Charta de Logu

154-Narrado de porcos.

Constituimus et ordinamus: qui cussos qui ant aver porcos de gamma quillos deppiant tenne et reher donnya tempus foras de pardo de hierru et de mindas et di cussos quilloy ant esser acatados siant maxellados pro dogna bolta de porcus dus pro gamma.So quale maxello siat et deppiat esser decusso quillat lansare si morret in su logu vedado exceptu at tempus de spica, et intendat si qui siat su principiu de su dictu tempus despica: daessa prima die de treulas et dae cussa die inantis si possat tenne in qualunca logu illos ad a pachere in sos campidanos foras de pardo de hierru et d'ariolas Et comandamusqui in terra over in istulas nò si possat mittiri infini in tanto quissu lauore at esser totu; et indi at esser carricado et portado ad sa ariola. Et silloy intrant siant maxellados pro dognia gamma et pro ciascuna bolta quilloy ant esser acatados.so quale maxello deppiant pagare sos pastores de sos dictos porcos. Et nienti de minus paghit su damno qui ant auiri facto a su pubillu de su lauore et quissos dittos porcos ant auiri sutigado in sa ditta terra et ant illoy esser vissidos pro issu pubillu de su lauore over homini o iuargio suo over pro alcños de sos ditos jurados sia cretidu su accusadore a sagramentu suo et issu pastore siat tenudo de dare isso maxello de porcos duos pro bolta comente illoy at esser sucitado at su qu'illat aver bissido et acusado et acio su officiale de savilla illos deppiat costringer ad pena de soddus C a sa camera nostra exceptu in sos campidanos qui est logu istrittu daessos quales logos se depiant segare et isuedare de sa prima die de Santu Guayniu.

155-De cabras.

Item ordinamus: qui totu cussus qui ant aver crabas illas deppiant tenne over fagher tenne ad oìa tempus de su annu in su monte qui non si acostent assas bingias et ortos et lauores et pardos exceptu a tempus de istadi illas possant calari assaba pro modo et guisa qui nò fassant damno et abbadas quillas ant auiri:et multas illas si mongere illas bolent in sabadorgiu over in domo et poscha illas deppiant torrare a su monte pro modo qui nò fassant damno.Et icusso pastore qui non las boleret montare daessa prima die de Santu Guayni paghit pro sa prema bolta soddus X et comandit illu su officiale a su dictu pastore qui infra tres dies illas deppiat montare, et si nò obediret illu deppiat tenne et mandare in pregione et fassat gordare cussu bestiamini ad ispesas de so dito pastore.et si fagheret damno cussu bestiamini in bingias o in ortos proseruet si secundum su capitulu de supra; et si in pardos ant esser acatados pro ciascuna volta si maxellent de pegusdus pro gamma et siat decussu quillat maxellare.et icussu qui at maxellari et non lu maxellat pro amore o pro paura o pro atera causa qui si siat et illi ad esser prouadu paghit pro dognia bolta sodhus X et de cio siat cretidu su accusadore a sagramentu suo et appat inde sa terza parte de sa condennatione su acusadore predictu.

156-De berbegues in pardo.

Volemus et ordinamus: qui nixuna persona usit over presumat mitter berbegues in pardo de hyerro over pardo de mindas segados pro bestiamen domadu over in mindas inter lauores pro paschiri o pro istare: excepto barigando ad iaguere qui siat licitu ad icussu quilloy ad paschere o duguer de passare in logu qui nò siat seminado. Et icussa gàma quilloy at esser acatada siat maxellada pro dognia bolta de berbeghes dues et siant de cussu qui l'at maxellare et icussu quil at aver a maxellare et nò lo maxellat pro amore o pro paura o pro atera causa et illi esseret prouado paghit pro dognia bolta sodhus X et siat cretidu su acusadore a sagramento suo et appat inde sa terza parte de sa condennatione.

157-De Maxellos.

Indepat sa terza parte de sa condennatzione. Constituimus et ordinamus:simigiantimenti qui si intendat et qui fagheri si depiat de ciascunu de sos predictos bestiamini de penas maxellos aptsos et condennado ès qui sant acatare qui auirint fatu dànno in su lauore qui at esser portadu et missido in sas ariolas infini qui at esser levadu in totu.

158-De pagare so aptso.

Item ordinamus: qui sos maiores et jurados de calunca villa siat deppiat de pñte fagheri pagamentu et satisfactione de su aptsu qui at esser fatu et tenturas qui sant deber pagare et fagherillu scriviri ordinadamente in su quaderno qui si de supra cio ordinare et tenne secunduz in su capitulu si contenet et su maiore et jurados qui sant acatare in culpa qui nò appant fatu satisfagher et pagare cussos dictos pagamentos a sos quillos debent reciviri de sas persones quillos ant recivido et non lu fagherint secundo qui est narado de supra siat condennado et paghit pro dognia volta quilloy at esser inculpado et li at esser provado qui cio non auirit fatu paghit a sa corte pro maquicia liras V.

159-De observare sos capitulos.

Volemuset ordinamus: qui ciascño officilai de sas terras nostras in cussas contradas et villas et logos qui ant auiri at officiu depiant observare et fagheri obseruare sensa mancamentu sos dictos capidulos. Et issu maiore o officiali o curadore o maiore de villa qui sat acatare over qui sillat provare qui in alcunu casu actuvel parti de sas qui si contenint a sos capidulos de supra no observarint over contra fassant siat condennado a pagare de maquicia sensa mia nixuna a sa corti pro donnya bolta quillat esser provadu su officiali o maiori qui contra fagheret liras deghi et icussu curadore over maiore de villa qui contra fagherit liras V sentza misericordia nixuna, et non siat prejudiciu dessas partis.

160-Ordinamentos de cumonis de maxellos de terminis e iniurias.

Constituimus et ordinamus: qui si alcño homini leuarit cumoni de atera persona de alcño bestiamen et ad cussu pastore silli at prouari fraudu de bestia qui averit bendida o donadu o mandigadu et non lu at narri a su donu suo ki ant fagheri ragione intro dessu annu ki fassiant ragione de su bestiamì et prouari silli at legitimamenti perdat su cumoni et paghit de maquicia a sa corti nostra liras 25.