18 “Boshqa hisob-kitoblar” schyoti Oldingi tahrirga qarang. 296. 18 “Boshqa hisob-kitoblar” schyoti 180 “Yuqori va quyi tashkilotlar o‘rtasidagi
boshqa hisob-
kitoblar” subschyotidan iborat bo‘lib, ushbu subschyotda yuqori mablag‘
taqsimlovchilar bilan ularga qarashli bo‘lgan muassasalar orasida xarajatlar smetasining
ijrosi jarayonida vujudga keladigan turli hisob-kitoblarga doir operatsiyalar hisobga
olinadi.
(296- band O‘zbekiston Respublikasi moliya vazirining 2018-yil 1-martdagi 45- sonli buyrug‘i (ro‘yxat raqami 2169-2, 17.03.2018-y.) tahririda — Qonun hujjatlari ma’lumotlari milliy bazasi, 18.03.2018-y., 10/18/2169-2/0925-son) Oldingi tahrirga qarang. 297. Ushbu subschyot qu
yi mablag‘ taqsimlovchilar tomonidan, shuningdek
yuqori mablag‘ taqsimlovchilar tomonidan ham qo‘llaniladi.
(297- band O‘zbekiston Respublikasi moliya vazirining 2018-yil 1-martdagi 45- sonli buyrug‘i (ro‘yxat raqami 2169-2, 17.03.2018-y.) tahririda — Qonun hujjatlari ma’lumotlari milliy bazasi, 18.03.2018-y., 10/18/2169-2/0925-son) 298. Yuqori tashkilotlar ushbu subschyot debetida quyi tashkilotlarga
markazlashgan tartibda tovar-moddiy qimmatliklarning berilishi va boshqa yuqori va quyi
tashkilotlar o‘rtasidagi hisob-kitoblarni aks ettiradilar. Subschyot debetida esa, quyi
tashkilotlarga markazlashgan tartibda berilgan tovar-moddiy qimmatliklarning hisobdan
chiqarilishini aks ettiradilar.
IV bob. Moliyaviy natijalarni hisobga oluvchi schyotlar 1- §. Realizatsiya va xarajatlar 299. Tashkilotlarning mahsulotlar (ishlar, xizmatlar)ni realizatsiya qilish bo‘yicha,
shuningdek mazkur mahsulot (ish, xizmat)larni ishlab chiqarish va realizatsiya qilish
jarayonida amalga oshiriladigan davr xarajatlari va taqsimlanadigan xarajatlar to‘g‘risidagi
ma’lumotlar quyidagi schyotlarda aks ettiriladi:
20 “Mahsulot (ish, xizmat)lar realizatsiyasi”;
21 “Boshqa xarajatlar”.
