Ma’muriy taqsimlanishi. Ma’muriy - hududiy jihatdan bo’linishlarga ega emas. Ma’muriy markazi — Port - Stenli (Stenli) hisoblanadi.
Aholisi va dini. Arxipelag aholisi, asosan, inglizlar va Chili aholisidan iborat. Rasmiy tili: ingliz tili. Dini: anglikan talqinidagi xristianlik hisoblanadi.
Siyosiy tizim. Davlat tuzilishi — konstitutsion monarxiya. Davlat boshlig’i
— Britaniya monarxi bo’lib, metropoliya tashqi siyosat va mudofaa masalalarini hal etadi. Hukumat boshlig’i — gubernator. Qolgan barcha masalalar Folklend orollari Kengashi tomonidan hal qilinadi. Qonunchilik hokimiyati 10 ta deputatlardan tashkil topgan. Siyosiy partiya: Folklend orollari Progressiv milliy partiyasi hisoblanadi.
Iqtisodiyoti. Araxipelag iqtisodiyotining asosiy tarmoqlari – baliqchilik, turizm va qo’ychuvonlik hisoblanadi. Orollar shelfidagi yirik neft zahiralari topish uchun izlanishlar olib borilmoqda. Orolda yirik shoxli qoramol va otlarni boqib ko’paytirishadi. Eko turizm sohasi rivojlanib kelmoqda. Eksport uchun: qo’y yungi, teri, baliq va go’sht yetkazib beriladi. Import orqali: iste’mol mollari, mashina va transport uskunalar, yoqilg’i va oziq - ovqat mahsulotlari olib kiriladi. Asosiy savdo hamkorlari: Buyuk Britaniya va Argentina.
Dostları ilə paylaş: |
