Bozataw rayonı Mektepke shekemgi bilimlendıriw bólimine qarasli №8-sanlı

Bozataw rayonı Mektepke shekemgi bilimlendıriw bólimine qarasli №8-sanlı

Mektepke shekemgi bilimlendıriw shólkeminiń ruwxıy
aǵartuwshılıq isleri boyınsha

ESABATI
Bozataw rayonı mektepke shekemgi bilimlendiriw bólimine qaraslı 8-sanlı mektepke shekemgi bilimlendiriw shólkemi 2021-jili 21-dekabrde qurilǵan bolip, 4 topardan ibarat, 120 balaǵa mólshellengen, házirgi kúnde 3 topar 82 bala tárbiyalanıp atır. Shólkemimiz boyınsha jámi 8 pedagog balalarǵa tálim -tárbiya berip kelmekte . Oqıw jılı dawamında Ózbekstan Respublikası Prezidentinıń tálimge tiyisli párman hám parmayıshları, joqarǵı shólkemnen kelgen buyrıqları óz waqtında orınlanıwın támiyinleniwi talap dárejesinde alip barılıp atır. Jıllıq rejege tıykarlanıp kirgizilgen pedagogikalıq keńesler, seminar hám ashıq sabaqlar óz waqtında ótkeriledi. Shólkemde bayram kúnlerine arnap hár túrli, is-ilajları shólkemlestirilip ótkerildi. Pedagogikalıq keńesler dástúriy hám dástúriy emes usıllarda alıp barıldı. Jıllıq is rejelerinde kórsetilgen tıykarǵı wazıypalar , ata-analar jıynalıslarında úyrenildi. 2022 -jil 10-fevral sánesinen baslap kishi topar, orta topar, ulken toparlar karantın qaǵıydalarına boysınǵan halda balalardı qabıllay basladı

17-fevral kúni orta toparı tarbiyashısı Allambergenova Biybixatsha <> temasında ashıq sabaq ótti. Sabaq jaqsı ham mazmunli ótti. 25-fevral kúni kishi toparı tarbiyashısı Muratbaeva Aysultan << Anam ushın sawǵa>> temasında ashıq sabaq ótti. Sabaq jaqsı ótti, kórgizbe qurallarınan paydalandı. 8-Mart Hayal-qızlar bayramında sholkemimizdin tarbiyalaniwshilari qızlarınıń atqarıwında “Báhár malikası’’ atamasındaǵı tańlawı 5-mart kúni bolıp ótti. Bul jarısta Qazaqbaeva Sayora qızımız óz shaqqanlıǵı menen “Bahar malikası” atamasına eristi. 17-mart kuni ulken toparı tárbiyashısı B Dosimbetova <> temasında ashiq sabaq ótti. Sabaq jaqsi ótti. Kórgizbe qurallarinan paydalandi. 19-mart kúni shólkemimizde “ Nawriz” bayrami ótkerildi. Bunda shólkem direktori U.Seytmuratova shiǵip sóyledi hám tarbiyalaniwshilardi bayram menen qutliqladi. Son’ shólkem metodisti G. Genjebaeva shigip milliy bayramimiz menen qutliqladi. Bayram keshesine shólkem tárbiyalanıwshıları ayaq oyınları hám qosıq taqmaqları menen belsene qatnastı. Belsendi qatnasqanlar húrmet jarlıǵı menen sıylıqlandı. Soń 8-aprel kúni Qaraqalpaqstan respublikasınıń konistitutsıyasınıń 28 jıllıǵı ótkerildi. Bayram saltanatında shólkem direktorı U.Seytmuratova shıǵıp sóyledi hám balalardı bayram menen qutlıqladı. Soń shólkemimiz metodisti G. Genjebaeva shıǵıp sóyledi. Soń shólkemimiz tárbiyalaniwshıları saxnalıq kórinis hám ayaq oyınları menen belsene qatnastı. 9-aprel kúni ullı babamız Amir Temurdıń 685-jıllıǵı ótkerildi. Bunda shólkem metodisti G. Genjebaeva sózge shıqtı hám ullı sarkarda haqqında qısqasha hám mazmunlı maǵliwmatlardı aytıp ótti. Soń shólkemimiz tárbiyalanıwshıları Amir Temur haqqında qosıqların aytıp ótti. Soń bayram keshesi ayaq oyınlar menen dawam etti. Soń shólkemimizde 5-may kúni Ullı shayırımız I Yusupovtıń 92 jıllıǵı ótkerildi. Bayram keshesinde shólkem direktorı G.Genjebaeva shıǵıp sóyledi. Ol óz sózinde Ózbekistan qaharmanı, Qaraqalpaqstan respublikasınıń

mámleketlik gimnınıń avtorı I Yusupov haqqında biraz maǵluwmatlardı atap ótti.Soń shólkemimiz tárbiyashıları hám tárbiyalanıwshıları menen birgelikte húrmet penen Qaraqalpaqstan respublikasınıń mámleketlik gimnı esittirildi. Soń shólkem tárbiyalanıwshıları I Yusupovtin qálemine tiyisli qosıqların aytıp berdi. Shólkemimizde 7-may kúni Eslew hám qádirlew kúni ótkerildi. Bunda shólkem metodisti G.Genjebaeva sózge shıqtı. Ullı watandarlıq urısı haqqında, olardıń qaytqanıda, qaytpaǵanı da qaharman ekenligin aytıp ótti. Soń shólkemimiz tárbiyalanıwshıları ayaq oyın hám saxnalıq kórinisler menen belsene qatnastı. 1-iyun balalar kúnine arnalǵan bayram keshesi bolıp ótti. Bunda shólkem direktorı U.Seytmuratova shıǵıp sóyledi hám keleshegimiz bolǵan balalardı bayram menen qutlıqladı. Bayram keshesi saxnaliq kórinis hám ayaq oyınlar menen dawam etti. 8-iyun Nan ullı nan aziz temasında ádebiy keshe otkerildi. Bunda shólkem metodisti G.Genjebaeva sózge shıqtı hám nannıń ullılıǵı nannıń usaǵıda nan ekenligi aytıp óttı. Soń shólkem tárbiyashısı Dosimbetova Begzada Alisher Nawayınıń nan iyisi rawayatın aytıp berdi. Shólkem tárbıyalanıwshıları nan haqqında naqıl-maqallardı, jańıltpashlardı aytıp ótti.1-iyul kúni biz jas sportshilarmiz atamasinda sport jarısı ótkerildi Jarısqa tárbiyalanıwshılar belsene qatnastı hám jeńimpazlar húrmet jarlıǵı menen siyliqlandı.

8-sanlı MSHBSH direktorı. U.Seytmuratova