.

160 .Af-gaaffii bakka bu’aa piraazidaanti mana murtii Ol’aanaa Godina Booranaa fi namoota biraa waliin taasifame

161 . Af-gaaffii abbootii seeraa waliin taasifame. Dhimmoon manneen murtii aanaa fi ol’aanaatti yeroo baay’ee jaarsummaaf qaajelfaman falmii abbaa warraa fi haadha warraa,falmii dhaalaa (falmii maatii giduutti ka’u) irratti kan daanga’edha.seerii illee falmii maatii qoofa irratti araaraan akka xumuramu kan barbadu fakkaata yaadni jedhu jirachuu isa abbootii seeraa af-gaaffii waliin taasifne irra hubanerra.

162 . Gabaasa bara 2004,2005 fi 2006 mana murtii ol’aanaa Godina Addaa Adaamaa,Harargee Bahaa ,Harargee lixaa,Arsii Lixaa fi kaneen biraa illaalun ni danda’ama.

163 . Istaatkisi Mana Murtii Ol’aanaa Godina Addaa Adaamaa bara 2004 hanga 2006

164. Pireeziidaanti Mana Murtii Ol’aanaa Godina Addaa Adaamaa kan ta’an adde Aashaa Amiinee, namootni kun kan filatamaan dandeetti fi gahuumsa walitti araarsuu qabu jedhame waan itti amaneefi jedhu. Kooreen kuniis bu’a qabessa ta’a kan jiraan ta’u hubannera. Fakkeenyaaf,falmii beenyaa qabenyaa sababa ijarsaa daandiin miidha qaqabe iddootti akka debi’uuf gaaffatamu fi qoodinsa qabenyaa abbaa warraa fi hadha warraa irratti bu’a qabeessa ta’a jira jedhu miseensa jaarsolii kan ta’an keessa obbo Aaggaa Taffaara

165 .Marii garee abbooti dhimmaa fi namoota biraa godinalee waliin taasifame

166 . Af-gaaffii Godinalee adda addaatti abbootii seeraa fi namoota biraa waliin taasifame, abbaan dhimmaa mana murtii waliigala Oromiyaa Dhaddacha Bahaatti duubfne akka nu himanitti wal-dhabbii isa fi garee biroo gidduu ture jaarsoliin ergaa walitti araarsaan boodaa gareen himatee maallaqaa qarshii 10,000()kuma kudhaan) matta’aa kene akka bakka bu’uf waan gaaffatef walitti araaraammu hin dandeenye jedhu. Gochii kanan wal-fakkatu jaarsumma irratti dhiibaa fidda kan jiru ta’u Pirezidaantiin mana murtii Ol’aanaa Godina Shawaa Bahaa kan ta’aan Obboo Mahmad Jimaa dhugaa ba’u.

167 . Marii guyyaa 24/08/2006tti Mana Murtii ol’aanaa Godina Addaa Oromiyaa Naannoo Finfinneetti abbootii seeraa fi piraazidaantii waliin taasifame, Marii abbootii seeraa fi Piraazidaanti Mana Murtii Ol’aanaa Godina Harargee Bahaatti gaaffa guyyaa 28/08/2006 taasifame fi marii namoota adda addaa waliin taasifame.

168 . Marii garee abbootii seeraa fi abbootii Alangaa waliin godinalee adda addaa waliin taasifame

169 .Af-gaaffii abbaa alngaa Godina Booranaa waliin guyyaa 04/09/2006, abbootii alangaa Godina Addaa Adaamaa waliin guyyaa guyyaa 12/09/2006 taasifame fi namoota adda addaa waliin Godinalee garaagarraa keessatti taasifame.

170^ . Af-gaaffii abbaa alngaa Godina Booranaa, Godina Addaa Adaamaa fi namoota adda addaa waliin Godinalee garaagarraa keessatti taasifame.

171^. Marii garee fi af-gaaffii abbaa alngaa Godina Booranaa, Godina Addaa Adaamaa fi namoota adda addaa waliin Godinalee garaagarraa keessatti taasifame.

172^ .Af-gaaffii guyyaa 07/09/2006tti abbaa seeraa Mana Murtii Waliigala Oromiyaa Dhaddacha kibbaa waliin taasifame, Marii abbootiialangaa Godina shawaa Bahaa waliin guyyaa 12/09/2006 fi namoota adda addaa waliin taasifame.

173^ .Af-gaaffii abukaatoo dhuunfaa kan ta’an obbo Birhaanu waliin guyyaa 07/09/2006 magaala shaashamanneetti taasifame fi af-gaaffii namoota biraa waliin taasifame.

174^Af-gaffii, abbootii alangaa Godina Addaa Oromiyaa NaannooFinfiinnee waliin gaafa guyyaa 24/08/2006 waajjira abbaa alangaa keessatti taasifame fi abbootii alangaa Aanalee adda addaa waliin guyyaa adda addaatti taasifne.

175^.Habtaamuu Bultii,Sababoota Heddummina Dhimmoota Manneen Murtii Oromiyaa,Fuula,47, bar-gaaffii fi af-gaaffii abbootii seeraa fi Hojjetoota wajjiira lafa fi eegumsa naannoo godinalee adda adda waliin tasifame.

176^ . Af-gaaffii hojjeetoota wajjiira lafa fi Eegumsa naannoo Godina Harargee Bahaakan ta’aan obbo Gabayyoo Suyyuum fi Nuradin Abbuubakar waliin guyyaa 28/08/2006 taasifame fi namoota adda addaa waliin taasifame.

177^.Fakkeenyaaf, gabaasni WLEN/Aanaa Dandii irraa mana murtii Aanaa Dandii tiif falmii himatoota seefuu Uumaa n-3 fi himatamtuu Birqii Disaasaa giddutti lak.galmee, .30982 irratti tureen dhiyaate qabiyyee du’aan abba himatoota fi himatuun waliin qabaan qarxii 9.5 dha jechuun kan gabaaffame yoo ta’uu gabaasni mana murtii ol’aanaatiif lak galmee 59285 irratti qaamumma kana irra dhiyaate gabaasa xalaaya lak.877/2006,guyyaa 01/07/2006 barreeffameen qarxii 29 bara dargii keessa kan kennameef ta’u kan ibsuu dha.Fi af-gaffii, bar-gaffiifi mariii garee namoota adda addaa waliin Godinalee garagaarra keessatti taasifame.

.

178^ .Fakkenyaaf,Marii garee hojjetoota fi itti gaaffatamtota wajjiira lafa fi Eegumsaa Naannoo Godina Hararge Lixaa obbo,Araarsoo Dhinsaa,Miliiyoon Bitawu waliin guyyaa 30/08/2006 taasifame fi namoota adda addaa waliin taasifame rakkoon kun jirachuu ibsu.

179^ . Af-gaaffii abukatootaa dhunfaa waliin godinalee adda addaa kessatti taasifam.

180^Af-gaaffii Abbaan adeemsa wajjiira Lafa fi Eegumsa Naannoo Godina Harargee Baha kan ta’aan obbo Gabayyoo Suyyuum waliin guyyaa 28/08/2006 taasifamen akka jedhanitti,ragaan abbaa qabiyyuumma erga kenname falmiin lafa Godinale Harargee kessaatti ka’uu maatii gidduutti kan daangeffame ta’e rakkoo shallaaggi waliin walqabate uumaamun kan ka’e hanga wal ajjeessutti deemamaa jira jedhu.Abbootii seeraa Mana Murtii Godininiichaa fi Aanaa Haroomaayya irratti af-gaaffii waliin taasifne yaaduumma kana cimsu.

181^ .Fakkenyaaf,Marii garee hojjetoota fi itti gaaffatamtota wajjiira lafa fi Eegumsaa Naannoo Godina Hararge Lixaa obbo,Araarsoo Dhinsaa,Miliiyoon Bitawu waliin guyyaa 30/08/2006 taasifame fi namoota adda addaa waliin taasifame rakkoon kun jirachuu ibsu

182^ . Marii garee hojjetoota fi itti gaaffatamtota wajjiira lafa fi Eegumsaa Naannoo Godina Hararge Lixaa fi namoota adda addaa waliin taasifame

183^ Rakkoon kun Godinalee adda addaa keessatti ni mul’ata,fakkeenyaaf,galmee mana murtii Aanaa Amboo lak.32964 ta’e irratti Manii murtii ajaja bulchiinsa Gandaaf abbaa qabiyyee lafiichaa enyuu? Enyuuf akka shallagaame akka qulqullaa’uu dabarseeni: gabaasni guyyaa 21/08/2005 dhiyaateen qabiyyeen kan himataa obbo Suqii Kumsaa ta’u kan gabaasan yoo ta’u,gabaasa dhimmuma kana irratti guyyaa 19/11/2005 taasisaniin qabiyyeen kan himatamaa obbo Laachisaa Hirphaa waggaa dheeraaf itti buula turee ta’u jaarsoolii fi kooreen safartuu kan ibsaan ta’e,jechii kooree fi jarsoolii sobaadha qabiyyeen kan himatamaadha jechuun caassan gandaa kan gabaasani dha. Akkasumas,bar-gaaffii fi af-gaaffii namoota adda addaa waliin taasifameen rakkoon kun jirachuu hubanneera.

184^ . Af-gaaffii abukaatoota dhuunfaa obbo Shaamsaddin Amdaa fi Tayyee Kabbaadaa waliin guyyaa 28/08/2006, fi namoota adda addaa waliin taasifame.

185^ .Bar-gaaffii fi af-gaaffii namoota adda addaa waliin taasifame.Fakkeenyaaf af-gaaffii abukaatoota dhuunfaa obbo Baashiir... waliin taasifame

186^Seensa ykn preamble Labsii Kenniinsa Hayyamaafi BulchiinsaAbukaatoofi Barreessitoota Dhimma Seeraa Mootummaa Naannoo Oromiyaa Labsii Lak.182/2005

187^ Maree garee abbootii seeraa Mana Murtii Ol’aanaa Godina Harargee Bahaa waliin gaafa guyyaa 28/08/2006 Magaalaa Harar Waajjira Pirezedaantii M/M/Ol’aatti taasifame,Maree garee Abukaatota Naannoo M/M/Ol’aanaa Go/Harargee Bahaatti argaman waliin Magaalaa Harar mooraa M/M/Ol’aanaa keessatti taasifame.Af-gaaffii Obbo Shamamuu Taaddasaa B/Bu’aa pirezedaantii M/M/Aanaa Ciroo waliin gaafa 30/08/2006 Magaalaa Ciroo Waajjira Pirezedaantiitti taasifame.Maree garee Abbootii seeraa M/M/Ol’aanaa Go/Har/Lixaa waliin gaafa guyyaa 30/08/2006 Magaala Ciroo waajjira pirezedaantii M/M/Ol’aanatti taasifame.

188^ Labsii lak.182/2005 Kwt. 58 fi itti ananii jiran.

189^ Af-gaaffii Barreessaa dhimma uummataa obbo Iyyoob Dannaboo waliin gaafa guyyaa07/09/2006 Magaalaa Shaashammannetti taasifameen kommii ol’iyyannoo barreessa kan jiru barreessittoota dhimma uummataa osoo hin tanne abbootii seeraa fi offiserroota seeraatti jedhu.

.

190^ .Fakkeenyaaf af-gaaffii abbaa dhimmaa Mana Murtii Ol’aanaa Godina Harargee Bahaa kan ta’aan obbo Mahmaad Aliyyii waliin guyyaa 28/08/2006 taasifamen falmii beenyaa midhaa mana murtii Aanaa Gola-Odaatti dhiyeesen maallaqa kumma kudha saddii (13,000) naaf murtaa’e nattii xiqqaata jechuun mana murtii Ol’aanaa Godiniichaatti ol’iyyannaan galmee lakk.43288 ta’ee irratti murtii Mana Murtii Aanaa natti cimsaani barreessaan dhimmaa uummataa yommuu gaaffaanu maallaqaa yoo qabaatan ol’iyyannoo deemaa yoo hin qabanne rawwii banadha jechuun alattii murtiin sirrii ta’uu fi dhisuu nuuf hin ibsaan jedhu.

191^Seera Maatii Federaalawaa (SMF), Lab. Lakk.213/1992, kwt 96, 97 fi 106 (1 fi 2), Walitti yeroo dubbifamu.

192^ Falmii Iyyattuu A/e Abbabuu Gowwomsaa fi waamamaa Obbo Mokonnon Maaramii gidduutti M/M/A/Y/Gullalletti taasifameen iyyattuun waamamaa waliin gaa’ela qabna jechuun yeroo falmitu waamamaan gaa’ela waliin hin qabnu jechuun falmeera.Manni murtichaas ragaa bitaa fi mirga erga dhagaheen booda gaa’elli iyyattuu fi waamamaa gidduutti raawwatamuu ragaan waan hin agarsiisneef iyyattuu fi waamamaan gaa’ela hin qaban jechuun manni murtichaa Lak.Gal.05304 ta’een dhaddacha gaafa guyyaa 25/07/2004 00leen murteessera.Iyyattuun murtii M/M/Aanaa komachuun M/M/Ol/Go/Sh/Kaabaatti yeroo ol’iyyattu manni murtichaa Lak.Gal.34504 ta’een dhaddacha gaafa guyyaa 15/09/2004 ooleen iyyattuu fi waamamaan bara 1994 irraa eegalanii akka abbaa manaa fi haadha manaatti waan waliin jiraacha turaniif gaa’elli jira jechuun murteessera.Waamamaan murtii kana komachuun M/M/W/Oromiyatti yeroo ol’iyyatu manni murtichaa Lak.Gal.140555 ta’eerratti murtiii M/M/Ol/Go/Sh/Kaabaa diigudhaan murtii M/M/A/Y/Gullallee cimseera.Kanumaan Iyyattuun Dh/Ij/M/M/W/Oromiyaatti ol’iyyatte dhaddachi ijibbaataas iyyattuu fi waamamaan akka abbaa manaa fi akka haadha manaatti waliin jiraachuu malee akkaataa seera maatii Oromiyaatiin gaa’elli seera fulduratti fudhatama qabu raawwachuu iyyattuun waan hin agarsiisneef murtiin kenname dogoggora seeraa hin qabu jechuun cimseera.Itti fufuudhaan iyyattuun Dh/Ij/M/M/W/F tti ol’iyyannoo fudhattee manni murtichaa Lak.Gal.85693 ta’erratti dhaddacha gaafa guyyaa 09/07/2005 ooleen iyyattuu fi waamamaan akka abbaa manaa fi haadha manaatti waan waliin jiraachaa turaniif gaa’elli jira jechuun murtii Dh/Ij/M/M/W/Oromiyaa kenne diigera.Haaluma wal fakkaatuun Dh/Ij/M/M/W/F Lak.Gal.11136/99 ta’erratti dhimma Iyyattuun A/e Fallaqach fi waamamaan Aj/Dhibbaa Taaddasaa Ayyalaa gidduutti Mana Murtii Aanaa Walmaraa irraa ka’uun dhaqqabeen irratti murtii Dh/Ij/M/M/W/Oromiyaa diigera.

193^SMOkwt 97

194^ Murtii Dh/Ij/M/M/W/F Lak.Gal 20938 ta’erratti murteesse.

195^ Maree garee abbootii seeraa M/M/Ol/Go/Sh/Bahaa waliin gaafa guyyaa 11/09/2006 Waajjira pirezedaantii mana murtichaatti taasifame irraa kan hubatame.

196^ Murtii M/Murtii Aanaa Meettaa Roobii Lak.Gal.20765 ta’een dhaddacha gaafa 26/10/2005 ooleen iyyataan Taakkalaa Gaaddisaa qallaba daa’imman lamaa ji’aan Qr 2000(kuma lama) akka kaffalu akka kaffalu itti murteessee M/M/Ol/Go/Sh/Lixaa Lak.Gal 55216 ta’erratti dhaddacha gaafa guyyaa 04/04/2006 diigee dhumarra M/M/W/Oromiyaa Lak.Gal.170778 ta’erratti dhaddacha gaafa guyyaa 16/08/2006 ooleen murtii M/M/Ol’aanaa diigudhaan kan M/M/Aanaa cimse ilaaluun ni danda’ama.

197^ SMO kwt 127(1)

198^ SMO kwt 127(2)

199^ Labsii Seera Maatii Mootummaa Naannoo Oromiyaa Lab.Lak 69/1995 kwt 73-89 ,kwt 112-120

200^SMO kwt 79

201^ SMO kwt 73

202^Daawwannaa qorattonni taasisan.

203^Marii garee Abbootii seeraa Mana Murtii Ol’anaa Godina Harargee Bahaa waliin gaafa guyyaa 28/08/2006 Magaalaa Harar Wajjira Pirezedaantii M/M/Ol’aanatti taasifame.

204^ Maree garee Abbootii Seeraa Mana Murtii Ol’aanaa Godina Harargee Bahaa waliin gaafa guyyaa 28/08/2006 Magaalaa Harar Waajjira Pirezedaantiitti taasifame,Af gaaffii Obbo Ahmad Uumar A/S/M/M/W/Dh/Dh/Kibbaa waliin gaafa 07/09/2006 Magaalaa Shaashammanneetti taasifame.

205^ Akkuma Lak6^ffaa(Murtii M/Murtii Aanaa Meettaa Roobii Lak.Gal.20765 ta’een dhaddacha gaafa 26/10/2005 ooleen iyyataan Taakkalaa Gaaddisaa qallaba daa’imman lamaa ji’aan Qr 2000(kuma lama) akka kaffalu akka kaffalu itti murteessee M/M/Ol/Go/Sh/Lixaa Lak.Gal 55216 ta’erratti dhaddacha gaafa guyyaa 04/04/2006 diigee dhumarra M/M/W/Oromiyaa Lak.Gal.170778 ta’erratti dhaddacha gaafa guyyaa 16/08/2006 ooleen murtii M/M/Ol’aanaa diigudhaan kan M/M/Aanaa cimse ilaaluun ni danda’ama.)

206^ SMO KWT 127(1)

207^ SMO KWT 127(2)

208^ SMO kwt 73-89 ,kwt 112-120

209^Seera maatii Oromiyaa fooyyessuuf labsii bahe Lab.Lak 83/96 kwt 50

210^Dubbisa SMO kwt 73-89 akkasumas 112-120 irraa hubatamu.

211^Af-gaaffii Obba Ahmed Uumar Abbaa Seeraa Mannen Murtii Waliigala Oromiyaa waliin gaafa guyyaa07/09/2006 taasifame.

212^Marii garee Abbootii seeraa Mana Murtii Ol’anaa Godina Harargee Bahaa waliin gaafa guyyaa 28/08/2006 Magaalaa Harar Wajjira Pirezedaantii M/M/Ol’aanatti taasifame.

213^ Maree garee Abbootii Seeraa Mana Murtii Ol’aanaa Godina Harargee Bahaa waliin gaafa guyyaa 28/08/2006 Magaalaa Harar Waajjira Pirezedaantiitti taasifame,Af gaaffii Obbo Ahmad Uumar A/S/M/M/W/Dh/Dh/Kibbaa waliin gaafa 07/09/2006 Magaalaa Shaashammanneetti taasifame.

214^Dhimmi 1^ffaan Murtii Dh/Ij/M/M/W/F Lak.Gal 45548ta’erratti dhaddacha Ful.24 bara 2003 ooleen Jiildii 13^ffaa Fuula-167 irratti dhimma