Buufata buufata 2 gabayaa bunaa itiyoophiyaa bahaa ilaalchisee barreefama ummataaf qophaahe 3

Badii funaanni bodaa hir’isuu

• 
  Yeroodhaan hoomisha galchuu
  
• 
  Sirritti gooysuu
  
• 
  Bakka sirii ta’etti olkaayuufi haala gaarii ta’een qabu,
  
• 
  Haalonni asiin olitti ibsamaniifi kan biroos hoomishtummaa fi qulqullina bunaa fooyyessuu aka dandeenu nu gargaaran.
  

Buna gatii guddaa ykn qaaliitti gurgurachuu

Buna gatii guddaa ykn qaaliitti gurgurachuuf,

• 
  Hoomisha qulqullaayaa ta’e hoomishuu
  
• 
  Akkaataa hojii bunaa fooyyessuu
  
• 
  Gurgurata irratti humna gatii bunaa murteessuu dhaa qabaachuu
  
• 
  Dandeetti gurgurataa dabaluu
  
• 
  Malleen kanneeniif kan biroo, buna keenyaaf gatii gaarii akka argannu nu gargaaru.
  

Qoteebultoonni keenya haala akkamiin gurgurata irratti humna gatii bunaa murteessuu qabaachuu danda’u? Dura dursoo, odoo buna isaanii gurgurachuu dhaaf hinmurteessin haala magaalaa bunaa odeeffannoo adda addaa madda odeeffannoo garagaraa irraa walitti qabatanii hubannoo haala magaalaa dhaa sirritt cimsachuu qabu.

2.3. Gabayaa Bunaa Fooyyessuu

Qoteebulaan tokko buna isaa gatii fooyya’atti gurgurachuu yoo kan barbaadu ta’e, odoo buna isaa hin gurguratiniin dura, gaafiwwan armaan gadiitiif deebii gahaa argachuu qaba:

• 
  Yoom akka gurguru? Yammuu bunni gatii guddaa baasu.
  
• 
  Eessatti akka gurguru? Bakka magaalaa gatii fooy’aa argachuun danda’amu
  
• 
  Haala akkamiin gurguru, buna gogaa moo buna jiidhaa
  
• 
  Eenyutti gurguru? Daldaltoota magaalarratti gatii gaarii kennan
  

Deebiwan kanneen sirritti deebisuun duratti qoteebulaan tokko madda garagaraa irraa odeeffannoo gahaa argachuu qaba: Raadiyoo, televisziyoona, jiddugala gurgura biyoolessaa fi ummata naannoo irraa odeeffannoo argachuun ni danda’ama.

Odeeffannoota keessa, gatii bunaa haala amma, gatii bunaa kan amma duraa, sadarkaa waldorgommii daldaltoota jidduu jiru, haala hoomisha buna biyoota akka Braazil, Meeksiikoo fi Kolombiyaa argachuun faayda guddaa qaba. Biyyota bunaa hoomishuu dhaan beekkaman kanniin keessatti hoomishni buna yoo kan hirdhatu ta’e, adunyaa irratti gatiin bunaa ol ka’uun isaa beekkamaa dha. Bara 2003 keessatti gatiin bunaa haalaan akka ol ka’u wanna godhan keessaa biyyoota kanniin irraa hoomishni adunyaa dhaaf dhiyaatu hanqataa ta’ee waan argamee fi. Haalli akkanaa kuni yammuu uumamu, qoteebulaan gatiin hanga ol ka’utti, buna isaa tursiis dhaan ammuu gatiin sirritti ol ka’e qofa gabayaaf dhiheessuu qaba.

Akkasumas, haala gatii gurgura bunaa jiddu-gala biyyaatti godhamu sirritti hordofuunis gaarii dha. Kanamalee, qoteebltoonni dhuunfaanis ta’e waldaa dhaan gatii bunaa isaanii dabalchiifachuu dhaaf dandeetti amansiisu qabaachuu qabu. Daldalaa buna isaanii sirritti haqaan madaaluu fi gatii wayyaawaa ta’e kennus filachuu qabu. Qoteebulaan dabalataan kan beekuu, qabu seerri amma baye qoteebulaan tokko dhuunfaa dhaan jiddu-gala gurgura bunaa kan biyyaatti dhihaatee, hoomisha isaa kallattiidhaan gurgurachuu kan danda’u ta’uu isaati. Seerri gurguraa kan jiddu-galli gurgura biyyoolessa baase daldaltoonni qoteebultootarraa buna walittiqaban kana booda qoteebulaa irraa walitti akka hinqabne dhoowwa.

Dhaabbattoonni daldalaallee qoteebultoota gama adda addaatiin qarqaaruu qabu. Kunis odeeffannoo haaraa laachuu dhaan, sadarkaa qulqullinaa fi sirna madaallii baasuu dhaan, mallaqaa kennuu dhaan, wantoota hoomishaaf barbaachisan guutuu fi haala magaalaa mijeessuu dhaan, haala waldorgommii gaarii ta’emijjeessuu, gochoota daldalaa seera-qabeessa hintaane kan akka madaalli ykn mizaana bunaa gadii buusuu fa’arratti adabbii fudhachuu dhaan hamilee hoomishtoota eeguun ni danda’ama.

Karaa mootummaan dhabbattoota isaatiin godhuun alatti, qoteebultoonnis waldaa isaanii cimsachuu dhaan magaalarratti hoomisha isaanii gatii wayyaawaa ta’etti gurgurachuu qabu.

• 
  Haala daldalaarratti si’inaan hirmaachuu
  
• 
  Waldaa keessatti si’inaan murtii kennuu irratti hirmaachuu;
  
• 
  Namoota seeraa ala deeman ufirraa ittisuu