D230 saylı blokda seysmik tədqiqat podratçısı tərəfindən layihə üçün xüsusi olaraq işlənib hazırlanacaq planların xülasəsi aşağıdakı bölmədə təqdim edilir. Hazırki ƏMSSTQ sənədinin 4, 6 və 7-ci fəsillərində müəyyənləşdirilmiş əsas layihəyə nəzarət və təsirazaltma tədbirlərinin xülasəsi verilmiş və bu sənəddə qeyd olunan tədbirlərin yerləşdiyi sahələrə çarpaz istinadlar daxil edilmiş Cədvəl 9.1-ə istinad edilir.
Ətraf mühitin idarə edilməsi planı
Layihə üzrə spesifik Ətraf mühitin idarə edilməsi planında dəniz mühitinin çirklənməsinin qarşısının alınması və belə mühitə təsirlərin məhdudlaşdırılması üçün (hazırki ƏMSSTQ sənədinin 4 və 6-cı fəsillərində təqdim edilən və Cədvəl 9.1-də ümumiləşdirilən) lazımi tədbirlər təyin ediləcəkdir. Planda həmçinin, Ümumi Təbiəti Mühafizə Komitəsinin (ÜTMK) təlimatlarına uyğun Xəzər suitilərinin müşahidəsi protokolları ətraflı təsvir ediləcəkdir.
