D. O‘rinbayeva m. Rahimova
Yüklə 0,89 Mb. Pdf görüntüsü
|
| 2-SINF UCHUN MATNLAR
ILM Ilm inson uchun g‘oyat oliy va muqaddas bir fazilatdur. Zeroki, ilm bizga o‘z ahvolimizni, o‘z harakatimizni oyna kabi ko‘rsatur. Zehnimizni, fikrimizni qilich kabi o‘tkir qilur. Savobni gunohdan, halolni haromdan, tozani murdordan ayirib berur. Bizlarni ilm jaholat qorong‘uligidan qutqarur (Abdulla Avloniy) (36 ta so‘z). O‘ZBEKISTON-YER YUZINING JANNATI O‘zbekiston-yer yuzining jannati. U bizning jonajon Vatanimizdir. Yam-yashil bog‘-rog‘larga burkangan Farg‘ona vodiysi, ko‘hna Samarqand-u Buxoro, Xiva, azim Qashqadaryo va Surxondaryo yurtimizning maftunkor maskanlaridir. O‘zbekistonda Amudaryo, Sirdaryo, Zarafshon kabi daryolar, Chotqol, Qurama, Hisor, Nurota, Chimyon singari tog‘lar bor (37 ta so‘z). 22 VATAN YAGONADIR Vatan ko‘nglimizda bo‘lsa, Alloh ishimizga madadkor bo‘lgay. Vatan va el manfaati muqaddasdir. Zamonlar o‘taveradi, davrlar o‘zgaraveradi, ammo Vatan abadiydir. Bu aziz Vatan-barchamizniki. Dunyoda mamlakat ko‘p, lekin olamda ona yurtimiz, O‘zbekistonimiz yakka-yu yagona (32 ta so‘z). VATAN Vatan arabcha so‘z bo‘lib, ona yurt degan ma’noni bildiradi. U har birimizning kindik qonimiz to‘kilgan muqaddas dargoh. Inson uchun Vatan yagonadir. Vatanning katta-kichigi, boy-kambag‘ali bo‘lmaydi. Inson uchun undan ulug‘ in’om yoq. Vatandan judolik eng katta baxtsizlikdir (S. Otamurotov) (36 ta so‘z). YER Yer tabiatning in’omi. U xalqqa noz-u ne’mat beradi. Qish kunlarida yer miriqib dam oladi. U qor va yomg‘ir namlarini yig‘ib kelgusi yil hosili uchun asrab turadi. Bahorda yer insonga o‘z bahrini ochadi, saxiy mehrini sochadi (Y. Sa’dullayeva) (35 ta so‘z). IBN SINO Ota-onasi Ibn Sinoni maktabga berishdi. Lekin u maktabda o‘qitiladigan kitoblarni allaqachon o‘qib olgan edi, shuning uchun u maktabga bormay qo‘yibdi. Ota-onasi shaharda o‘qisin, deb Buxoroga ko‘chib kelishibdi... Ibn Sino bora-bora zo‘r tabib bo‘lib ketibdi (Rivoyatdan)(34 ta so‘z). Yüklə 0,89 Mb. Dostları ilə paylaş:
|