Bütün həyatlarını elmin sirlərinə dərindən yiyələnməmə və bir Vətənsevər kimi yetişməmə həsr etmiş mərhum valideynlərim – Adil Şıxəli oğlu və Sura Səfər qızının əziz xatirələrinə ithaf edirəm

Portuqaliyanın yeni naviqasiya məktəbinin banisi Henri
Yeni-yeni coğrafi kəşflərin həyata keçməsində və mahir dənizçilərin yetişməsində dənizçi Henrinin Saqreşdə təşkil etdiyi dəniz naviqasiya mərkəzinin böyük rolu olub. Deyilənə görə, dənizsevərlər bu mərkəzə toplanır, həm naviqasiyanın sirrlərini öyrənir, həm də öz coğrafi biliklərini artırırdılar (Merson John, 1990, s. 72).

Coğrafi kəşflərin ilk dövrlərində daha çox karavella tipli gəmilərdən istifadə edilmişdir ki, onların da tutumu 50 ilə 160 t. arasında dəyişməkdə idi (Elbl M.M., 1985). Portuqalların ilk coğrafi kəşfi olaraq, 1419-cu ildə Portu-Santu, 1429-ci ildə Madeyra, 1427-ci ildə isəDieqo de Silves adalarının Juan Qonsalviş Zarku tərəfindən kəşf edilməsi göstərilməkdədir.