Ən pis variantın deterministik modelləşdirilməsi Ssenari 3-dən sahil xəttinin neftlə ən çox çirklənməsi modeli ilə bağlı dağılma dinamikasını göstərir. Stoxastik nəticələr ümumi ekoloji riski daha yaxşı təmsil etdiyinə görə bu vahid deterministik modelləşdirmələr dənizdə dağılmış dizelin sahil xəttinin neftlə çirklənməsi hadisəsinin ən pis variantı ərzində necə davrana biləcəyini göstərir.
Dizel yanacağının səth sahəsinin kumulyativ əhatə dairəsi və ya “təsir göstərdiyi” sahə 1 deterministik model ilə müqayisə olunan zaman görmək olur ki, belə səthin miqyası geniş deyil (Bax: Şəkil 10). Dizelin tez sahil xəttinə hərəkət etməsi və orada saya oturması görünür. Dizelin su sütununun içərisinə dispersiya etməsi üçün yetərincə çox vaxtı olmur. Odur ki, dispersiya etmiş və həll olmuş ümumi dizel konsentrasiyalarının 58 ppb-dən çox olduğu yerin ölçüsü səthin neftlə çirklənməsi baş verən sahədən yalnız azca daha genişdir (Bax: Şəkil 10 və Şəkil 11).
Kütlə balansının analizi (Şəkil 8) göstərir ki, dizel dənizin səthində olan zaman buxarlanma tez baş verir. Dizel sahilə çıxan zaman bioloji parçalanmanın sürəti əhəmiyyətli dərəcədə artır. Bu iki proses ən pis variant ssenarisi üçün bütün dağılmış dizel kütləsinin 60-70%-ni ehtiva edir.
