C dilində proqramlaşdırma

Cəbri əməliyyatların üstünlük dərəcəsi

Proqramlaşdırma dillərində cəbri ifadələr bir mərtəbəli yazılırlar, ona görə də əməliyyatların prioritetini (üstünlük dərəcəsini), yəni yerinə yetirilmə ardıcıllığını bilmək lazımdır. Əvvəlcə

• 
  mötərizələrdə olan əməliyyatlar yerinəyetirilir;
  
• 
  funksiyalarhesablanır;
  
• 
  soldan sağa doğru vurma, bölmə, qalığın tapılması əməliyyatları yerinəyetirilir;
  
• 
  soldan sağa doğru toplama və çıxma əməliyyatları yerinə yetirilir. Məsələn:
  

x = ( a + 5 * b ) * fabs (c + d ) – ( 3 * b – c ) ;

Mənimsətmə operatorları

Proqramlaşdırmada tez-tez mənimsətmə operatorlarından istifadə edilir. Məsələn,

i = i + 1 ;
Riyazi baxımından bu tənlik mənasızdır, lakin informatika baxımından bu operator i dəyişənin qiymətini bir vahid artırır. i-nin köhnə qiyməti götürülür, bir vahid artırılır və köhnə qiymətinin yerinəyazılır.

İnkrement və dekrement

C dilində hər hansı bir dəyişənin qiymətini bir vahid artırılması üçün (inkrement) xüsusi operatorlar təyin olunub.

i++; // və ya ...
++ i ;
Həmin operatorları mənimsətmə operatoru vasitəsi ilə yazmaq olar.
i = i + 1 ;
C dilində hər hansı bir dəyişənin qiymətini bir vahid azaldılması üçün (dekrement) xüsusi operatorlar təyin olunub.
i - -; // və ya ...
- - i ;
Həmin operatorları mənimsətmə operatoru vasitəsi ilə yazmaq olar.
i = i - 1 ;
İnkrement operatorların birinci forması postfiks, ikinci forması isə prefiks adlanır. Əgər bu operatorlar hər-hansı mürəkkəb və ya şərti operatorların daxilində istifadə olunursa, onda prefiks və postfiks formaları fərqli nəticəverirlər.

Cəbri ifadələrin qısa yazılışı

Əgər hər-hansı dəyişənin qiyməti dəyişilməlidir və alınmış yeni qiymət köhnə qiyməti əvəz etməlidirsə, onda mənimsətmə operatorun qısa variantından istifadə etmək rahatdır.

Qısa yazılış	Tam yazılış
x += a;	x = x + a;
x -= a;	x = x - a;
x *= a;	x = x * a;
x /= a;	x = x / a;
x %= a;	x = x % a;