D230 saylı Blok üzrə Seysmik Tədqiqat

Dəniz istifadəçiləri

Hazırkı ƏMSSTQ sənədinin 5-ci fəslindəki 5.4.3-cü bölmədə qısa şəkildə təsvir edildiyi kimi, Tədqiqat Sahəsi (o cümlədən tədqiqat gəmisinin manevretmə zonası) əsasən bir sıra dəniz yolları boyunca hərəkət edən yerli, regional və beynəlxalq gəmilər tərəfindən istifadə olunur (baxın: Şəkil 5.12). Nəzərdə tutulan tədqiqat profillərinin 40km məsafəsi daxilində məlum olan balıqçılıq əhəmiyyətli sahələr yaxud digər dəniz istifadəçiləri mövcud deyil.

Layihə gəmiləri və avadanlıqları 6 ay müddətinədək (o cümlədən mobilizasiya, boşdayanma və demobilizasiya üçün vaxt nəzərə alınmaqla) fəaliyyət göstərəcək. Bu müddətin 2019-cu ilə planlaşdırılan AÇG 3Ö tədqiqat və AÇG dənizdibi seysmik tədqiqat ilə üst-üstə düşmə ehtimalı vardır (hər ikisinin təxminən 3 ay davam edəcəyi gözlənilir). AÇG Kontrakt Sahəsi D230 saylı Blokdan təxminən 10km məsafədə yerləşir və D230 saylı Blokda seysmik tədqiqat işlərinin təsirinə məruz qala bilən eyni dəniz nəqliyyat vasitələri tərəfindən istifadə edilməyəcəkdir.

Bundan əlavə, D230 saylı Blok üzrə Seysmik Tədqiqat Layihəsi üçün nəzərdə tutulan təsirazaltma tədbirləri (Bölmə 6.4.3-də təsvir edilib), o cümlədən tədqiqat gəmisi və yedəklənən avadanlıq (məhdud manevr imkanına malik olan) ətrafında təhlükəsizlik məqsədilə qadağan edilmiş zona və dəniz istifadəçiləri və müvafiq səlahiyyətli orqanlar ilə davamlı əlaqə təmin edəcək ki, regional və beynəlxalq gəmiçiliyə əhəmiyyətli kumulyativ təsirlər olmasın.

Layihə ilə bağlı dəstək gəmiləri arabir yanacaq doldurmaq və təchizat malları götürmək məqsədilə Bakıdakı limanlara gedib-gələcək. Bunlar dənizdə gəmilərin ümumi hərəkətini müəyyən qədər artıracaq, lakin, onların digər dəniz istifadəçiləri üçün əhəmiyyətli kumulyativ təsirə yaxud toqquşma riskini artırmasına səbəb olacağı ehtimal edilmir.

2.