YARIMAVTOMAT BLOKLAMA
Yarımavtomat bloklama qatarların intervalla hərəkətini nizamlamaq məqsədi ilə az fəaliyyətli dəmir yollarında istifadə olunur. Yarımavtomat bloklama ona görə adlanır ki, əməliyyatların bir hissəsi, yəni işarə göstəriciləri avtomatik olaraq dəyişdirilir, digər hissəsi isə stansiya növbətçisi tərəfindən yerinə yetirilir. Yarımavtomat bloklama sistemli sahələrdə mənzildə ancaq bir qatar ola bilər. Qatarburaxma işini artırmaq üçün böyük məsafəli mənzillərdə iki post qurulur. Belə olan halda birinci posta qatar stansiyanın çıxış svetoforu əsasında yola düşür və ikinci postu keçid svetoforunun göstəricisinə müvafiq keçir.
Texniki İstismar Qaydalarına görə yarımavtomat bloklama qurğusu qarşıdakı posta qədər mənzil boşalmayana qədər çıxış svetoforunun və yaxud keçid svetoforunun açılmasına yol verməməlidir. Yarımavtomat bloklama sistemi avtomatik olaraq qatarın gəlməsinə nəzarət edir, lakin onun tam şəkildə qəbulunu təmin edə bilmir. Qatarın tam şəkildə stansiya yoluna daxil olmasına stansiya növbətçisi nəzarət edə bilir.
Dostları ilə paylaş: |
