C. M. Keyns və onun davamçılarının adı ilə bağlı olub, iqtisadi nəzəriyyədə "inqilabi dəyişikliklər" P. Samuel­

Dərəcələr	Gəlirlər
Ümumi gəlirdə payları
Ən aşağı 20%	24.000 dollara qədər	4,2 faiz
Aşağı 20%	41.127 dollara qədər	9,7 faiz
Orta 20%	62.500 dollara qədər	15,4 faiz
Yüksək 20%	94.150 dollara qədər	22,9 faiz
Ən yüksək 20%	100.000 dollardan çox	47,8 faiz

Müqayisə üçün göstərmək olar ki, Almaniyada ən aşağı həyat səviyyəsinə daxil edilən ölkə əhalisinin ümumi gəlirlərdə payı 9 faiz və ən yüksək həyat səviyyəsi qru­pu­na daxil edilən ailələrin ölkənin ümumi gəlirlərində payı 37,1 faiz təşkil etmişdir. Bu rəqəmlər müvafiq surətdə Ka­nadada 7,5 və 39 faiz, Rusiyada 7,4 və 40 faiz, Braziliyada 2,5 və 64,2 faiz, Çilidə 3,5 və 61,0 faiz, İngiltərədə 7,1 və 39,8 faiz, Çində 5,5 və 47 faiz, Azərbaycanda təxminən 16-21 və 5-8 faizdir. 2011-ci ilin məlumatlarına əsasən res­pub­likada minimum əmək haqqı 85 manat, orta aylıq əmək haqqı 350 manat, hər nəfər ailə üzvünə düşən gəlir isə 180 manat olmuşdur.
Ümumiyyətlə hər hansı bir cəmiyyətdə, əhalinin gə­­lir­ləri, ölkənin milli məhsulunun bölgüsünün müəyyən bir hissəsidir ki, həmin hissə əhaliyə çatır. Bu gəlir müx­təlif sahələrdə çalışan insanların öz əməyi, zəhməti, səyi nə­­ticəsində əldə etdiyi məhsul yaxud puldur.
Əhalinin müxtəlif yollarla əldə etdiyi gəlirlər, yəni pul və məhsul (natural) şəkildə olan gəlirləri - ümumi, yaxud məcmu gəlirlər adlanır. Buraya daxildir:

1. 
   əmək haqqı və əməyin ödənilməsinin digər növ­lə­­ri;
   
2. 
   pensiyalar, təqaüdlər və sosial fondlardan digər ödə­­mələr, habelə pulsuz xidmətlər;
   
3. 
   sahibkarlıq gəliri, əmanətlər üzrə faizlər, səhm­lər­­dən alman dividentlər, daşınar və daşınmaz əmlak, mül­kiyyətdən alman gəlirlər;
   

ç) şəxsi yardımçı təsərrüfatlardan götürülən məh­sulun satışından əldə olunan gəlirlər;
d) ailənin ehtiyacları üçün şəxsi yardımçı təsər­rüfatlardan götürülən məhsulların dəyərinin verdiyi gəlir­lər.
Müxtəlif cəmiyyət və iqtisadi sistemlərdə olduğu kimi bazar iqtisadiyyatı şəraitində də qeyri-qanuni surətdə fəaliyyət göstərən istehsal sahələrinin («xəlvəti», yaxud «gizli» iqtisadiyyatın) gətirdiyi, habelə zəhmətsiz yaxud kriminal gəlirlər vardır.
Əhalinin gəlirlərini səciyyələndirmək üçün iqtisadi nəzəriyyədə müxtəlif kəmiyyət və qrafik cizgilərdən istifa­də edilir. Buna misal olaraq, müxtəlif ölkələrin ayrı-ayrı əhali qrupları arasında gəlirlərin bölgüsündəki bərabər­sizliyi (fərqləri) ölçmək üçün Lorens əyrisindən (Maks Lorens - ABŞ, 1876-1959); həmin bərabərsizliyin dərəcə­si­ni əks etdirən Cinni əmsalından (Korrado Cinni – İtali­ya, 1884 - 1945) və əhalinin müəyyən təbəqələrinin gəlir­lə­ri­­nin öz nisbi sabitliyini qoruyub saxlaya bilməsi haq­qın­­da «Pareto qanunun»dan (Bilfredo Pareto- İtaliya, 1848-1923) istifadə olunur.
Lorens əyrisi, Cinni əmsalı, Pareto qanunu öz əksi­ni aşağıda verilmiş sxemdə tapmışdır: