| Saodat
1. Eng ulug’ baxt, yuksak iqbol.
Saodat bermoq. Saodat topmoq. Halol mehnat – yaxshi odat, berur senga saodat.
Maqol. Ona sutidek pok bizning hamdo’stlik, Elning saodati, huzuri shunda.
M.Alaviya. Ona-Vatan istiqboling, saodating deb, Kurashadi mardonavor qarilar,
yoshlar. G’ayratiy.
2. Saodat ( erkaklar va xotin-qizlar ismi )
Tole
1. Omad, baxt.
Mening toleim yo’q (past). Uning tolei baland. Tolei keldi. Tolei yurishdi. Tolei tong
otarday, kelajagi ko’kday keng. G’.G’ulom. Toleingdan o’rgilay, qizim, onang
sho’rlik qiz bo’lib, kelin bo’lib hech narsa ko’rmagan edi, xudoyi taolo hammasini
senga nasib qilgan ekan. A.Qahhor, Og’riq tishlar.
2. Qismat, taqdir (kam qo’llaniladi).
Toleim qursin, deb yondim, kuydim. Folbinlarga bordim, aziz-avliyolarga nazr
atadim. Oybek, Qutlug’ qon.
Iqbol
1. Baxtli taqdir, porloq kelajak; omad, baxt.
Gulshanning iqboli baland, juda pishiq, juda tirishqoq u, - dedi Zaynab. Oybek, O.v.
shabadalar.
2. Umuman taqdir, qismat.
[Mullado’st o’z-o’ziga:] Bu dunyo hamma yog’ida bizni safar qochdi qilgan,
o’shaning uchun ellik to’rtga kiribmanki, iqbolim nahs-falokatdan sira ajralmaydi.
Hamza. Maysaraning ishi.
3. Iqbol (xotin-qizlar ismi).
Baxtli – baxtiyor, saodatli, toleli, mas’ud.
Baxt yor bo’lgan, baxti kulgan. Saodatli kitobiy. Mas’ud eskirgan, kitobiy.
Men zavoddan qaytganda oqshom Orom olar bolishda boshing, Baxtli qo’zim, men
o’ylab boqsam, Ikki bahor ko’ribdi yoshing ( Yo.Mirzo ). Mehnatimdan baxtiyorman,
tinch farovon ro’zg’or, Istagim istakdan ortiqroq muyassardir menga ( S. Abdulla ).
53
Bu bino Kumushning o’zi uyi bo’lib, bu uy ichida Otabekning saodatli kunlarining
shirin xotiralari saqlanar va shu daqiqada ham uning hayot tiragi bo’lgan
Kumushbibi o’tirar edi ( A.Qodiriy ). Dengiz derdi: “Qirg’oq yiqilsin, To’lqinlarim
o’ynasin ozod”, Kishanlardan holi va mas’ud Zamonlarni aylar ediyod ( Uyg’un ).
Dostları ilə paylaş: |
