D. O‘rinbayeva m. Rahimova
Yüklə 0,89 Mb. Pdf görüntüsü
|
|
MILLATNING OYNASI Xalqimiz tilimizni, Vatanimizni uyqash tarzda – “ona tili”, “Ona Vatan” deb e’zozlaydi. Bunday mehr-muhabbatda katta ma’no bor. Shu bois ham taqdir taqozosi bilan boshqa mamlakatlarga borib, yashab qolishga majbur bo‘lgan vatandoshlarimiz o‘zbek tilimizni o‘zlari uchun Vatan o‘rnida ko‘radilar, unga suyanadilar,undan madad, kuch-qudrat oladilar. Ana shu go‘zal va qudratli ona tilimiz istiqlol tufayli o‘zining qonuniy o‘rnini topish imkoniga ega bo‘ldi. Bugungi kunda o‘zbek tilining gullab-yashnashi uchun barcha yo‘llar ochiq: son-sanoqsiz nashriyotlar, gazeta-jurnallar, radiostudiyalar, telestudiyalar, Til va adabiyot instituti, maxsus atamaqo‘m… Tilimiz taraqqiyotida ancha-muncha ijobiy o‘zgarishlar yaqqol ko‘zga tashlanib turibdi. Bir misol: mustaqillikkacha televideniye yoki radiodan o‘zbek tilida burro-burro gapirayotgan ingliz, nemis yoki fransuzni onda- sondagina ko‘rgan bo‘lsangiz, hozir qariyb har kuni ko‘rasiz, eshitasiz. Bu – faxr emasmi! Albatta, odam quvonadigan hol. Chiroyli o‘zbek tilida gapirayotgan xorijlikning kalomini eshitganingizda, beixtiyor ustod Abdulla Qahhorning ichki bir mehr bilan aytgan: ”Juda boy, chiroyli tilimiz bor. Bu tilda ifoda etib bo‘lmaydigan fikr, tuyg‘u, holat yo‘q!” degan haqqoniy so‘zlarini eslaysiz. Ha, shunday ajoyib ona tilimiz bor! Biroq, biz o‘z tilimiz – o‘zbek tilimizga unga munosib tarzda sadoqat ko‘rsatayotirmizmi, munosib tarzda hurmatini joyiga qo‘yayotirmizmi? Rostini aytaylik: ayrim zamondoshlarimiz tilimizga beparvolarcha, mas’uliyatsizlik bilan, ba’zi hollarda esa bepisand munosabatda bo‘ladilar. Bunga ishonch hosil qilish uchun hech bo‘lmasa gazeta-jurnallar, radio-televideniye tiliga bir e’tibor bering!... Noto‘g‘ri so‘z qo‘llashlar, siyqa gaplar talaffuzdagi no‘noqlik, beo‘xshov tarjimalar, shevaga xos so‘z, qoshimchalar! Shundagina biz ONA – TIL oldidagi burchimizni bajargan bo‘lamiz. Zotan, ona tili – millatning aslida kim ekanini ko‘rsatuvchi haqqoniy oynadir. (Gazetadan, 230 ta so‘z) |