D ə m I strreplƏ q L i yyatind a h ə r ə k ə t I n t ə n z I m L ə m ə s I steml ə r I

RADİORABİTƏ
Radiorabitənin məftilli rabitədən üstün cəhəti ondan ibarətdir ki, radiorabitə dispetçer sahəsində lokomotiv maşinisti yaxın stansiyaların növbətçisi müəssisələrinin işçiləri, yol təmiri, briqadalarının üzvləri, sərnişinlərə xidmət göstərən qatar briqadası, İMB və kontakt şəbəkəsi işçiləri ilə əlaqə saxlamaq olur (Şəkil 14). Radiorabitə vasitəsi ilə mənzildə olan qatar maşinisti, stansiya növbətçisi iki tərəfli əlaqə saxlamaq imkanı yaranır. Radio stansiyası lokomotiv üzərində və aralıq stansiyalarının xidməti binalarının üzərində quraşdırılır. Stansiya radiorabitəsi təpə və manevr işlərində istifadə olunur. Etibarlı iki tərəfli radiorabitə manevr dispetçeri ilə stansiya növbətçisi, qatar tərtibatçısı, manevr lokomotivinin maşinisti və təpə lokomotivinin maşinisti arasında yaranır. Manevr və təpə radiorabitəsi yaratmaq üçün RB tipli radiostansiyası lokomotivdə, RS tipli radiostansiyası isə iki və ya üç idarəetmə pultu ilə manevr dispetçeri və park növbətçisinin otağında quraşdırılır. Radiostansiya ilə həmçinin texniki baxış məntəqəsi, tərkibin kommersiya məntəqəsi, yük həyətinin dispetçeri, mühafizə xidməti təmin edilir. Qatar və stansiya radiorabitəsi danışıqların avtomatik yazılışını təmin edən qurğu ilə də təmin oluna bilər. Radiorele rabitə xətti çoxkanallı radiorabitə sistemi ultraqısa diapazonda işləməyə imkan verir. Belə xətlər zəncirvari radio qəbulu və ötürücü antena vasitəsilə 50 – 60 km görmə sahəsi olan açıq sahədə işləməyə imkan verir. Radiorele xətti sabit şəkildə atmosfer təsirinə məruz qalmır.

İstehsal prosesini avtomatlaşdırmaq məqsədi ilə dəmiryol nəqliyyatında radiolokasiya stansiyasının ötürücüsü radiodalğa şəklində qısa impulslar göndərir. Radiolokasiya avtomatlaşdırılmış çeşidləmə təpəsində vaqonların hərəkət sürətini ölçmək üçün də istifadə olunur.

Bundan əlavə radiolokasiya sistemi qabarit ölçüsünə mane ola biləcək kənar əşyaların olmasını aşkar edə bilər.