191 «Pensiya və posobiya (müavinət) ödənişləri üzrə hesablaşmalar»;
192 «Artıq ödənmiş pensiya və posobiya (müavinət) ödənişlərinin tutulması üzrə hesablaşmalar»;
198 «Əhalinin Sosial Müdafiəsi Fondu üzrə hesablaşmalar»;
199 «Əhalinin məşğulluğu fondu üzrə hesablaşmalar».
191 №-li «Pensiya və posobiya (müavinət) ödənişləri üzrə hesablaşmalar» subhesabında sosial müdafiə orqanlarının ödəniş sənədləri üzrə pensiya, posobiyaların (müavinətlərin) ödənişi ilə əlaqədar idarə və təşkilatlarla hesablaşmalar əks etdirilir.
192 №-li «Artıq ödənmiş pensiya və posobiya (müavinət) ödənişlərinin tutulması üzrə hesablaşmalar» subhesabında səhvən ödənilmiş pensiyaların və posobiyaların (müavinətlərin) onları alan şəxslərdən tutulması üzrə əməliyyatlar əks etdirilir.
198 №-li «Əhalinin Sosial Müdafiəsi Fondu üzrə hesablaşmalar» subhesabında sosial-sığorta ödənişləri üzrə idarə və təşkilatlarla və vətəndaşların məcburi sığortası üzrə Pensiya fondu ilə hesablaşmalar əks etdirilir.
Pensiya və posobiyaların (müavinətlərin) ödənilməsi üçün sosial müdafiə fondundan alınmış məbləğlər 198 №-li subhesabın kreditində əks etdirilir.
Əhalinin Sosial Müdafiəsi Fondu hesabına verilən müavinətlərin hesablanması 198 №-li subhesabın debetində və 180 №-li subhesabın kreditində əks etdirilir.
Fəhlə və qulluqçuların əmək haqlarından tutulan və Pensiya fonduna köçürülməli olan məcburi sığorta ödəmələrinin məbləğləri 180 №-li subhesabın debetində və 198 №-li subhesabın kreditində əks etdirilir.
199 №-li «Əhalinin məşğulluğu fondu üzrə hesablaşmalar» subhesabında idarə və təşkilatların Əhalinin məşğulluğu fonduna ayırmaları üzrə hesablaşmalar uçota alınır.
