D230 saylı Blok üzrə Seysmik Tədqiqat

İcra prosesi

1. Vəzifə və öhdəliklər

BP D230 saylı blokda seysmik tədqiqatın idarə olunması üçün ümumi məsuliyyət daşıyacaq və hazırki ƏMSSTQ sənədində ətraflı təsvir edilmiş ekoloji və sosial-iqtisadi təsirazaltma tədbirlərinin icrasını və yoxlanmasını həyata keçirəcəkdir.

D230 saylı blokda seysmik tədqiqat podratçısı BP-nin korporativ standartlarına, həmçinin, hazırki ƏMSSTQ sənədində nəzərdə tutulan öhdəliklərə riayət etməklə özünün SƏTTƏM İdarəetmə Sistemi əsasında seysmik tədqiqatın aparılmasına görə məsuliyyət daşıyacaqdır. D230 saylı blokda seysmik tədqiqat podratçısının SƏTTƏM sisteminin, BP-nin Əməliyyatları İdarəetmə Sisteminin və ƏMSSTQ sənədinin arasında əlaqəni təmin edəcək layihəni idarəetmə sənədləri, o cümlədən, aşağıdakı 9.3 bölməsində ətraflı təsvir edilmiş planlar işlənib hazırlanacaqdır. D230 saylı blokun seysmik tədqiqat podratçısından bu əlaqələndirici sənədlərin müvafiq cəhətlərinə tam riayət etməsi gözləniləcəkdir.

2. Təlim

Gəmi ekipajları yerli və beynəlxalq tələblərə uyğun olaraq seysmik əməliyyatların həyata keçirilməsi üzrə təlim keçəcəkdir. Layihənin başlanmasından qabaq dəniz məməlilərinin müşahidəsi üzrə xüsusi təlim keçiriləcəkdir. Bütün təlim materialları nəzərdən keçiriləcək və BP ilə razılaşdırılacaqdır. Təlim aşağıdakların daxil olacağı, lakin bunlarla məhdudlaşmayacaq təqdimatların keçirilməsindən və təlimat sənədlərinin gəmi ekipajlarına paylanmasından ibarət olacaqdır:

• 
  Xəzər suitisinin müəyyənləşdirilməsi;
  
• 
  Müşahidə metodları və qaydaları;
  
• 
  Təlim keçmiş gəmi heyəti və gəmi kapitanı arasında kommunikasiya protokolları;
  
• 
  3Ö seysmik tədqiqat ərzində suiti müşahidə olunduğu təqdirdə görülməli tədbirlər; və
  
• 
  Qeydiyyatın aparılması və məlumat verilməsi tələbləri.
  

Bundan əlavə, seysmik tədqiqat podratçısının personalının ətraf mühit və sosial məsələlər barədə məlumatını artırmaq üçün ümumi təlim nəzərdə tutulacaqdır.

3.