Charta de Logu

142-Qui iscongiarit bingia o orto.

Constituimus et ordinamus: qui nexuna persona de qualunca istadu over conditione siat deppiat over qui presumat ischungiare istudiosamente alcuna bingia over orto qui siat cungiadu et ad prova pro cungiadu pro issos jurados a cio alletos nen etiam deus usit over presumat intrari in alcunas bingias subra ditas over ortos qui suo non siat de tempus alcunu sensa paraula de su pubillu de sa bingia over orto et qualunca persona cat esser acatada over lat esser provado qui appat ischungiado studiosamente alcuna de sas dictas bingias over ortos si loat mittiri bestiamen paghit pro ogna bolta qui loe at esser acatadu over lat esser provadu liras X a sa camera nostra et siat maxelladu et mortu su bestiamì secundu qui si contenitin su capidulo desubra et fassat ad ispendiu suo cungiare sa dita bingia over orto et niente de minus siat tenudo de pagare su apreciu et tenturas secundu qui si contenit in su capidulu de subra et siat chertido su accusadore a sagramentu suo et si non avirit de -ndi pagari istit in prexioni a voluntadi de su segnore pro sa maquicia et infini at qui adauiri satisfactu su dannu qui ad auiri factu a su pobillu de sa bingia over orto et icussa persona qui at esser acaptadu intro de sas dictas bingias over ortos paghit pro dogna bolta si est de tempus de fructura sodus XI, et s'itzis fassat su dannu qui illoy at auiri factu et si non pagat infra VIII dies daessa die qui at esser tentu siat posto in su panghulier et siat auiri fatu dannu cussu fructu qui at auiri levado et si in su attero tempus de s'anno illoy intrarit alcuna persona paghit assa corte soldos binti. Et si non lus pagat istit in prexoni aplaximentu nostru; et assa dita pena. Et non si intendat cussu homini over hominis de su pubillu dessa bingia over orto over ortos over pro alcunu atero modo a voluntadi de su pubillu dessa bingia over orto inanti a deus cussos qui ant auiri bingia incastigu over ortos allados apare qui de necessitadi conuenit qui intrarit in su ortu dessu biginu pro passare et intrare a su suo ma cussos illoy possant intrari appee tantu incussu logu qui duos bonos hominis de cussos qui ant auiri bingias in su castighu over ant auiri de sos dictos ortos tenendo appare ant prouidere qui si fassat saidu de intrare et via depassare si veramente qui cussu qui ad intrari et passare a sa bingia over orto suo de questu naradu cungit su saidu qui loy at esser ordinado gasi in su intrari comente in su exire qui at fagheri depensere qui bestiameni intrari non loy possat a sa dicta pena pro dogna bolta quilloy at esser acaptada over prouadu. Et si su intrari over passare qui at fagheri alleuare aghina o araigla over fructu de atera bingia over orto qui suo non siat over illoy fagherit alcunu atero dannu siat condennado comente et icussos qui intrant in bingias over in ortos de ateri ut de subra est naradu et icusso pubillu de bingia over orto o armentargiu o homini suo over jurado electu a sa guardia dessas bingias et ortos et lauores quillu achaptarint in alcuna de sas dictas bingias et ortos siat tenudo de accusarellu comente et issu bestiamini a sa pena qui si contenit de supra.

143-Qui venderet agresta.

Item ordinamus: qui si alcuna persona at esser achaptada bender agresta over aghina furada over leuada de bingia qui non siat sua paghit a sa camera nostra cussa persona qui at esser achaptada bendendola liras V. Et issu bendidore qui at consentire over levare dessa dita aghina a domo sua over ad atiri senza licentia de su pubillu et at illi esser provadu et achaptadu in domo over in ateru y paghit liras X et paghit su dannu qui at auiri et si nò at poder de pagare istet in prexioni pro sa pena et pro su dannu a voluntadi nostra.

144-Qui esseret logadu a bingia.

Volemus et ordinamus: qui nixuna persona qui at esser a logada at lauorare ad alcuna bingia ad tempus de fructu over abennenare nò deppiat nè presumat leare over portare foras dessa dicta bingia arguesta over achina pro alcunu modo sensa paraula et voluntadi de su pubillu ad pena de pagare a su pubillu qui at esser at lauorare over avennenare de maquicia sodhus X sentzaa mìa nixuna et satisfassat su dannu a su pupillu quillat esser factu.

145-Dessos chi hant a serviri in bingia, chi non usint portari in domu sua raygla, nen fundos.

Constituimus et ordinamus: qui nexuna persona qui s'hatat a allogari a lavorari in bingia non usit, nen presumat levari pro portare a domu sua senza paraula e voluntade dessu pubillu dessa bingia plus de raygla segada, nen sana, nen fundos, a pena de pagari de maquicia liras duas.

146-De ponni Castiadorisin sas bingias dae sa die de Santu Quirigu

Item ordinamus, chi ciascuna persona, de qualunca istadu, o condicioni siat, chi hat a haviri bingia in castiu, over pro see, siat tenuda, e deppiat dogni annu sa die de Santu Quirigu ponni Vinidori, over Castiadoris, secundu sa bingia, e comenti assu pubillu hat a plagheri, unu, over multos, chi hant a bisongiari assu castiu, over bingia hat pro see, a pena de pagari cussu, chi nollos hat ponni, sodhus V pro homini cussos, chi hant bingia in castiu; et iscussos, chi hant bingia pro see, chi hat a bisongiari Vinidori pro see, paghint sodhus VI pro sa mala cura sua, e minusprexiu dessos Ordinamentos; e nientedeminus siant tenudos infra dies tres de ponni sos dittos Vinidoris, over Castiadoris, a pena dessu doppiu dessa pena suprascritta: ed issos Vinidoris, chi hant a esser in sas dittas bingias, deppiant esser satisfattos, innanti chi su fruttu dessa ditta bingia indi siat levadu; e si ciò non si fagherit, siant costrittos peri sos Officialis dessa Villas, dundi hant esser: e siveramenti sos Vinidoris de alcunas dessas dittas bingias in su temous, ch'illas hant guardari, s'indi partirint, ed in sa ditta bingia, over bingias s'hat a fagher dannu in su predittu tempus, chi si partirit su dittu Castiadori, deppiat satisfagheri assu pubillu su dannu, ch'illy hat a esser fattu; e si non hat de ghiteu pagari, istit in pregioni, sini a tantu chi hat a haviri satisfattu assu pubillu su dannu.