Qo‘llash mumkin bo‘lmagan holatlar: Dalachoy jigarda bezovtalik va og„izda achchiq maza, ich qotishini keltirib chiqaradi, ishtahani pasayishiga olib keladi. Dalachoy o„ti qon bosimini biroz ko„taradi, shuning uchun gipertoniya kasalligiga chalingan bemorlarga faqat yig„malarning bir qismi sifatida buyurish maqsadga muvofiqdir. Qo‘llash usullari:1) 10 g quruq dalachoy o„ti 1 stakan qaynoq suv solinadi, damlanadi. Ovqatdan so„ng kuniga 2-4 marta 1 osh qoshiqdan ichiladi. 2) 15-20 g quruq o„t 1/2 litr spirt yoki aroq solib nastoyka qilinadi. Ovqatdan so„ng kuniga 3 marta 30 tomchisi suv bilan ichiladi. 3) Dalachoyning yangi barglarini va yovvoyi mavrakni (teng darajada olish kerak) yangi hayvon yog„i bilan eziladi, doka orqali siqib olinadi. Yopiq idishda saqlanadi. Yaralarni va shilingan joylarni davolash uchun malham sifatida foydalaniladi. 4) 1/2 stakan suvga 2030 tomchi spirtli o„t nastoykasidan qo„shish kerak. Og„izdagi yomon hidni yo„qotish uchun chayish tavsiya etiladi. Tashqi foydalanish uchun damlama ko„proq konsentrlangan shaklda tayyorlanadi (2 stakan qaynoq suv uchun 2-3 osh qoshiq o„ti). Dalachoy damlamasi 70% spirtda 1:10 nisbatida tayyorlanadi. 1/3 chashka suv bilan ichga 30-50 tomchidan ichiladi yoki og„iz-halqumni chayishda ishlatiladi. Yog„i (Oleum Hyperici) quyidagicha tayyorlanadi: 2-3 osh qoshiq yangi gullarga 200 g zig„ir yoki kungaboqar yog„i quyiladi. Ora-orada silkitib, xona haroratida qorong„i joyda 2 hafta davomida turishi kerak. Suzgichdan o„tkaziladi, tashqi vosita sifatida ishlatiladi. Nevralgik xarakterdagi tortuvchi og„riqlar, asab tolalarini shikastlanishida buyuriladi. Tromboflebit va oyoqning trofik yaralarini davolashda malham sifatida qo„llaniladi.
