Budjet tashkilotlarida buxgalteriya hiso
- §. Joriy yilga moliyaviy natijalar
Yüklə 5,11 Kb. Pdf görüntüsü
|
- Bu səhifədəki naviqasiya:
- 23 “Budjet mablag‘lari bo‘yicha joriy yilga moliyaviy natijalar” schyoti
| 2-
§. Joriy yilga moliyaviy natijalar 309. Ushbu bo‘limda tashkilotlarning joriy yil mobaynida budjetdan moliyalashtirilgan mablag‘lari, barcha budjetdan tashqari mablag‘lar bo‘yicha daromadlari, shuningdek, ushbu mabl ag‘lar hisobidan amalga oshirilgan haqiqiy xarajatlari hamda joriy yilga moliyaviy natijalari aks ettiriladi. Joriy yilga moliyaviy natijalar quyidagi schyotlarda aks ettiriladi: 23 “Budjet mablag‘lari bo‘yicha joriy yilga moliyaviy natijalar”; 24 “To‘lovlarning maxsus turlariga doir hisob-kitoblar bo‘yicha joriy yilga moliyaviy natijalar”; 25 “Ta’lim muassasalarida o‘qitishning to‘lov-kontrakt mablag‘lari bo‘yicha joriy yilga moliyaviy natijalar”; 26 “Budjet tashkilotini rivojlantirish jamg‘armasi mablag‘lari bo‘yicha joriy yilga moliyaviy natijalar”; 27 “Boshqa daromadlar bo‘yicha joriy yilga moliyaviy natijalar”. 23 “Budjet mablag‘lari bo‘yicha joriy yilga moliyaviy natijalar” schyoti 310. 23 “Budjet mablag‘lari bo‘yicha joriy yilga moliyaviy natijalar” schyoti hisobda quyidagi subschyotlarga bo‘linadi: 230 “Budjet mablag‘lari bo‘yicha joriy yilga moliyaviy natijalar”; 231 “Budjet mablag‘lari bo‘yicha haqiqiy xarajatlar”; 232 “Budjetdan moliyalashtirish”. 311. 230 “Budjet mablag‘lari bo‘yicha joriy yilga moliyaviy natijalar” subschyotida tashkilotning budjet mablag‘lari bo‘yicha joriy yilga moliyaviy natijalari aks ettiriladi. Ushbu subschyotning debetida yil oxirida hisobdan chiqarilgan budjet mablag‘lari bo‘yicha amalga oshirilgan haqiqiy xarajatlar aks ettiriladi, bunda 231 “Budjet mablag‘lari bo‘yicha haqiqiy xarajatlar” subschyoti kreditlanadi. Subschyot kreditida esa, yil mobaynida budjetdan moliyalashtirilgan mablag‘larning (amalga oshirilgan to‘lovlarni) hisobdan chiqarilishi aks ettiriladi, bunda 232 “Budjetdan moliyalashtirish” subschyot debetlanadi. Har yil moliya yilining oxirida joriy yilga budjet mablag‘lari bo‘yicha moliyaviy natijalar 280 “Budjet mablag‘lari bo‘yicha yakuniy moliyaviy natija” subschyotining kreditiga (debetiga) hisobdan chiqariladi va subschyot bo‘yicha yil oxirida qoldiq qolmaydi. 312. 231 “Budjet mablag‘lari bo‘yicha haqiqiy xarajatlar” subschyotida tashkilotni saqlash va boshqa tadbirlar uchun budjet mabl ag‘lari hisobidan amalga oshirilgan haqiqiy xarajatlar hisobga olinadi. Budjet mablag‘lari bo‘yicha amalga oshirilgan haqiqiy xarajatlar yil davomida 231 “Budjet mablag‘lari bo‘yicha haqiqiy xarajatlar” subschyotning debetida aks ettirilib boriladi, bunda, hisob-kitoblar va boshqalarni hisobga oluvchi subschyotlar kreditlanadi. Yil oxirida 231 “Budjet mablag‘lari bo‘yicha haqiqiy xarajatlar” subschyot debetida aks ettirilgan barcha haqiqiy xarajatlar budjet mablag‘lari bo‘yicha joriy yilga moliyaviy natijal arni hisobga oluvchi 230 “Budjet mablag‘lari bo‘yicha joriy yilga moliyaviy natijalar” subschyot debetiga yozib, hisobdan o‘chirish yo‘li bilan yopiladi va subschyot bo‘yicha yil oxirida qoldiq qolmaydi. Haqiqiy xarajatlarning analitik hisobi 294-son shakldagi kassa va haqiqiy xarajatlarni hisobga olish daftarida yuritiladi. 313. 232 “Budjetdan moliyalashtirish” subschyotida budjetdan moliyalashtirilgan mablag‘lar, shuningdek g‘azna ijrosiga o‘tilgan tashkilotlarda g‘aznachilikda ochilgan shaxsiy hisobvaraq lari orqali amalga oshirilgan to‘lovlar summasi hisobga olinadi. 314. Bu subschyotning kreditida g‘azna ijrosiga o‘tilmagan tashkilotlarda budjetdan moliyalashtirilgan mablag‘lar summasi aks ettiriladi, bunda, tegishli pul mablag‘larini hisobga oluvchi subschyotlar debetlanadi. Subschyot debetiga esa, joriy yilda budjetga qaytarib olingan mablag‘lar summasi, yil oxirida hisobdan chiqarilgan summalar va boshqalar yoziladi, bunda, pul mablag‘larini, budjet mablag‘lari bo‘yicha joriy yilga moliyaviy natijalarni hisobga oluvchi va boshqa tegishli subschyotlar kreditlanadi. Shuningdek, ushbu subschyotda yuqori tashkilotdan quyi tashkilotlarga moliyalashtirib berilgan mablag‘larning ham hisobi yuritiladi. Bunda, yuqori tashkilot tomonidan quyi tashkilotlarga moliy alashtirib berilgan mablag‘lar summasiga 232 “Budjetdan moliyalashtirish” subschyoti debetlanadi va 10 schyotning tegishli subschyotlari kreditlanadi. Quyi tashkilotlarda esa, yuqori tashkilot tomonidan moliyalashtirib berilgan mablag‘lar 10 schyotning tegishli subschyotlari debetida va 232 “Budjetdan moliyalashtirish” subschyotining kreditida aks ettiriladi. 315. G‘azna ijrosiga o‘tilgan tashkilotlarda esa, ushbu subschyotning kreditida g‘aznachilikdagi shaxsiy hisobvaraqlar orqali budjet mablag‘lari hisobidan amalga oshirilgan to‘lovlar aks ettiriladi, bunda, debitor va kreditorlarni hisobga oluvchi va boshqa tegishli subschyotlar debetlanadi. Subschyot debetiga esa, shaxsiy hisobvaraqlar orqali amalga oshirilgan to‘lovlar bo‘yicha kassa xarajatlarining tiklanishi (joriy yilgi), hisobot yilining oxirida amalga oshirilgan to‘lovlarning yopilishi, shuningdek boshqa amalga oshirilgan to‘lovlarni kamaytiradigan mablag‘larni aks ettiradilar, bunda, debitor va kreditorlarni, budjet mablag‘lari bo‘yicha joriy yilga moliyaviy natijalarni hisobga oluvchi va boshqa tegishli subschyotlar kreditlanadi. 316. Yil oxirida barcha moliyalashtirilgan budjet mablag‘larni, shuningdek, amalga oshirilgan to‘lovlarni budjet mablag‘lari bo‘yicha joriy yilga moliyaviy natijalarga yo pilishi 230 “Budjet mablag‘lari bo‘yicha joriy yilga moliyaviy natijalar” subschyotning kreditida va 232 “Budjetdan moliyalashtirish” subschyotning debetida aks ettiriladi. 232 “Budjetdan moliyalashtirish” subschyot bo‘yicha yil oxirida qoldiq qolmaydi. 31 7. Ushbu subschyotlar bo‘yicha analitik hisob 294-son shakldagi kassa va haqiqiy xarajatlarni hisobga olish daftarida yuritiladi. Yüklə 5,11 Kb. Dostları ilə paylaş:
|