D. A. Imomova, A. N. Xujanov o'zbekiston dorivor o'simliklar atlasi

Yong‘oqning shifobaxsh xususiyatlari: Yong„oq preparatlari bakteritsid, yallig„lanishga qarshi, sklerozga qarshi, antigelmintik, mustahkamlovchi, biriktiruvchi, ichni to„xtatadigan, ich suruvchi (ildiz po„stlog„i), o„rta darajada qand miqdorini pasaytiruvchi, qon to„xtatuvchi, yarani davolovchi va bitiruvchi xususiyatlarga ega. Barglar yaralarni davolash, mikroblarga va yallig„lanishga qarshi xususiyatlarga ega. Yong„oq mag„zida magniy juda ko„p, bu tomirlar kengaytiruvchi va siydik haydovchi ta’sirga ega, shuningdek, kaliy ko„p bo„lib, u organizmdan natriyni chiqarib tashlashi va siydik haydalishini ko„paytirishi mumkin. Bularning barchasi qon bosimini pasaytirishni ta’minlaydi. Yong„oq mevalari (mag„zi) asli holida, tug„ralgan va qovurilgan shaklida ishlatiladi. Ulardan murabbo tayyorlanadi yoki asal bilan aralashtiriladi. Asal bilan ezilgan mag„izlar sil kasalligi, saraton kasalligi va umuman zaiflashgan odamlar uchun juda foydali. Yong„oqlar giperatsidli gastrit yoki oshqozon yarasi uchun ajoyib vosita hisoblanadi va me’da shirasining sekretsiyasini ko„payishiga olib keladi. Yong„oq mevalari kichik gijjalar uchun antigelmintik vosita sifatida ishlatiladi. Maydalangan yong„oqlar ko„karishlar va zarblarning dog„larini davolash uchun ishlatiladi, oshqozon yarasini davolash uchun esa ichga iste’mol qilinadi. Bolalardagi miya va yurak tomirlarining sklerozi, sil kasalligi, raxit uchun barglarning damlamasi ichiladi, metabolizmni yaxshilaydi va qondagi qand miqdorini pasaytiradi; tashqi tomondan - ho„llanma, vanna, yiringli toshmalar, lishay, ekzemada yuvinib yaralarni davolovchi vosita sifatida, shuningdek, turli xil yallig„ lanish kasalliklari va tish milki qon ketishida og„iz va tomoqni chayish vosita sifatida ishlatiladi. Yong„oq po„stlog„idan (qobiqdan) murabbo buyraklardagi yallig„lanish jarayonlarida yoki surunkali nefrit yoki pielonefritda ishlatiladi. Yong„oq va yong„oq moyi aterosklerozda parhez mahsulot hisoblanadi, jigar kasalliklari, ich qotishi bilan kechadigan surunkali kolit uchun foydalidir. Xalq tabobatida yong„oq moyi ko„z atrofidagi gangrena, saramas va teshik yara kasalliklarida eng yaxshi vosita hisoblanadi. Moyidan siydik tosh kasalligi, hayz ko„rishi buzilishlarida ishlatilgan, lishay bilan ta’sirlangan terini moylash uchun ishlatishgan, shuningdek, kuyish va ko„krak yoriqlarida surtma sifatida foydalanilgan.