D230 saylı Blok üzrə Seysmik Tədqiqat

Kiçik həcmli dağılmalar

Kiçik həcmli karbohidrogen dağılmaları hidravlik şlanqların, avadanlığın, saxlama konteynerlərinin sızması yaxud yanacaqdoldurma zamanı dağılmalar nəticəsində baş verə bilər. Gəmilərdə nisbətən kiçik həcmlərdə sürtkü yağı və hidravlik mayelər olacaq. Tədqiqat gəmisindən (22m³) mühərrikin sürtkü yağının bütün həcminin ani dağılması halının modelləşdirilməsi göstərdi ki, sürtkü yağı kimi ağır karbohidrogenlərin ətraf mühitdə dayanıqlı olmasına baxmayaraq sahil xəttinin neftlə çirklənməsi yaxud dəniz səthinin əhəmiyyətli şəkildə neftlə örtülməsi baş verməyəcək (baxın: Əlavə 7A). 7.4.3-cü bölməsində müəyyənləşdirilmiş profilaktik (qabaqlayıcı) və təsirazaltma tədbirlərinin görülməsini nəzərə alaraq, kiçik həcmli dağılmaların təsirlərinin əhəmiyyətli olacağı gözlənilmir, çünki onlar dəniz mühitində nisbətən sürətlə dispersiya olacaq və bioloji cəhətdən parçalanacaq.

Seysmik tədqiqat proqramı ərzində istifadə ediləcək strimerlər həm maye doldurulmuş (yəni, İzopar M, yüngül neft distilyyatlarının qarışığı, əsasən kerosinə oxşar C2 – C5 izoparafin karbohidrogenləri), həm də/və ya “sərt” növlü (üzmə qabiliyyəti üçün köpük yaxud gel ilə doldurulmuş) strimerlər olacaq. Partlamış/zədələnmiş strimerdən mayenin sızması məhdud olacaq, çünki strimer kabelləri təxminən 100m-dən bir qapalı bölmələrə/seksiyalara bölünür. Buna görə də, bir seksiya zədələndikdə digərləri sağlam qalır. Hər bir bölmədə adətən 1-5 m³ maye olur. Mayeli strimerlərin konfiqurasiyası və layihələndirməsi səbəbindən bütün strimerin tam sıradan çıxması halı heç ehtimal edilmir (hətta strimerin digər gəmi ilə toqquşması halında belə). Sərt strimerlərdən istifadə edilməsi ümumiyyətlə maye sızması riskini aradan qaldırır. Buna görə də, strimerlərin mayesinin dəniz mühitinə əhəmiyyətli təsir göstərməsi gözlənilmir.

2.