D. O‘rinbayeva m. Rahimova
Yüklə 0,89 Mb. Pdf görüntüsü
|
- Bu səhifədəki naviqasiya:
- ONA SHAHRIM SAMARQAND
| 5-SINF UCHUN MATNLAR
O‘ZBEK MAQOLLARI Maqol xalq og‘zaki ijodiga oid janrlardan biri sanaladi. Maqollar shaklan qisqa bo‘lgani bilan ularda juda keng ma’no mujassam bo‘lgan. Tilimizning bu bebaho boyligini o‘rganish bilan ajdodlarimiz qadimdan shug‘ullanib kelganlar. Mashhur qomusshunos Mahmud Qoshg‘ariy XI-asrdayoq turkiy xalqlarning 400 ga yaqin hikmatli iborasini o‘zining uch jildlik lug‘atiga kiritgan. Ularning 250 dan ortiqrog‘i shakl va mazmuniga ko‘ra hozirgi o‘zbek tilidagidan farq qilmaydi. Adabiyotshunos olimlarimiz “O‘zbek xalq maqollari” kitobida 1800 ta maqolni 31 mavzuga ajratib tavsiflagan. Olimlarning aniqlashicha, har bir kishi taxminan 800 ga yaqin maqol va matallar haqida tushunchaga ega bo‘lar ekan (89 ta so‘z). VATAN Vatan – onaning allasi taralgan, beshigining izlari chizilgan zamin. Ajdodlaring ko‘milgan qabriston, ota-onangning izlari qolgan ko‘chalar, sening lahjangda so‘zlashadigan, qosh-u ko‘zi xuddi sening kabilar yashaydigan muqaddas zamin Vatandir. Ilk bor bahorni tanigan, birinchi marta varrak uchirgan, ilk bor hayitlik olgan joying, birinchi o‘qituvchi, birinchi muhabbatingni tanitgan muqaddas makon Vatandir. O‘z jonidan yaratgani uchun ham ona bolasini tishida tishlab o‘tadi. Vatan ham shunday: qadamlaringni ko‘ksiga qo‘yib, suyab yashaydi seni. Vatan mung‘aygan tandirli, pastakkina tomli kulbangdan boshlanadi. Unga bo‘lgan muhabbating ham shu ostonada tug‘iladi (T. Sodiqova) (84 ta so‘z). ONA SHAHRIM SAMARQAND Samarqand - ko‘hna tarixiy obidalarga boy shaharlardan biri. Shunday obidalardan biri – Registon. U uchta salobatli binodan tashkil topgan. Bular: Ulug‘bek, Sherdor, Tillakori madrasalaridir. 39 Ulug‘bek madrasasi 1471 - yilda barpo etilgan. Bu bino Ulug‘bek qurdirgan madrasalarning eng kattasi va eng hashamatlisi edi. Bu madrasa o‘z davrida ilm-fanning yirik markazi bo‘lgan. Sherdor madrasasi 1619 – 1636 - yillarda Samarqand hukmdori Yalanto‘sh Bahodirning topshirig‘i bilan qurilgan. Bahaybat peshtoq tepasida sher va ohular rasmi solingani uchun Sherdor madrasasi deb atalgan. Tillakori madrasasi 1647-1660 - yillarda qurilgan. U zarhal naqshlar bilan ishlangani uchun shunday nom olgan (90 ta so‘z). Yüklə 0,89 Mb. Dostları ilə paylaş:
|