Budjet tashkilotlarida buxgalteriya hiso

13 “Boshqa pul mablag‘lari” schyoti 
243. Bu schyotda akkreditivlar, yo‘ldagi pul mablag‘lari va tashkilotlarning boshqa 
pul mablag‘lari hisobga olinadi. Bu schyot quyidagi subschyotlarga bo‘linib hisobda aks 
ettiriladi: 
130 “Akkreditivlar”; 
131 “Yo‘ldagi pul mablag‘lari”; 
132 “Pul ekvivalentlari”. 
244. 130 “Akkreditivlar” subschyotida moddiy qimmatliklar yetkazib berganliklari, 
shuningdek ishlar, xizmatlar bajarilganligi uchun boshqa shaharlardagi mol yetkazib 
beruvchilar va boshqa tashkilotlar bilan o‘zaro tuzilgan shartnomalar asosida qo‘yilgan 
akkreditivlar summasi hisobga olinadi. 

---

Akkreditivlar budjet mablag‘lari hisobidan ham, budjetdan tashqari mablag‘lar 
hisobidan ham qo‘yilishi mumkin. Akkreditivlarni rasmiylashtirish va ularning amal qilish 
muddatlari qonunchilikka muvofiq tartibga solinadi. 
Akkreditiv qo‘yilganda 130 “Akkreditivlar” subschyoti debetlanadi hamda pul 
mablag‘larini hisobga oluvchi schyotlarning tegishli subschyotlar kreditlanadi. 
Foydalanilgan akkreditivlar summasi 150 “Mol yetkazib beruvchilar va pudratchilar bilan 
hisob-
kitoblar” va boshqa subschyotlarning tegishlisini debetiga hamda 130 
“Akkreditivlar” subschyotining kreditiga yoziladi. Akkreditivlarning foydalanilmagan 
summalari pul mablag‘larini hisobga oluvchi schyotlarning tegishli subschyotlari debetiga 
hamda 130 “Akkreditivlar” subschyotining kreditiga yoziladi. 
245. 130 “Akkreditivlar” subschyoti bo‘yicha analitik hisob qo‘yilgan har bir 
akkreditiv bo‘yicha 292-son shakldagi joriy hisoblar va hisob-kitoblar daftari 
(kartochkasi)da yuritiladi. 
246. 131 “Yo‘ldagi pul mablag‘lari” subschyotida saqlash joyidan chiqib ketgan, 
ammo mo‘ljallangan joyiga yetib bormagan pul mablag‘lari (inkassatorga berilgan 
tashkilotlarning naqd pul mablag‘lari, pul o‘tkazmalari va boshqalar) hisobga olinadi. 
Ushbu subschyot tranzit subschyot hisoblanadi va pul mablag‘larining harakati 
ustidan uzluksiz nazoratni o‘rnatish uchun bog‘lovchi vazifasini bajaradi. 
Pulni inkassatorlarga topshirish, pul o‘tkazmalari va boshqa hollar 131 “Yo‘ldagi 
pul mablag‘lari” subschyotning debetida pul mablag‘larini hisobga oluvchi subschyotlar 
bilan bog‘langan holda aks ettiriladi. Pul mablag‘lari kirim qilingandan keyin 131 “Yo‘ldagi 
pul mablag‘lari” subschyoti kreditlanib, pul mablag‘larini hisobga oluvchi subschyotlar 
debetlanadi. 
Yo‘ldagi pul mablag‘larining analitik hisobi ularning turlari bo‘yicha yuritiladi. 
247. 132 “Pul ekvivalentlari” subschyotida dam olish uylari, sanatoriylar, turistik 
bazalar uchun berilgan puli to‘langan yo‘llanmalar, pochta orqali jo‘natilgan pullar uchun 
xabarnomalar, pochta markalari, mehnat daftarchalari blankalari hamda ularga ilova 
qilingan varaqlar va boshqalar hisobga olinadi. 
Bunday hujjatlarni kassaga qabul qilish va kassadan berish kassa orderlari bilan 
rasmiylashtiriladi. Bu operatsiyalarning hisobi pul mablag‘lari bo‘yicha operatsiyalardan 
alohida holda yuritiladi. 
Pul ekviv
alentlari sotib olinganda 132 “Pul ekvivalentlari” subschyotining debetiga 
va pul mablag‘lari yoki hisob-kitoblar subschyotlarining kreditiga yoziladi. 
Pul ekvivalentlari hisobdor shaxslarga berilganda 172 “Hisobdor shaxslar bilan 
hisob-
kitoblar” subschyotining debetiga va 132 “Pul ekvivalentlari” subschyotining 
kreditiga yoziladi. 
Pul ekvivalentlarining (mehnat daftarchasi va boshqalarning) sotilishi tegishli pul 
mablag‘lari yoki hisob-kitoblar subschyotlarining debetida hamda 132 “Pul ekvivalentlari” 
subschyotining kreditida aks ettiriladi. 
Pul ekvivalentlarining hisobdan chiqarilishi haqiqiy xarajatlarni hisobga oluvchi 
tegishli subschyotlarning debetida va 132 “Pul ekvivalentlari” subschyotining kreditida aks 
ettiriladi. 
Analitik hisobi (mehnat daftarchalari blankalari va uning ilovalardan tashqari) 
ularning turlariga qarab 292-son shakldagi joriy hisoblar va hisob-kitoblar daftari 
(kartochkasi)da yuritiladi. Mehnat daftarchalari va uning ilovalari hisobi 448-son shakldagi 
qat’i hisobot blanklari bo‘yicha daftarda (mazkur Yo‘riqnomaning 
51-ilovasi
) yuritiladi.