Buxoro davlat universiteti

2-bo’lim: Frazeologik birliklarning semantik tabiati.

Tilshunoslikning frazeologiya sohasiga buyuk hissa qo’shgan V.V.Vinogradovning rus frazeologizmlari kalassifikatsiyasi kabi ingliz frazeologizmlari klassifikitsiyasini ham joriy etgan. “Olimning frazeologizmlar tasnifi usuli ba’zi hozirgi zamon tilshunoslari fikricha eskirgan usul hisoblanadi. Lekin bu usul semantic printsipga asoslangan birinchi tasnif usuli bo’lgani holda hali ham o’z qiymatini yo’qotmagan. Shuni ta’kidlash kerakki frazeologizmlarning semantik xususiyatlari muhim ahamiyatga ega”, deydi G.B.Antrushina.¹ V.V.Vinogradovning bu tasnif usuli frazeologizmlar tarkibiy qismlarining o’zaro sintaktik birikishiga asoslangan. Uning fikricha, qisman ko’chma ma’noga ega bo’lgan frazeologizmlar komponentlari o’rtasidagi eng zaif birikuv kuzatiladi. Frazeologizmlar ma’nosi uning tarkibiy qismlarining ma’nosidan qanchalik ko’p farq qilsa, semantik birikuv darajasi shunchalik yuqori bo’ladi.