Sultan I Səlim Yavuz Sultan Səlim Yavuz Ədrinəyə getmədən öncə Topqapı sarayında vəzir Piri Mühəmməd Paşa ilə görüşü zamanı Ağ dənizin ancaq bir imperatorluğa yetəcək qədər kiçik olduğunu söyləyərək, ətrafda İspaniya, Fransa, Genuya və Venesiya kimi bir çox dövlətlərin olmasına qəzəblənmiş və bu dar hövzəyə tək başına hakim olmaq üçün 500 gəmi inşa edilməsini əmr etdi. Piri Paşa maliyyə və işçi qüvvəsi qaynaqlarının bunun üşün yetərli olduğunu, lakin hazırlıqlara birdən birə başlanarsa, Qalata xristianlarının Avropaya cəsusluq edərək, xaçlı səfərləri kimi olaylara səbəb ola biləcəklərini irəli sürdü və hələik 200 gəmi tikilməsinə və Xalic Tərsanəsinin buna görə genişlədilməsinə qərar verdi, ertəsi gün də divan quraraq qərarı rəsmiləşdirdi. II Bəyazıdın hakimiyyətinin son illərində baxımsız qalan və qismən təxrib olan tərsanə təmir edilərək, 200 gəminin inşası üçün hazır vəziyyətə gətirildi. Bu arada, Piri Paşanın dediyi kimi bu geniş hazırlıqlar dərhal Avropaya çatdı, orada ciddi əndişə yaratdı, üç-dörd ay sonra Raquza, Venesiya, Genuya və Fransa elçiləri dərhal İstanbula təşrif gətirərək üç illik xəraclarını gətirdilər (Haydar Alpagut, 1937, s. 469).
