Təchizat malları və yanacaq təchizatı
Gilavar gəmisinin 1.5 aylıq üzmə müddətinə (baxın: Cədvəl 4 .1) əsasən gözlənilir ki, tədqiqat müddəti ərzində ən azı bir dəfə yanacağın doldurulması tələb olunacaq. Tədqiqat gəmisi üçün təchizat/yanacaqdoldurma əməliyyatı dəstək gəmisi vasitəsilə dənizdə həyata keçiriləcək (sənayedəki qabaqcıl beynəlxalq praktikaya riayət etməklə). Tədqiqat gəmisi Bakıda limanlardan birində təchizat malları ilə doldurulacaq. Su, ərzaq və digər malların təchizatı da təchizat gəmisi tərəfindən həyata keçiriləcək.
Tədqiqat gəmisinin və onun yedəklə dartdığı strimer qrupunun yaxınlığından həmişə ən azı bir dəstək gəmisi fəaliyyət göstərəcək və lazım gəldikdə tam fövqəladə dəstək təmin edəcək.
BP-nin Logistika Əməliyyatlarına Nəzarət Məntəqəsi (LƏNM) yükləri və sərnişinləri daşıyan gəmilərə nəzarət edilməsinə cavabdeh olacaq. Layihə Heyəti gündəlik tədqiqat planından istifadə etməklə LƏNM-ə layihə gəmilərinin hərəkəti barədə məlumat verəcək ki, onların nəzarətində olan hər hansı fəaliyyətlər ilə olan uyğunsuzluq halları azaldılsın.
Ş əkil 4.11: Məlumatların yığılması üçün şərti dairəvi trayektoriya sxemi
Əsas seysmik profillərin nəzərdə tutulan hərəkət istiqaməti
Qeyd: Əsas tədqiqat profilləri arasında məsafə 300m – 720m arasında ola bilər.
Dostları ilə paylaş: | 
