Bütün həyatlarını elmin sirlərinə dərindən yiyələnməmə və bir Vətənsevər kimi yetişməmə həsr etmiş mərhum valideynlərim – Adil Şıxəli oğlu və Sura Səfər qızının əziz xatirələrinə ithaf edirəm

Venesiya donanması Sleys savaşında. Jan Fruassarın “Xronika”sına çəkilmiş minatür
1416-cı il. Venesiya donanması ilə Osmanlı donanması arasında ilk toqquşma baş verir (Norwich John Julius, 1989).

Orta əsrlərdə Venesiya son dərəcə zəngin və inkişaf etmiş bir dövlət idi. İndi İtaliyanın bir bölgəsidir, lakin əvvəllər həqiqətən super güc hesab olunurdu. Bu, ilk növbədə onun coğrafi mövqeyindən qaynaqlanırdı.

Venesiyalıların əsas məqsədi ticarət idi, buna baxmayaraq dövlət müharibələr də aparırdı. İstifadə etdikləri əsas gəmi tipi "Galera" idi və bu tip gəmilər bütün Aralıq dənizində hakim idi. Çox sürətli idilər. Sürət, 150 ekipaj üzvü tərəfindən yığılan yelkənlər və kürəklərin olmasındam irəli gəlirdi. Əlbəttə, Venesiya "qalalar” ın yaradıcısı deyildi, oxşar gəmilər Finikiya və Yunanıstanda çox-çox öncələr mövcud idi, sözügedən respublika onları məharətlə modernləşdirmişdi. Maraqlıdır ki, gəmi tərsanələrində çalışan mühəndislərə bütün çertyoj və layihə məlumatlarını gizli saxlamaq tapşırılmışdı. İşə başlamazdan əvvəl bir çox usta və inşaatçı gəmilər barədə icazəsiz şəxslərə məlumat verməyəcəklərinə dair and da içməli idilər., Ölkənin bu gizli silahı üzərində işləyən inşaatçılara “Arsenolotti” deyilirdi. Sayları 3000 nəfər idi.

Tərsanələr və iş prosesi gözdən uzaq olsunlar deyə, on metrlik bir hasarla əhatə olunurdu və hər sahəyə keşikçilər nəzarət edirdilər ki, dövlət sirri kənara çıxmasın. İnanmaq çətin olsa da, hər bir "gala" cəmi 3 günə tikilərək istifadərəyə verilirdi. Bu da mütləq bir rekord idi.