D. O‘rinbayeva m. Rahimova
Yüklə 0,89 Mb. Pdf görüntüsü
|
| 4-SINF UCHUN MATNLAR
VATAN Vatan! Ne-ne aziz insonlar voyaga yetgan, uning porloq istiqboli, fazl- u kamoli uchun jon fido etgan zamin. El borki, Vatan bor. Vatan borki, el bor. Elsiz vatan biyobon, Vatansiz el - darbadar. Shuning uchun ham, el qadri bilan yashagan kishilarni vatanparvar deya ardoqlaganlar. Jonajon yurtimizni mustaqil Vatan deb ataymiz. Bu ko‘hna diyor torlarini shundayin chertib yubordiki, endi uning sehrli va fusunkor sarhadlari dunyo mamlakatlari ko‘z o‘ngida O‘zbekiston nomi ila namoyon bo‘lmoqda. Bugun biz istiqbolimizni, erkinligimizni, mustaqilligimizni sharaflaymiz, qo‘shiqlarda kuylaymiz (79 ta so‘z). DUO Amir Temur o‘g‘lini Tabrizdan Samarqandga jo‘natayotganda shunday nasihat qilgan edi: «El-yurtning mushkulin oson qilgin, adolatli yo‘l tutgin, savob ishlar qilib, ko‘pchilikning duosini olgin!» Shohruh Mirzo Sirdaryoning chap tomonidagi suvsiz cho‘lda qiynalib yashayotgan aholining arz-u dodini eshitganda, shu nasihatlar yodiga tushdi va Gavharshodbegimga dedi: «Sardoba qurdirsakmikin?» Gavharshodbegim Zarafshon daryosidan chiqarilgan Darg‘om anhorini uning yodiga soldi va shunday dedi: «Sirdaryoning suvi Zarafshonnikidan ham ko‘p, amirzodam. Agar undan Darg‘omga o‘xshagan shohariq chiqarilsa, qancha suvsiz joylar obod bo‘lardi, qancha odamlar sizni duo qilardi?» (P.Qodirov)(79 ta so‘z). HAR KUNING SAMARALI BO‘LSIN Avvallari darslardan bo‘sh paytim ko‘proq bekorchilik bilan o‘tardi. Ertadan kechgacha o‘yin bilan mashg‘ul edim. Biror ish bilan jiddiy shug‘ullanmaganman. Murabbiylarim bunga befarq bo‘lishmadi. Sinf rahbarimiz G‘afura opa bir necha bor vaqtning qadri haqida kuyunib gapirganlari, meni biror mashg‘ulotni tanlashga chaqirganlaridan keyin o‘ylanib qoldim... 33 Hozir bir daqiqa vaqtni ham zoye ketkazmayapman. Darslarga puxta tayyorlanish ko‘p vaqt talab qilsa ham, sport bilan shug‘ullanishga vaqt topaman. Har kunim ertadan kechgacha rejalangan. Litsey, stadion, darslar, mashg‘ulotlar... Vaqting ketdi - naqding ketdi (77 ta so‘z). Yüklə 0,89 Mb. Dostları ilə paylaş:
|