Buxoro nikoh to’yi qo’Shiqlarida hudud flora-faunasining badiiy aks ettirilishi sherbekova Gavhar Yaxshibaevna Buxoro davlat universiteti tayanch doktoranti

BUXORO NIKOH TO’YI QO’ShIQLARIDA HUDUD FLORA-FAUNASINING BADIIY AKS ETTIRILIShI

Sherbekova Gavhar Yaxshibaevna

Buxoro davlat universiteti tayanch doktoranti
O’zbek nikoh to’yi folklori tarkibida Buxoro nikoh to’yi folklori o’ziga xos janriy tarkibi, ijro xususiyatlari, hudud tabiati, flora-faunasi, aholisining joylashuv o’rni, tili, dunyoqarashi, e’tiqodiy qarashlari, ijtimoiy-madaniy hayoti, urf-odatlari bilan bog’liqligi jihatidan alohidalik kasb etadi. Shu nuqtai nazaridan unga xos bu xususiyatlarni ham alohida ko’zdan kechirib chiqishga to’g’ri keladi.

Kalit so’zlar: nikoh to’yi folklori, Buxoro, flora, fauna,

Buxoro nikoh to’yi folklorining o’ziga xosligini aks ettiruvchi muhim belgilardan biri ularda hudud flora-faunasining badiiy tasvir etilishi, obrazlantirilishida namoyon bo’ladi. Binobarin, hududdan yozib olingan nikoh to’yiga aloqador xalq marosim qo’shiqlari tilida ko’pincha Buxoroda mavjud yoki keng tarqalgan, Buxoro ohusi, Buxoro kiyigi, Qorako’l barrasi yoki shirbozi, jizziq (yoxud jirriq), tovus, yulg’in, Balxi tut singarilarning nomi ko’p tilga olingani kuzatiladi.

E’tiborli jihati shundaki, yuqorida nomi sanalgan jonivor, qush, narsa nomlari ko’proq kelinchakning chiroyini tavsiflash, tashbehlantirish, shartli ko’chim orqali badiiy tasvirlash maqsadida parallelizm manbasi vazifasida keltirilishi namoyon bo’ladi. Masalan:

Cho’llarda kiyik ko’rar buzug’ini,

Eb to’ymassan